རིགས་གྲོལ་གྱི་ཟིན་བྲིས།

དཔལ་ལྡན་ལོ་དགོན་བཤད་སྒྲུབ་བསྟན་འཕེལ་གླིང་། ལྔ་པ། (ལོ་སེམས་དཔའ་སྐུ་ཕྲེང་བཅུ་བཞི་པ་ཆེན་པོ་སེམས་དཔའ་ཐུབ་བསྟན་བཤད་སྒྲུབ་རྒྱ་མཚོའི་མཛད་པ་ཐོར་བུ།) ལོ་སེམས་དཔའ་སྐུ་ཕྲེང་དགུ་པ་སེམས་དཔའ་རྡོ་རིང་ཅན་ནམ། ཐུབ་བསྟན་ཉིན་བྱེད་གྲགས་པ་རྒྱ་མཚོའི་སྐུ་དུས་སུ་དགོན་པ་ཡོངས་རི་བོ་དགེ་ལྡན་པའི་ལུགས་སུ་བསྒྱུར་གནང་མཛད་ནས། ལོ་བླ་བྲང་དགོན་ཁང་དང་བཅས་པ་གསར་བཞེངས་གནང་རྗེས། བཀའ་བློན་རྡོ་རིང་པའི་བཀའ་ལྟར་བླ་བྲང་དགོན་ཁང་དུ་དོལ་རྒྱལ་ཀྱི་ཐང་ཀ་གསེར་བྲིས་མ་ཞིག་བཞེངས་འདུག  དེ་ནས་སེམས་དཔའ་སྐུ་ཕྲེང་བཅུ་གསུམ་པ་བར་གནས་པར་གྲགས། འོན་ཀྱང་སྐབས་དེ་དུས་ནས་ལོ་དགོན་གྲྭ་ཚང་དོལ་རྒྱལ་དང་འབྲེལ་བ་རྩ་བ་ནས་མི་འདུག

དཔལ་ལྡན་ལོ་དགོན་བཤད་སྒྲུབ་བསྟན་འཕེལ་གླིང་། བཞི་པ། (དཔལ་ལྡན་ལོ་དགོན་བཤད་སྒྲུབ་བསྟན་འཕེལ་གླིང་གི་ད་ལྟའི་དགོན་བདག་ལོ་སེམས་དཔའ་སྤྲུལ་སྐུའི་སྐྱེས་རབས་དང་། སྐུ་ཕྲེང་རིམ་བྱོན།) བོད་ཀྱི་སྤྲུལ་སྐུ་རྣམ་གསུམ་དུ་གྲགས་པའི་ཡ་གྱལ་ལོ་སེམས་དཔའ་སྐྲུལ་སྐུའི་སྔར་བྱོན་སྐྱེས་རབས་ཇི་ལྟར་བྱོན་ཚུལ་ནི།  ཐོག་མར་འཕགས་པ་སྤྱན་རས་གཟིགས་ཁ་སར་པ་ཎིའི་སྤྲུལ་པ། དེ་ཡང་འཕགས་མཆོག་སྤྱན་རས་གཟིགས་ཁ་སར་པ་ཎི་བོད་ཁ་བ་གངས་ཅན་གྱི་འགྲོ་དོན་མཛད་ཕྱིར་སྤྲུལ་པ་ཕེབས་པར་གྲགས། གཉིས་པ། བདག་ཅག་གི་སྟོན་པ་བཀའ་དྲིན་ཅན་ཤཱཀྱ་ཐུབ་པའི་སྐུ་དུས་སུ་བྱོན་པའི་རྒྱལ་པོ་བྱང་ཆུབ་སེམས་པ་དྲི་མེད་གྲགས་པ།

དཔལ་ལྡན་ལོ་དགོན་བཤད་སྒྲུབ་བསྟན་འཕེལ་གླིང་། གསུམ་པ། (དཔལ་ལྡན་ལོ་དགོན་བཤད་སྒྲུབ་བསྟན་འཕེལ་གླིང་གི་གདན་རབས་རིམ་བྱུང་གིས་རྒྱ་བསྐྱེད་ཇི་ལྟར་བཏང་བའི་ལོ་རྒྱུས་མེས་པོའི་ཞལ་རྒྱུན།) གདན་རབས་དང་པོ། དགེ་བཤེས་སྤྱན་སྔ་པའི་དངོས་སློབ་དོ་མེད་བཞི་ཡི་ཡ་གྱལ། དགེ་བཤེས་བྱ་ཡུལ་བ་གཞོན་ནུ་འོད། འདི་པའི་དུས་སུ་ཁྲོ་བོ་མི་གཡོ་བའི་གྲུབ་ཆུ་དཀྱིལ་དུ་ཡོད་པའི་ཀླུ་འབུམ་ཁང་ཀ་བ་བཅུ་དྲུག་ཅན། སྒོ་འདུ་ཁང་དུ་ཕྱོགས་པ། རྩིག་པ་ནུབ་ངོས་སུ་བསྟན་པ་བཞེངས། ཀླུ་འབུམ་ཁང་ཞེས་པ་ཁ་སྐད་ཡིན་པ་ལས་དེབ་ཐེར་ཁག་ན་གློ་འབུར་ཁང་ཞེས་གསལ།

དཔལ་ལྡན་ལོ་དགོན་བཤད་སྒྲུབ་བསྟན་འཕེལ་གླིང་། གཉིས་པ། (སྤྱན་སྔ་ཚུལ་ཁྲིམས་འབར་གྱི་ལོ་རྒྱུས་མདོར་བསྡུས།) བཀའ་གདམས་སྐུ་མཆེད་གསུམ་སྟེ། སྤྱན་རས་གཟིགས་ཀྱི་སྤྲུལ་པ་ཕུ་ཆུང་པ་གཞོན་ནུ་རྒྱལ་མཚན།  འཇམ་དབྱངས་སྤྲུལ་པ་པོ་ཏོ་རིན་གསལ། ཕྱག་རྡོར་སྤྲུལ་པ་སྤྱན་སྔ་ཚུལ་ཁྲིམས་འབར་རྣམས་གསུམ་ལས། ཆུང་བ་དགེ་བཤེས་སྤྱན་སྔ་བ་ནི་ཉན་གྱི་སྣང་ར་སྒང་དུ་( སྟག་རྩེ་ལོ་ཕུ་  )ཡབ་ཤཱཀྱ་རྡོ་རྗེ་དང༌། ཡུམ་ལི་མོ་ཡེ་ཤེས་སྒྲོན་གཉིས་ཀྱི་སྲས་སུ་རབ་བྱུང་བཅུ་གཅིག་པའི་ས་སྟག། དུས་རབས་བཅུ་གཅིག་པ། ཕྱི་ལོ་༡༠༣༨ ལོར་འཁྲུངས།  

དཔལ་ལྡན་ལོ་དགོན་བཤད་སྒྲུབ་བསྟན་འཕེལ་གླིང་། དང་པོ། (དགེ་བའི་བཤེས་གཉེན་ཆེན་པོ་སྤྱན་མངའ་ཚུལ་ཁྲིམས་འབར་གྱིས་ལོ་དགོན་བཤད་སྒྲུབ་བསྟན་འཕེལ་གླིང་ཇི་ལྟར་ཕྱག་བཏབ་པའི་ལོ་རྒྱུས་མེས་པོའི་ཞལ་རྒྱུན།) དཔལ་ལྡན་ལོ་དགོན་བཤད་སྒྲུབ་བསྟན་འཕེལ་གླིང་ནི་ད་ལྟའི་སྟག་རྩེ་རྫོང་ཐང་དཀར་ཁོངས་ལོ་ཕུ་གྲོང་ཚོ་བདུན་པའི་ནང་དུ་ཆགས་ཡོད། དགོན་དེ་ནི་བཀའ་གདམས་སྐུ་མཆེད་གསུམ་གྱི་ཡ་གྱལ་སྤྱན་སྔ་ཚུལ་ཁྲིམས་འབར་གྱིས་ཤིང་མོ་ཕག་གི་ལོ་སྟེ། ཕྱི་ལོ་ ༡༠༧༣ ལོར་ཕྱག་འདེབས་འགོ་བརྩམས།

                བཞུགས་རོགས།། གངས་དཀར་པོ་ཤེལ་གྱི་མཆོད་རྟེན་འདྲ།། དབུ་རྩེ་མོ་མ་ཞིག་བརྟན་རོགས་མཛོད།། སེང་དཀར་མོ་ཡོད་རབས་མི་བདེན་ཡང་།། བྱ་རྒོད་པོའི་སེམས་ཀྱི་བརྟེན་ས་ཡིན།། རྫ་སྨུག་པོ་གཡུ་མདོག་བཞིན་བཟང་མ།། མར་མ་ཉིལ་བརྟན་པོར་བཞུགས་རོགས་མཛོད།། ཤིང་མེ་ཏོག་རྒྱས་རབས་མེད་ན་ཡང་།། ང་ཨ་བྲའི་སེམས་ཀྱི་ཉལ་ས་ཡིན།། སྤང་བདེ་མོ་དབྱངས་ཀྱིས་མཆོད་འདྲ་མ།། རྒས་མ་འགྲོ་བརྟན་པོར་བཞུགས་རོགས་མཛོད།། གསེར་རིན་ཆེན་རྒྱན་གྱིས་མ་བཞད་ཀྱང་།། ངེད་གཡག་ཆུང་རོག་པོའི་འཚོ་ས་ཡིན།། ཁམས་དྭངས་བའི་རྒྱུག་ཆུ་དལ་འགྲོ་མ།། ཆད་མ་ཡོང་རེམ་རེམ་བཞུར་རོགས་མཛོད།། རིན་ཆེ་བའི་མུ་ཏིག་མེད་རབས་ཀྱང་།། ངེད་གསེར་ཉའི་ཚོགས་ཀྱི་རྐྱལ་ས་ཡིན།། ཞིང་ཆུང་ཆུང་ནས་སྙེ་འགུལ་ས་མ།། འགྱུར་མ་འགྲོ་བརྟན་པོར་བཞུགས་རོགས་མཛོད།། གློག་ཁྲ་ཁྲའི་འོད་ཟེར་མེད་ན་ཡང་།། ངེད་བྱ་བྱིའུ་ཚོགས་ཀྱི་འཁྲབ་ས་ཡིན།།       ༢༠༡༨།༠༥།༢༢ ཉིན། ཉེ་འཁོར་ལ་ལྟ་བཞིན་ཤར་མར་སྦྱར།  རིགས་གྲོལ།

དེ་རིང་། སྤྲིན་པའི་འཁྲིགས་སྟངས་ཇི་ཡིན་མ་ཤེས་ཀྱང་།། རླུང་བུ་ལྡང་བ་དེ་ཡིས་འཁྱོར་ཙམ་བྱས།། ཡལ་ག་རེ་ཡང་འགུལ་ཙམ་བྱས་ཤུལ་ནས།། བདག་ནི་འཆར་སྣང་ཙམ་གྱིས་བརླན་པར་བྱས།། མི་རྣམས་ས་ཁང་གྲུ་བཞིར་བཏགས་ནས་ཡོད།། འདོགས་བྱེད་གློག་གི་རྒྱུ་བའི་འཁོར་ལོ་འོ།། སྒེའུ་ཁུང་ནང་གི་མེ་ཏོག་དམར་པོ་ཡང་།། ད་ནངས་ཞིག་ནས་སྐྱོ་བའི་ཉམས་ཤིག་ཤར།། འཇིག་རྟེན་ཁེར་པོར་བུད་པའི་ཞོགས་པ་འདིར།། ཁྱོད་རང་རི་མོར་བརྫུས་ནས་ཡོང་ངམ་ཅི།། ཡི་གེའི་ཚིག་འབྲུ་རེ་རེ་ཚིག་ཤུལ་ནས།། བདག་གི་ངོ་གདོང་འདི་ཡང་འབར་བར་བྱས།། སིལ་ཁུའི་ཕོར་པ་མཆུ་ཡིས་འཇིབ་ཞོར་དུ།། ཐང་རིང་ཞིག་ན་བསམ་པའི་མིག་གིས་གཅེར།། མཁའ་དབུགས་གཡོ་འགུལ་རི་མོ་ལང་ལོང་འདིས།། བདག་གི་ལུས་ལ་རེ་བའི་གསོན་ཤུགས་སྦྱིན།། དེ་རིང་མགྲིན་པ་འདི་ཡང་འགག་པ་ལ།། གྲེ་བའི་ནང་ནས་ཡིག་འབྲུས་འཚང་ནས་འོང་།། རྩིག་གྱང་ལྡེབས་ཀྱི་རི་མོ་གཅེར་བུ་མ།། ཁ་བརྡ་ཞིག་གི་མགྲོན་པོ་ཨེ་ཡིན་ནམ།། ཁྱོད་རང་རྫུ་འཕྲུལ་གྱོན་ནས་མ་ཐོན་ན།། བདག་གི་ལུས་ནི་སྔར་ནས་ཞུམ་སོང་ངོ་།། ཐིགས་པ་ཚ་བོ་འདི་ཚོས་ཅི་ཞིག་ཚོས།། དྲི་མ་ངར་མ་འདི་ཚོས་ཅི་ཞིག་རུལ།། སང་ཉིན་ཟེར་བའི་ཐ་སྙད་འཛད་མེད་དེར།། མེ་ཏོག་ཁྲ་ཚོམ་ཤར་བ་...

ཧེ་དྲ་བྷ་ཌའི་སངས་རྒྱས་སྐུ་བཞེངས་མ། ཁ་སང་གཅུང་མོ་ཆུང་བ་གུང་སེང་དང་སྟབས་བསྟུན་ཏི་ལང་ག་ན་མངའ་སྡེའི་ཧེ་དྲ་བྷ་ཌ་ནང་ཡོད་ཨེན་ཌི་ཨར་ལྡུམ་ར་དང་ལུམ་བི་ནི་སྐྱེད་ཚལ་ལ་འཆམ་འཆམ་དང་། ལུམ་བི་ནི་སྐྱེད་ཚལ་ཁོངས་ཧུ་སེན་མཚོ་དཀྱིལ་བཞུགས་པའི་སངས་རྒྱས་སྐུ་བཞེངས་མ་མཇལ་བར་བསྐྱོད། སངས་རྒྱས་ཞལ་བཞུགས་དུས་ལྷོ་ཕྱོགས་འདི་ན་ཞབས་ཀྱིས་བཅགས་ཚུལ་མི་གསལ་ཡང་། མཐོ་ལ་གཟི་བརྗིད་དང་ལྡན་པའི་སྐུ་འདྲ་འདི་མཇལ་དུས་སངས་རྒྱས་དངོས་སུ་ཞལ་བཞུགས་པ་ལྟར་གྱི་ཚོར་བ་ཞིག་གིས་དགའ་བ་ཡོངས་སུ་རྒྱས་པར་བྱེད། སྐུ་འདི་ཧེ་དྲ་བྷ་ཌ་གྲོང་ཁྱེར་གྱི་སྙིང་ལྟ་བུ་ཧུ་སེན་མཚོ་མོའི་དཀྱིལ་དུ་ཡོད་ཅིང་། ལུམ་བི་ནི་སྐྱེད་ཚལ་ནས་གྲུ་ཐོག་སྐར་མ་བཅོ་ལྔ་ཙམ་གྱི་ས་ན་བཞུགས། ལོ་ལྟར་ཕྱོགས་ཁག་ནས་མཇལ་བཅར་བ་ཁྲི་ཕྲག་ཡོང་ཚུལ་ཟེར།            སྐུ་འདྲ་འདི་ཨན་དྲ་མངའ་སྡེའི་(སྔོན་མ་ཏི་ལང་ག་ན་ཨན་དྲའི་མངའ་ཁོངས་ཡིན)བློན་ཆེན་(༡༩༨༣-༨༩) ཨན་ཊི་ར་མ་རའོ་ཡི་དུས་སྐབས་བཞེངས་འདུག །དེ་ཡང་ཁོང་གི་ལས་ཡུན་རིང་ས་གནས་ཀྱི་ཆབ་སྲིད་དང་། ཆོས་ལུགས་ཀྱི་ལོ་རྒྱུས་མི་སྣའི་འདྲ་སྐུ་བཞེངས་ཆེད་འགྲོ་གྲོན་མང་པོ་བཏང་ཡོད། ཐེངས་ཤིག་ཁོང་ནིའུ་ཡོག་ཏུ་ཕེབས་སྐབས་རང་དབང་གི་འདྲ་སྐུ་(Statue of libert...

འདྲེ་ལ་རྒོལ་བ།                                              རིགས་གྲོལ། རྒྱབ་ནས་ཆོས་སྒར་དྲག་པོས་གཏོར་བཞིན།། མདུན་ནས་དབང་ཆེན་བཙན་གྱིས་སྐུལ་བ།། སྒེར་བདག་ཅན་གྱི་སྲིད་དབང་དེ་ཡིས།། ང་ཚོའི་སེམས་པ་འབར་དུ་འཇུག་གི། མེས་པོའི་ཁྲག་དང་རྣག་གིས་བཞེངས་པའི།། བཤད་གྲྭ་ཆེན་མོ་ཐང་ལ་སྙིལ་གྱིན།། དབང་ཐང་མེད་པར་དབང་ཆེན་སྐུལ་བ།། འུ་ཚོའི་མགོ་ལ་གཞུ་བའི་རྡོ་རེད།། དད་པ་བྱེད་ས་མར་མར་སློག་གིན།། མི་དད་ས་ན་དད་དུ་འཇུག་པ།། བཙན་དབང་ཅན་གྱི་བརྙས་ཆོས་འདི་ཀོ།། འུ་ཚོའི་སེམས་པ་གསོད་པའི་མདའ་རེད།། ཆོས་པ་ངོ་མའི་བླ་མཁར་འཇོམས་གྱིན།། ཆོས་གཟུགས་ཅན་ལ་ཁྲི་འཕང་རྩེག་པ།། སུན་གཙེར་ཆེ་བའི་བྱ་སྤྱོད་འདི་དག། འུ་ཚོའི་སྙིང་ལ་འཛུགས་པའི་ཁབ་རེད།། བྱིན་རླབས་ལྡན་པའི་འདྲ་སྐུ་བཤིག་གིན།། བྱིན་རླབས་མེད་པར་གུས་སུ་འཇུག་པ།། དབང་ཆེན་དཔོན་པོའི་གདུག་རྩུབ་ཆེན་པོ།། འུ་ཚོའི་དང་བ་གཅོད་པའི་གྲི་རེད།། ཕར་ངོགས་དེ་ནས་ལྷ་ཁང་རྡལ་གྱིན།། ཚུར་ངོགས་འདི་ནས་དད་པ་གླེང་བ།། གཡོ་རྫུན་ཅན་གྱི་བྱ་ངན་འདི་དག། འུ་ཚོའི་ཁ་ལ་གཞུ་བའི་ལྕག་རེད།། ནང་ན་དྲག་པོའི་མཚོན་གྱིས་འབྲེག་གྱིན།།...

ཆུ་བོ་ཐུར་རྒྱུག  །ཆུ་རགས་གྱེན་བརྩིགས། ( གྲགས་ཅན་སྙན་ངག་པ་ཞིག་གིས་གང་ཟག་གཞན་གྱི་སྙན་ངག་ལ་དཔྱད་གླེང་བྱས་པ་ཞིག་བཀླགས་རྗེས་ཀྱི་ཚོར་སྣང་།) ཆུ་བོ་ཞིག་མཛེས་སྡུག་ངང་ཤང་ཤང་རྒྱུག་བཞིན་འདུག། རྐྱལ་འདོད་ཅན་ཐག་རིང་ནས་ཧུར་ཧུར་བལྟས་ནས་འདུག། རྐང་འགོ་ཙམ་ཆུ་ནང་དུ་གཞུག་རྒྱུར་མ་བཟོད་ན།། གཏིང་ཚད་ལ་འོལ་ཚོད་ཀྱིས་འཇལ་བ་ངོ་མཚར་རོ།། ཉ་མོ་ཡིས་ཆུ་ནང་དུ་རྩེ་བ་དོན་དངོས་འདིར།། ཉ་པ་ཡིས་འཕྲུལ་སྣང་གིས་འཛིན་པའི་ལྟད་མོ་རྒོད།། ཉ་འཛིན་གྱི་ལྕགས་ཀྱུ་ཙམ་ལག་པས་མ་འཇུས་པར།། ཉ་གཤོག་གི་མཉེན་མཐུག་སྐོར་གླེང་འདི་ཡ་མཚན་ཨང་།། རུས་སྦལ་ལ་རྐང་ལག་ཀྱང་ཡོད་པ་མ་ཤེས་པས།། རུས་སྐོགས་ཀྱིས་ཆུ་བོ་ལ་འཇུག་པ་མིན་ནམ་སྙམ།། རུས་ཚིགས་ལ་མཛུབ་མོ་ཡིས་བསྟན་ནས་བཟང་ངོ་ཞེས།། རུས་གོང་ལ་རེ་བ་ཙམ་བྱེད་པ་ཐབས་ཆག་གོ།། རླུང་བུ་ཡིས་རླབས་རིས་སུ་བྲིས་པ་མ་རྟོགས་ནས།། ཆུ་བོ་ལ་གཉེར་མ་ཡང་ལྡན་ཞེས་འུར་སྟངས་འདི།། གཏམ་རྒྱུད་ལྟར་བཤད་ཡམ་དུ་གྱུར་བའི་ངག་འཁྱལ་སྟེ།། སུ་ཞིག་གི་རྣ་བུག་ལ་འཇམ་པ་ཡོད་ན་ཐང་།། མཁའ་དབྱིངས་ནས་བྱ་བྱིའུ་ཡིས་རྩེན་པའི་རྒྱུ་མཚན་ནི།། འབུ་སྲིན་ལ་ཟ་འདོད་ཀྱིས་འཁོར་བ་ཨེ་ཡིན་ནམ།། ཞི་བ་དང་འཇམ་པ་ཡིས་བརྒྱན་པའི་ངོ་མཚར་ལ།། རྩེ་འདོད་དང་དགའ་བ་ཡིས་ཆགས་པ...

ལམ་བུ། གཡུ་མདོག་ནགས་ཀྱི་ལྗོན་པའི་དབུས་ན་དཀྱུས་རིང་ལམ་ཟུང་གྱེས་ནས་ཡོད།། གཉིས་ཀ་ལས་ལ་བསྐོས་པ་མེད་ན་ངེས་པར་གཅིག་ནི་འགྲིམ་དགོས་ཨང་།། གཅིག་ཐོག་གོམ་ཁ་དལ་གྱིས་སྤོས་ན་གཞན་དེ་སེམས་ཀྱི་འགྲུལ་བཞུད་དེ།། འདི་ནས་གང་དུ་ལྷགས་པ་ཡིན་རུང་དོན་དུ་ཕྱི་ལ་འཁོར་རམ་ཅི།། གཡས་གཡོན་མེ་ཏོག་གཞོན་ནུའི་ཚོགས་ཀྱིས་དགའ་བའི་འཛུམ་གྱིས་བསུ་བ་འམ།། ཡང་ན་མགོ་བོ་འཕྲེད་ལ་གཡུག་ནས་མ་འགྲོ་མ་འགྲོ་ཟེར་བ་ལྟ།། འོན་ཀྱང་ཅི་ནས་མདུན་སྐྱོད་དགོས་པས་དབུགས་རིང་ཤུགས་ཀྱིས་ལན་ཤས་རྔུབས།། གཡས་ན་རེ་བའི་མིག་ཞགས་འཕེན་བཞིན་གཡོན་ལ་གོམ་པའི་འདེགས་འཇོག་བྱས།། བྱ་བྱིའུ་སྐད་ཀྱི་སྙན་ཆ་འདི་ཀོས་བདག་གི་རྣ་བ་ལན་བརྒྱར་འཕྲོག། འདི་ན་འཚོ་བའི་སྣང་ཞེན་འདུག་སྙམ་དགའ་བའི་འཛུམ་ནི་ལན་བརྒྱར་ཤོར།། སྐྱི་བསེར་རླུང་གི་གཡུག་ཕྱོགས་ཤིག་གིས་སེམས་པའི་རི་མོ་ཕྱི་ལ་བཤོལ།། ལམ་བུ་གཞན་དེར་ལན་ཆགས་ཤིག་གམ་ཡིད་ནི་ཕྱི་ལ་ལན་བརྒྱར་ཤོར།། མགོ་ཐོག་ཤིང་གི་ཡལ་གའི་བར་དེར་ནགས་བྱི་གཉིས་ཀྱིས་རྩེ་བཞིན་དུ།། ཁོང་གཉིས་གསང་བ་ཤོར་སོང་སྙམ་མམ་བདག་ལ་ཁྲོ་མིག་སྟོན་བཞིན་འདུག། སྡོང་རྩར་གྲོག་མ་མིག་མེད་མང་པོས་ཟས་སྣ་སྡུད་ལ་བྲེལ་བ་འདིས།། ངེས་མེད་འབྱུང་བའི་ཆགས་སྒོ་ངན་པ་ཉེ་སར་ཡོང་བའི་བརྡ་ཨེ་ཡིན།། ...

འབྲོག་མོ། སྐྲ་ལོའི་ཉག་མ་ཅུང་ཙམ་ཟིང་པ་ཞིག། སྨིན་མ་ནག་པོ་གཞུ་ལྟར་གུག་པ་ཞིག། ཡ་ཐོད་འོད་ཞགས་འཁྱུག་པའི་ནང་རོལ་དེར།། འབྲོག་མོ་ངོ་མའི་སེམས་ཀྱི་རི་མོ་ཡོད།། མཛེས་སྡུག་མཁུར་ཚོས་དམར་མདངས་རྒྱས་པ་ཞིག། སྣ་རྩེ་རི་བོ་འདྲ་དེ་ཉག་ཙམ་ཞིག།། མིག་ཟུང་མདུན་ལ་ཅེར་བའི་རྒྱབ་རོལ་ན།། འབྲོག་མོ་ངོ་མའི་ཕུགས་ཀྱི་གཏད་ས་ཡོད།། འགྲམ་པ་གཡས་གཡོན་དབྱིབས་གཟུགས་ལེགས་པ་ཞིག། མ་ལེ་མཛེས་ཤིང་ཞེང་ཚད་ཆེ་བ་ཞིག། མཆུ་རྩེེ་སྨུག་མདངས་ཅན་དེའི་བར་དཀྱིལ་ན།། འབྲོག་མོ་ངོ་མའི་དུང་བའི་སེམས་གཏམ་ཡོད།། མཇིང་ཤ་ངོ་མ་ཅུང་ཟད་མངོན་པ་ཞིག། རྒྱན་ཆ་ཡོད་མེད་དོགས་པས་བཅིངས་པ་ཞིག། ཡོངས་རྫོགས་སློག་པས་གཡོགས་པའི་འོག་རོལ་ན།། འབྲོག་མོ་ངོ་མའི་དྭངས་གཙང་ལུས་ཁམས་ཡོད།། ལག་གཡས་ལྕི་བའི་དྲི་ཡིས་ནག་ཙམ་ཞིག། གཡོན་ལ་བརྩེ་བའི་སོར་གདུབ་སྤྲས་པ་ཞིག། གཡུ་ཡི་འཕྲེང་བ་བགྲང་བའི་རྗེས་དཔག་ན།། འབྲོག་མོ་ངོ་མའི་བྱམས་པའི་མཚོ་མོ་ཡོད།།                 2018/01/21 ཉིན། རིགས་གྲོལ།

བྱམས་བརྩེའི་ནུས་སྟོབས།                       བྱམས་བརྩེ་སེམས་གཏིང་ན་འཁྱིལ་བའི།།      དྲིན་ཆེན་ཕ་མ་ཡི་དུང་བ།། གཙང་པོའི་གཏིང་མཐའ་ནས་བཞུར་བ།། རླབས་སྒྲ་ལྷོ་མཐའ་ནས་ལྡིར་བྱུང་།། དྲི་མེད་འོད་ཞགས་ཀྱི་བརྩེ་བ།། ཕ་མའི་དུང་སེམས་ལྟར་གྱུར་ན།། ལྷོ་མཐའ་བྱང་མཐའ་ལ་ཉུལ་ཡང་།    གདུང་བའི་ན་ཟུག་ཀྱང་མི་འདུག། གངས་ཆུ་རྫ་ཆུ་ཡི་བཞུར་རྒྱུན།། མཐའ་མེད་རྒྱ་མཚོ་ལ་འདྲེས་པ།། བྱམས་བརྩེའི་འོད་ཞགས་སུ་གྱུར་ན།། བདེ་སྐྱིད་ཉིན་མོ་དེ་ལོས་ཤར།། དྲིན་ལན་རྫོགས་མཐའ་དེ་མེད་ཀྱང་།། འཇལ་འདོད་སེམས་པ་ཞིག་ཡོད་ན།།        ང་ཚོའི་སེམས་གཏིང་ན་རུམ་པའི།། འོད་ཟེར་ཕྱོགས་མཐའ་རུ་འབར་ངེས།།   ཕུགས་བསམ་བདེ་ཆེན་ལ་བཅོལ་བའི།། འགྲོ་དྲུག་སེམས་ཅན་གྱི་དོན་དུ།།    ཐབས་ཤེས་ཡབ་ཡུམ་ལ་བརྟེན་པའི།། བྱམས་བརྩེའི་འོད་སྣང་ཞིག་སྦར་དགོས།།

ལང་ཚོ་དར་བབ་ཀྱི་འཕྲོད་བསྟེན་སྐོར་ཟབ་སྦྱོང་སྐབས་ཀྱི་ཚོར་སྣང་།། ཉིན་དང་པོ།  ༢༠༡༧།༡༢།༢༤ བྱིས་པ་སེམས་མེད་ཨེ་ཡིན་ནམ།། དུས་ཀྱི་འགྱུར་བ་ཡིན་པ་འོ།། རྒས་པོའི་སྤྱོད་ལ་རོལ་བ་དག། སུ་ཡི་མིག་ལ་མཛེས་སོང་ཨང་།། ཁྱོད་ཀྱི་འཚར་ལོངས་མཛེས་པོ་དེར།། སྤྲིན་པའི་ཡོལ་བ་མཐུག་དོན་ཅི།། དགོས་མཁོ་ཞེས་པའི་བར་སྣང་ན།། ལམ་སྟོན་ཆར་པ་བབ་དོན་ཅི།། ལྗང་དུས་ལྡེམ་ལྡེམ་གཡོ་བ་དེ།། རླུང་བུའི་གཡོ་ཕྱོགས་ཡིན་པར་ངེས།། དོན་གྱི་ཞིང་ས་རལ་པོ་དེར།། སུ་ཡི་ཡིག་འབྲུའི་ལོ་ཏོག་ཡོད།། ཉིན་གཉིས་པ།   ༡༢།༢༥ རི་མོ་བྲིས་པ་མཛེས་སོང་བ།། ཤོག་བུ་དཀར་བས་ཡིན་ནམ་ཀྱེ།། འགུལ་བའི་སྨྱུ་གུ་མེད་སོང་ན།། བྱེད་པོ་ཞེས་པ་སུ་ཞིག་རེད།། ཤོག་བུ་དཀར་བ་རྒྱུ་ཙམ་ལ།། རི་མོ་མཛེས་རྒྱུ་ཅི་ལ་ངེས།། སྒྱུ་རྩལ་ཟེར་བའི་ཁ་དོག་དེ།། ཇི་ཙམ་འགུལ་བ་དེ་ཙམ་མོ།། ནམ་མཁའ་ཞེས་པའི་རྒས་མོ་དེ།། ཇི་ཙམ་མཐོ་བ་མི་ཤེས་ཀྱང་།། སྤྲིན་པོ་ནག་པོ་འཁོར་བ་དེ།། བདག་གི་མིག་ལ་གཟན་ཙམ་བྱུང་།། དུས་ཀྱི་ཡོལ་བ་ནག་པོ་དེར།། ལམ་སྟོན་ཇེམ་ཙེ་མཛེས་བྱུང་ཨང་།། སྤྲིན་པ་ནག་པོས་ཆར་བབས་རྗེས།། སངས་པ་ཞེས་བྱ་མཐོང་ཙམ་བྱུང་།། ཉིན་གསུམ་པ།       ༡༢།༢༦ མཐོ་བ་ནམ་མཁར་དམ...

སེམས་ཀྱི་དབྱངས། ནམ་མཁའི་མཐའ་ན་ཟུག་པའི།། འཇའ་ཚོན་མིག་ལ་མཛེས་པོ།། ཞག་གསུམ་སེམས་ལ་ཤར་ཡང་།། འདུན་མ་ཡོང་ས་མ་རེད།། ཁ་དོག་མཚར་ལ་བསམས་ནས།། སེམས་པའི་ཞགས་པ་བཏབ་ཀྱང་།། རླུང་བུའི་གཡུག་ཕྱོགས་ཤིག་གིས།། སྤྲིན་པའི་དཀྱིལ་ནས་ཡལ་སོང་།། ཁྱེད་ནི་སེམས་ཀྱི་མེ་ཏོག། མཛེས་སྡུག་དབྱིངས་ལ་བཞུད་སོང་།། གཡུ་སྦྲང་བུང་བ་ང་ཡང་།། དྲན་པའི་ཀློང་ནས་ཉལ་ཡོད།། དམ་བཅའི་རི་མོ་རེ་རེ།། ཡིག་འབྲུའི་ཚུལ་དུ་བྲིས་ཀྱང་།། འགྱུར་བ་ཆུ་ཡིས་བཤལ་བ།། སེམས་ཀྱི་ན་ཟུག་མིན་ནམ།། དང་པོ་འཛུམ་ཞལ་རྒོད་པ།། བདུད་རྩི་སྨན་མཆོག་འདྲ་ཡང་།། མཐའ་མ་ལེ་ལན་མང་བ།། བསམ་པའི་དུག་ཏུ་གྱུར་སོང་།། ལས་འཕྲོ་ལས་འཕྲོ་ཟེར་ནས། མ་ཎི་འདོན་འདོན་བྱས་ཀྱང་།། ཚེ་འདིའི་ལས་ལ་མེད་ན།། ཕྱི་མར་རེ་བ་མི་འདུག།  ༢༠༡༧།༡༡།༣༠ དགོང་དྲོ། རིགས་གྲོལ།

ཇོ་བོ་རྗེའི་གསོལ་འདེབས། བྷང་གལ་རྒྱལ་པོའི་སྲས་སུ་བལྟམས་ན་ཡང་།། རྒྱུ་ནོར་འདོད་པའི་འདམ་ལྟར་ལེགས་གཟིགས་ནས།། ལྷ་གཅིག་རྗེ་བཙུན་སྒྲོལ་མས་བསྐུལ་བ་བཞིན།། ཆགས་མེད་དབྱིངས་ལ་བཞུགས་དེར་གསོལ་བ་འདེབས། གཞོན་ནུའི་དུས་ནས་སྒྲ་ཚད་གསོ་རིག་དང་།། ནང་དོན་སྙན་ངག་ལ་སོགས་ལེགས་སྦྱངས་ཤིང་།། ལྷག་པར་བཅོ་ལྔར་ཕེབས་ཚེ་རིག་བྱེད་པའི།། རྟོག་གེ་ཕམ་པར་མཛད་ལ་གསོལ་བ་འདེབས།། ན་ལེན་དྲར་ཕེབས་མཁས་པ་མང་བསྟེན་ཏེ།། ལམ་རིམ་དབུ་མའི་གཞུང་སོགས་ལེགས་སྦྱངས་མཐར།། བླ་མ་ཨ་ཝ་དྷུ་ཏིའི་བཀའ་དགོངས་ལྟར།། སྲིད་ཀྱི་མེ་ལྕེ་བཏང་ལ་གསོལ་བ་འདེབས།། རི་ནག་གཙུག་ལག་ཁང་དུ་བྱོན་མཛད་ཅིང་།། ར་ཧུལ་གུབ་ཏའི་ཞབས་ཀྱི་པད་དྲུང་ནས།། ཀྱེེ་རྡོར་དབང་ལུང་ཡོངས་སུ་ཞུས་ཙ་ན།། གསང་བའི་རྡོ་རྗེ་ཞེས་བྱར་གསོལ་བ་བདེབས།། དཔལ་ལྡན་རྡོ་རྗེ་གདན་གྱི་འདུལ་འཛིན་པ།། ཤཱི་ལ་རཀྴི་ཏ་ཡི་ཞབས་དྲུང་ནས།། ཁྱིམ་ནས་ཁྱིམ་མེད་རབ་ཏུ་བྱུང་བ་ན།། དཱི་པམ་ཀ་ར་ཞེས་བྱར་གསོལ་བ་འདེབས།། ཁྱད་པར་བླ་མ་དྷརྨ་རཀྴི་ཏར།། འདུལ་བ་ལུང་བཞི་བྱེ་བྲག་བཤད་པ་ཆེ།། ལེགས་པར་གསན་མཐར་སྡེ་པ་བཅོ་བརྒྱད་ཀྱི།། གཙུག་གི་ནོར་བུར་གྱུར་དེར་གསོལ་བ་འདེབས།། འཁོར་དུ་སློབ་ཚོགས་སྤྲིན་ལྟར་སྟུག་ན་ཡང་།། རྒྱ་མཚོར་བཞུགས་ནས་...

ཁྱི་རྒུ། འཇིག་རྟེན་འདི་ན་འཚོ་གནས་བྱེད་བཞིན་པའི་འགྲོ་བ་དག་ལ་རིགས་སྣ་ཚོགས་མཆིས་ཤིང་། ལ་ལ་ནི་དབང་ཐང་དང་སྟོབས་ལ་དགའ་བ་དང་། རེ་འགའ་གཞན་དོན་འབའ་ཞིག་ལ་བརྩོན་པ། འགའ་ཞིག་ནི་རང་ཉིད་ཅི་ཞིག་གི་ཕྱིར་དུ་འཚོ་གནས་བྱེད་བཞིན་པ་ཡང་མ་རྟོག་པ། ཁ་ཤས་ནི་གཞན་རྟེན་གྱི་ཀུན་སྤྱོད་འོག་ན་རང་ཉིད་ལ་རང་དབང་སྤུ་ཙམ་མེད་པར་གནས་པའང་ཡོད། དེ་དག་ལས་ཁྱི་ཟེར་བ་ཆེས་ཡ་མཚན་པ་དང་། རྟོགས་དཀའ་བའི་རིགས་ཤིག་རེད།          ཁྱི་ནི་རྟག་ཏུ་དོན་མེད་ཟུག་རྒྱུར་དགའ་ཞིང་། ཉམ་ཆུང་གི་མདུན་ན་ངར་ངར་དང་། མཆེ་བ་གཙིགས། དབང་དང་སྟོབས་འབྱོར་ཅན་གྱི་མདུག་ན་གུད་གུད་དང་ཞུམ་ཞུམ་བྱེད་པར་སྤྲོ། ཁོ་ཚོས་ཟས་ལྷག་དང་འཐུང་ལྷག་སྟེར་ན་རྣ་བ་ཟུང་སྙལ་སྙལ་དང་། མཇུག་མ་གཡུག་གཡུག་གིས་རྣམ་འགྱུར་བསྟན་ཞིང་། ཅུང་ཟད་རིང་སར་ཐོན་ན་མཇིང་པ་སྦོམ་སྦོམ་གྱིས་ཟུག་པར་བྱེད།   ཁོ་ཚོ་ཕལ་ཆེ་བ་གཞན་གྱི་བྲན་གཡོག་དང་། གཞན་གྱི་བཀོལ་སྤྱོད་འོག་ཏུ་ཡོད་ཀྱང་། ད་དུང་རང་ཉིད་ཆེན་པོ་དང་མཐོ་ས་ཞིག་ཏུ་ཡོད་པར་བརློམས་ཏེ། རྒྱུན་དུ་ང་རྒྱལ་གྱི་རི་བོ་བཞེངས་རྒྱུར་དགའ། གཞན་གྱིས་ཤ་ཚའི་སློབ་གསོ་བྱས་ན་གཡང་གཟར་གྲོག་རོང་ལ་གཡུགས་པ་ལྟ་བུའི་ཚོར་སྣང་སྐྱེ་ཞིང་། དེ་དག་དགྲ་ཡི་དྭངས་མར་འཛིན་ཏེ། གོ་ས...

ས་ར་སྭ་ཏི་ལ་བསྟོད་པ། མཛེས་སྡུག་ས་ར་སྭ་ཏི།། རྨི་ལམ་གཞུང་ནས་མཇལ་ན།། འཛམ་གླིང་མཛངས་མའི་ཡང་རྩེ།། བྱུང་ཡང་དགའ་བ་མི་འདུག། སྙན་དབྱངས་ཏམ་བུ་ར་དེ།། ལན་གཅིག་ཉན་རྒྱུ་བྱུང་ན།། འཁོར་བའི་ཆོས་དངོས་ཆེད་དུ།། སད་དང་མི་སད་མི་འདུག། གོ་རིའི་དར་གོས་ཅན་མ།། ལན་གཅིག་མཇལ་བ་བྱུང་ན།། དཀར་དམར་མཚོན་གྱིས་རྒྱན་པའི།། མི་མོ་ཅི་ཡང་མིན་ངེས།། སམུན་དྲའི་དབྱིངས་སུ་བཞུགས་པ།། ཐུགས་བརྩེ་འཇལ་བྱེད་མིན་ནམ།། འཇིག་རྟེན་མི་མོ་བཞིན་དུ།། རང་མཐོང་ཆེ་བས་ཨེ་ཡིན།། ཁྱེད་ཀྱི་ཀརུ་ན་བྱུང་ན།། མི་ཚེ་དེ་གས་འགྲིག་སོང་།། འཇིག་རྟེན་མི་ཡི་ལེ་འདེད།། བཟོད་དགོས་བྱུང་ཡང་དྲག་པ།།                      2017/09/17 ནུབ་མོ།

སྐད་ཡིག་ནི་བླ་སྲོག་ཡིན། ལྷོ་འཛམ་གླིང་གནས་ཀྱི་རྩེ་མོ་ན།། གངས་དཀར་མོ་ཤེལ་རི་བསྒྲིགས་འདྲ་ཡོད།། སེང་དཀར་མོས་གཡུ་རལ་མ་ངོམས་ན།། དེ་ཡོད་ཀྱང་རྡོ་བའི་གོང་བུ་རེད།། གནམ་སྔོན་མོ་དྭངས་བའི་བར་འོག་ན།། སྤྲིན་དཀར་མོའི་བཀོད་པ་མཛེས་ན་ཡང་།། མགོན་ཉི་མ་ཟླ་བ་མ་ཤར་ན།། དེ་མཛེས་ཀྱང་སྨག་རུམ་མུན་པ་རེད།། ས་སྐྱིད་མོ་ན་ཁའི་དཀྱིལ་ཤོང་ན།། མདོག་བཀྲ་བའི་མེ་ཏོག་མང་ན་ཡང་།། རྭ་གཉིས་པས་གླུ་དབྱངས་མ་རྩེན་ན།། མདོག་བཀྲ་ཡང་སྙིང་པོ་མི་འདུག་གོ། གྲོང་ཕ་གིའི་ནང་གི་ཕུ་ནུ་ཚོ།། བློ་རིག་པ་རྒོད་པའི་སྤུན་ཡིན་ཡང་།། དྲིན་ཕ་མའི་སྐད་ངོ་མི་ཆོད་ན།། བློ་རྒོད་ཀྱང་ཚེ་སྲོག་ཟད་པོ་རེད།། གནས་གང་བཟང་རིག་གཞུང་རིག་གཞུང་ཞེས།། མགྲིན་སྦོས་སྐྲངས་བར་དུ་སྨྲ་མཁན་ཚོ།། དེ་འཛིན་པའི་སྐད་ཡིག་མི་ཤེས་ན།། གསོན་གསོན་པོར་བླ་སྲོག་བོར་འདྲ་རེད།།         རིགས་གྲོལ།  2017/08/11 ནུབ་མོ་ཤར་མར།

སྙན་ངག་པའི་མཚན་མོ། 2017/07/26 སྙན་ངག་པ། མུན་ནག་གི་སྐྱིབས་འོག་ན། སྨག་རུམ་ཞེས་པའི་ཐ་སྙད་ཅིག་ཉལ་ཡོད་ཀྱང་། ཟླ་འོད་ལམ་ལམ་དུ་འཆར་ཡོང་དུས། ང་ཚོས་ཅིས་ཀྱང་རང་ཉིད་ལ་འོད་སྣང་རེ་སྦྱིན་དགོས། མཚན་མོ་ནི་ནག་ཐིབ་ཐིབ་ཅིག་སྟེ། རེག་རེག་ཏུ་གཙེས་ཡོང་བའི་རླུང་ནག་གོ། ནངས་པར་སྔར་བཞིན་འོད་ཟེར་འཚེར་དགོས་པས། སྙན་ངག་པ། ས་སྲོད་འདི་ན་ སང་ཉིན་ལ་ལམ་སྣེ་སྟོན་མཁན་དེའོ། ཟླ་བ་གཟའ་ཡིས་ཟོས་པའི་རྟོག་སྒྲུང་དེས། མུན་པ་ལ་རྒྱལ་ཁ་ཇི་ལྟར་སྦྱིན་ཡང་། སང་ཉིན། འཆར་ཁ་ཞེས་པའི་མེ་ཏོག་དེ་འབུད་ངེས་པས། ང་ཚོས་འཛུམ་དགོད་ཀྱིས་བསུ་མ་ལོས་བྱ། མུན་པའི་རུབ་ས་ནི་བར་སྣང་སྟེ། ས་གཞི་ལ་ཀུ་རེ་བྱེད་པའི་ངང་ཚུལ་ཞིག སྙན་ངག་པ། མགོ་བོ་བར་སྣང་ལ་སྒྲེང་སྟེ། ཀླད་ཁམས་ན་ཉི་ཟེར་འཕྲོ་བཞིན་པ་དེའོ། སྙན་ངག་པ། ནག་ཁུང་ཟེར་བའི་གུར་ཁྱིམ་ན། སེམས་ཁམས་གློག་འོད་ལྟར་དཀར་བའི་ཟེར་མདངས་བཞད་མཁན་དེ་ཡིན་པས། སྙན་ངག་གི་མེ་ལྕེ་རེ་རེས། འཇིག་རྟེན་འདི་འབར་བར་བྱ་དགོས་སོ།                                        རིགས་གྲོལ།

པུ་ནེ་གྲོང་ཁྱེར་ཉུལ་བ། རི་བོ་ཟེར་བའི་ཤུལ་ཙམ་མེད་ས་ན།། ཐོག་བརྩེགས་ཁང་ཆེན་ཚབ་ཏུ་བཞེངས་པ་འདྲ།། རྒྱ་ལམ་ཡངས་ལ་གཙང་བའི་འགྲམ་ངོས་ན།། རྩེ་ཤིང་ཟེར་བའི་རྒྱན་ཆ་མཛེས་ཙམ་གདའ།། སྲང་ལམ་དག་ན་སྒོ་ཁྱིམ་རེ་གཉིས་ལས།། ཚོང་ཁང་མེད་པ་འདི་ཅེས་སྟོན་དཀའ་ཡང་།། ཐམས་ཅད་ཚོང་ལས་གཉེར་མཁན་མིང་ཅན་མོ།། ཡིན་ཅེས་བརྗོད་པའི་སྤོབས་པ་མི་འདུག་གོ།། ལམ་ཟུར་འགའ་རེར་ཇ་ཚོང་ཡོད་ས་ན།། དུ་བའི་རི་མོ་གནམ་ལ་འབུད་དང་ལྷན།། མངར་ཇ་ཧུབ་འཐུང་བྱེད་མི་ཡོད་ན་ལས།། ལྷོད་ཀྱིས་ངང་འཐུང་བྱེད་པ་ཉུང་ཉུང་རེད།། གྲོང་ཁྱེར་ཟེར་བའི་མིང་ལ་བརྙས་པ་ལྟའི།། ལམ་ཟུར་བ་མོ་བང་ལ་བཏགས་བྱས་ཏེ།། འོ་མ་འཇོ་དང་ལྕི་བ་འཐུ་བ་ཡི།། གཟུགས་བརྙན་དག་ཀྱང་འདི་ན་མཐོང་རྒྱུ་འདུག། གྲོད་པ་ལྟོགས་ནས་ཟ་མ་བཟའ་དགོས་ན།། སེང་སེང་ཡོངས་ལ་མགྱོགས་ཟས་ཟ་ཁང་རེད།། དེ་ན་སྟབས་བདེའི་ཟས་རིགས་སྣ་ཚོགས་པས།། ཡུན་རིང་ལྟོགས་གཟེར་སྒོམ་དགོས་མི་འདུག་གོ། མི་ཞིག་ལམ་གྱི་ཟུར་ནས་འགྲོ་བཞིན་པར།། ས་དང་ཁ་བྱང་དྲིས་ན་འདི་དེ་ཞེས།། བཟང་པོའི་ངང་ནས་ལེགས་པར་སྟོན་ཚུལ་དེ།། ཨ་གསར་མིན་ན་ཡ་རབས་ཆེ་བར་སེམས།། གནམ་རྒན་མ་ནི་ས་སྨྱོ་ངོ་མ་སྟེ།། ད་ལྟ་ཚ་བས་བཞུ་ལ་ཉེ་སེམས་དུས།། སྤྲིན་པ་ཟེར་བ་གཡོ་བའི་རྫུ་འཕྲུལ་དེས།། ...

ཀ་རྩོམ་དོན་མེད་མ།                             རིགས་གྲོལ། ཀ་ཅི་རས་དཀར་ལྟ་བུའི་སེམས་པ་ཞིག་མེད་ན།། ཁ་བཏགས་དཀར་པོས་བསུས་ཀྱང་དགའ་བ་ཞིག་ཨེ་ཡོད།། ག་དུས་ལབ་གླེང་བྱས་ཀྱང་མི་རིགས་ཞེས་ཟེར་ཡང་།། ང་བཟང་ཁོ་ངན་རྩོད་དེས་ཕན་པ་ཞིག་ཨེ་ཡོད།། ཅ་ཅོའི་གཏམ་གླེང་བྱེད་དུས་རིག་གཞུང་དེ་བཤད་ཀྱང་།། ཆ་ལུགས་ར་མ་ལུག་དེ་གང་ཞིག་ན་བསླེབས་འདུག། ཇ་ལ་མར་གྱིས་བརྒྱན་པ་མཛེས་ཆོས་སུ་འགྲོ་ཡང་།། ཉ་ཉུང་མཉམ་སྲེ་བྱེད་དེ་གང་ཞིག་ལ་ཐོན་འདུག། ཏ་ཐཱ་ག་ཏའི་ལུགས་གཉིས་དོན་ཐོག་ཏུ་མཛེས་པ།། ཐ་མལ་ལག་ལེན་མེད་དེར་མཚར་པོ་རང་མི་སྲིད།། ད་དུས་ལ་རྒྱ་ཡོད་པ་ང་ཚོ་ཡི་རྒྱན་ཆ།། ན་ཟླ་དུད་འགྲོ་འདྲ་དེར་འཚམ་པོ་རང་མི་འདུག། པ་ཊའི་རིས་ལྟར་མཚར་བའི་ཕྱི་ཚུལ་དེའི་འོག་ན།། ཕ་མ་དགྲ་རུ་འཛིན་པའི་གནག་སེམས་དེ་མ་ཟུངས།། བ་ལང་ལྐོག་ཤལ་ཅན་ཁྱོད་ལུས་སྟོབས་དེ་བཟང་ཡང་།། མ་ལོ་བ་མོ་དྲིན་ཆེན་རྭ་ཅོ་ཡིས་མ་བརྒྱག། ཙ་རི་བོད་ཡུལ་ཕྱོགས་ལ་ཞེན་ཆགས་ཤིག་ཡོད་ན།། ཚ་གྲང་བཀྲེས་སྐོམ་བཟོད་དེ་སྤྱི་དོན་ལ་འབད་དགོས།། ཛ་ཡ་ཚིག་འབྲུར་དགའ་བའི་མི་རིགས་ཤིག་ཡིན་ན།། ཝ་མོའི་གཡོ་ཇུས་ལྟ་བུའི་སྒེར་དོན་དག་གེགས་རེད།། ཞ་ར་ལོང་བའ...

གསུམ་བཅུའི་དུས་དྲན།                                   རིགས་གྲོལ། ནམ་མཁའ་སྤྲིན་གྱིས་བསྒྲིབས་པའི་ལོ་ཟླ་འདིར།། ཉི་ཟླ་བཙན་གྱིས་བདས་པའི་ལོ་རྒྱུས་བཞག། གངས་སེང་གནམ་ལ་འགྱིང་བའི་དར་ཆ་དེ།། གངས་རིའི་སྟེང་ནས་སུ་ཡིས་ཕབ་སོང་ཨང་།། ས་གཞི་སྨག་ལ་ཐིམ་པའི་དུས་ཚིགས་འདིར།། ཞི་བ་དྲག་པོས་བཅོམ་པའི་དྲན་གསོ་ཡོད།། མུན་པའི་དུར་ཁང་རོ་ཡིས་བཀང་པ་དེ།། སུ་ཡི་རུས་ཀྱི་སེང་ནས་ཡལ་ཕོད་དམ།། ཕོ་བྲང་འབོམ་གྱིས་གཏོར་བའི་དུས་ཚོད་འདིར།། ཐལ་རྡུལ་མཁའ་ལ་ཁྱབ་པའི་ནག་ཉེས་བཞག། སྐུ་གསུང་ཐུགས་རྟེན་སྙིགས་སུ་བསྒྱུར་བ་ཡི།། དྲན་ཐོ་ནག་པོ་འདི་ནི་སུ་ཡིས་བརྗེད།། ཐམས་ཅད་བཙན་གྱིས་བཀོལ་བའི་དུས་ངན་འདིར།། བདག་གི་ཕ་ཁྱིམ་སུ་ཡིས་བསྙིལ་སོང་ངམ།། མི་རབས་སྟོང་གིས་མེས་པོའི་ཞབས་རྗེས་དག། གང་གིས་ནག་སུབ་བཏང་བ་བརྗེད་མི་རུང་།། བྱ་ཁྲ་ཡུལ་ལ་ཐོན་པའི་དགོང་ཁ་འདིར།། བྱ་བྱེའུ་ཚང་ནས་བྲོས་པའི་བྱུང་རབས་བྲིས།། ལོ་ངོ་སྟོང་ལ་བསགས་པའི་ནོར་རྫས་དག།། སུ་ཡིས་འཕྲོག་པ་ཇི་ལྟར་བརྗེད་ཐུབ་ཨང་།། ཅེ་སྤྱང་ཁྱིམ་དུ་འཛུལ་བའི་ཞོགས་པ་འདིར།། ཕ་མ་དམར་གསོད་བྱས་པའི་སྨྲེང་གླུ་བྲིས།། ཁྲག་གི...

སྡུག་གྱོང་ངོ་མ་སུ་ལ་འཕོག། ལ་རྒྱའི་ཚིག་འབྲུ་ལྗིད་མོའི་སེང་བར་ནས།། ནང་དང་ཕྱི་ཞེས་མཛུབ་མོ་ཀེར་ཀེར་བས།། ཕྱི་ནང་གཉིས་ལ་འགལ་བའི་ཁུང་འབིགས་པ།། སྡུག་གྱོང་ངོ་མ་སུ་ཡི་མགོར་རྡོ་རེད།། ལག་ངར་བཙོག་པ་གོས་པ་མ་ཚོར་བར།། ཐག་རིང་དྲི་ངན་འདི་ན་འཐུལ་ཡོང་ཞེས།། སྣ་ལ་སྦར་མོས་བཀབ་ནས་གཤེ་བྱེད་པའི།། ལས་ཚུལ་འདི་ཡི་སྡུག་གྱོང་སུ་ལ་འཕོག། ཕྱི་ཡི་དྲི་མ་ཕྱི་ནས་བཀྲུས་ན་ཆོག། ནང་ནས་འདག་རྫས་བཏབ་པས་ཅི་ཞིག་ཕན།། ནང་གིས་ནང་ནས་གཙང་མར་སྲུང་ཞིག་དང་།། ཕྱི་ཡི་ཆུང་ཆུང་དེ་ཚོ་ཞི་རྒྱུ་རེད། བཙོག་དྲི་ངན་ཞེས་མེ་རུ་སྦར་བྱས་ནས།། དགུང་ལ་དར་ལྕོག་བཞིན་དུ་ཕྱར་བ་དེས།། སེང་སེང་ཐམས་ཅད་དྲི་མས་འཐུམས་ངེས་པ།། སུ་ཡི་སྣ་ལ་གཞུ་བའི་ཕ་བོང་རེད།། ཕྱི་ལ་སྐྱག་པ་བཏང་བའི་དྲི་ངན་འདི།། ནང་གི་སྐུ་སྲུང་ཐུགས་ལ་མ་གདུག་རོགས།། ཕྱི་ནང་གཉིས་ཀ་དྲི་མས་ཁྱབ་ཚར་རྗེས།། སྡུག་གྱོང་ངོ་མ་སུ་ཡི་མགོ་ལ་འཕོག།

ཀ་རྩོམ། ཀ་མལ་མཛེས་སྡུག་དགྲ་ལྟར་གནོན་ཞིང་།། ཁ་ངོ་སྐྱེ་འབྲས་ལྷ་ལྟར་མཚར་མ།། ག་བུར་ཅན་དན་བཞིན་དུ་བསིལ་ཞིང་།། ང་ཡི་ཡིད་ཀྱི་གདུང་བ་སེལ་མ།། ཅ་དངོས་རིན་ཆེན་རིན་ཐང་གཅོད་པའི།། ཆ་ལུགས་བཟང་པོས་ལུས་ངག་རྒྱན་མ།། ཇ་དཀར་བཞིན་དུ་ཤ་རྩི་དཀར་བས།། ཉ་གང་ཟླ་བའི་དཔལ་ལ་འགྲན་མ།། ཏ་ལེར་སེམས་ལ་འཆར་བའི་དུས་སུ།། ཐ་མལ་བུད་མེད་རྒྱང་དུ་སྐྲོད་མ།། ད་དུང་འཇོ་སྒེག་གར་ལ་རོལ་དུས།། ན་བཞོན་མང་པོའི་ཡིད་སེམས་འགུགས་མ།། པ་ཕ་ཨ་མར་བསྙེན་བཀུར་ཟབ་ལ།། ཕ་མ་བཟང་པོའི་གཤིས་རྒྱུད་འཛིན་མ།། བ་ལུའི་མེ་ཏོག་བཞིན་དུ་མཛེས་ལ།། མ་མ་བཞིན་དུ་བདག་ལ་བྱམས་མ།། ཙ་གེ་ཙི་གེའི་ལས་དོན་ཆེད་དུ།། ཚ་གི་ཚི་གིའི་གཏུམ་སྤྱོད་དབེན་མ།། ཛ་རེ་ཛོ་རེའི་རང་བཞིན་མེད་པས།། ཝ་ལེར་ཡིད་ལ་བདེ་བ་སྟེར་མ།། ཞྭ་གོས་ལ་སོགས་དཔེ་གསར་ཆེད་དུ།། ཟ་རི་ཟི་རིའི་སྨྱོ་ཧམ་མེད་མ།། འ་རེ་འུར་རེའི་སྐད་ངན་མེད་ཅིང་།། ཡ་ཁོག་ནང་ལ་སྙིང་ཆུང་ལྡན་མ།། ར་རི་ལྟ་བུའི་དྲི་མ་མེད་ཅིང་།། ལ་རྒྱ་འཚོ་བའི་ཤེས་རབ་ལྡན་མ།། ཤ་ཉེའི་ཚོགས་ལ་སེམས་པ་དཀར་ཞིང་།། ས་གཏེར་ལྟ་བུའི་རིན་ཐང་འཛིན་མ།། ཧ་ལོ་ལྟ་བུའི་སེམས་པ་དཀར་ཞིང་།། ཨ་གསར་ཆེ་བའི་ཆ་ལུགས་དབེན་མ།། ཧ་བེ་ཧོ་བེའི་བྲེད་དངངས་མེད་པ།། ཨ་ཅེ་ལྷ་མོ་དང...

མེ་མོ་བྱ། ལྷེམ་ལྷེམ་འབར་བའི་མེ་ལྕེ་དམར་མོ་ཞིག། ཐག་རིང་ཞིག་ནས་ཚུར་ལ་འུར་ཡོང་བ།། ལོ་མཐའི་སྲང་ལམ་འགགས་པའི་སྙིགས་རོ་དག། སྲེག་པས་གཙང་བར་བྱ་བའི་ཆེད་དུ་འོ།། བར་སྣང་ལྡིང་བའི་ལྷ་བྱ་དཀར་མོ་ཞིག། ཐག་རིང་ཞིག་ནས་འདི་ཕྱོགས་འཕུར་ཡོང་བ།། ལོ་འགོའི་ལམ་ཆེན་ཡངས་པའི་རྩེ་མོ་ནས།། ཞི་བའི་རི་མོ་བྲི་བའི་ཆེད་དུ་འོ།། དྭངས་ཤིང་གསལ་བའི་བཀྲ་ཤིས་སྔ་ལྟས་ཤིག། ཐག་རིང་ཞིག་ནས་འདི་ན་བཞད་ཡོང་བ།། འཇིག་རྟེན་ས་ཡི་དཀྱིལ་འཁོར་མ་ལུས་པར།། བདེ་ལེགས་གཡང་གིས་བསུ་བའི་ཆེད་དུ་འོ།།                             ༢༠༡༧།༠༢།༢༡ ཞོགས་པ།                        ལོ་གསར།                                  རིགས་གྲོལ། མཆོང་ཙམ་མཆོང་ཙམ་རྒྱུག་ཙམ་རྒྱུག་ཙམ་གྱིས།། མེ་ལྕེ་དམར་པོར་རྩེས་ཤིང་རྩེ་བཞིན་དུ།། ཕྱིར་མིག་མེད་པར་མདུན་དུ་མྱུར་འགྲོ་བའི།། སྤྲེལ་རྒན་ཁྱོད་ཀྱིས་བདག་ལ་ཅི་ཞིག་བཞག། འཕུར་ཙམ་འཕུར་ཙམ་ལྡིང་ཙམ་ལྡིང་ཙམ་གྱིས།། མེ་འབར...

བོད་ཡིག་དགེ་རྒན་སེམས་ཤུགས་མ་གཅོག། ཁ་བདེས་ཚིག་འབྲུ་རླུང་ལ་བསྐུར་ནས།། བོད་ཡིག་དགེ་རྒན་སེམས་ཤུགས་མ་གཅོག། དཀའ་ཚེགས་ཆེ་བའི་ལས་དོན་འདི་ནི།། ཁ་བཤད་ཁོ་ནས་བསྒྲུབ་རྒྱུ་མ་རེད།། ལམ་སྟོན་མེད་པའི་དགག་རྒྱག་རིང་མོས།། བོད་ཡིག་དགེ་རྒན་སེམས་ཤུགས་མ་གཅོག།། གལ་གནད་ཆེ་བའི་ལས་དོན་འདི་ནི།། ཨ་སྒོར་ཡུ་སྒོར་གསག་ས་མ་རེད།། བསམ་བློ་མེད་པའི་ལྕེ་རྩེ་ངར་མས།། བོད་ཡིག་དགེ་རྒན་སེམས་ཤུགས་མ་གཅོག།། རིན་ཐང་ཆེ་བའི་ལས་གནས་འདི་ནི།། གོ་ས་དཔོན་ས་རྩོད་ས་མ་རེད།། ཉམས་མྱོང་མེད་པའི་འཇོན་འཇོན་བཤད་ནས།། བོད་ཡིག་དགེ་རྒན་སེམས་ཤུགས་མ་གཅོག། མི་རིགས་འཛིན་པའི་ལས་དོན་འདི་ལ།། ཕྱོགས་མཐའ་ཀུན་ནས་རྒྱབ་སྐྱོར་དགོས་ཀྱི།། སེང་སེང་ཡོད་ཚད་ནོར་འཁྲུལ་གླེང་ནས།། བོད་ཡིག་དགེ་རྒན་སེམས་ཤུགས་མ་གཅོག། སྲོག་རྩ་ལྟ་བུའི་ལས་དོན་འདི་ལ།། སུ་དང་གང་གིས་མཐུན་འགྱུར་གནང་རོགས།                       ༢༠༡༦།༡༡།༢༣ ཉིན།                             རིགས་གྲོལ། མཆན་བུ་འགའ། དེང་སང་ང་ཚོ་བོད་པའི་སྤྱི་ཚོགས་ནང་།། བྱས་བྱས་བཏང་བཏང་འཆད་མཁན་མ...

རྒྱུགས་ཁང་སྲུང་པ། ཨིན་ཇི་གསར་པ་འཁྲབ་པ་མང་ས་འདིར།། དྲི་བའི་ཨ་ལོང་དག་ལ་ཆད་ནས་འདུག། རླུང་བུ་འདི་ཡི་གཡུག་ཕྱོགས་མ་ནོར་ན།། ཡ་གིའི་སྤྲིན་པ་སྔོན་པོ་གཡེང་ནས་ཡོད།། སྐྱ་མིན་དམར་མིན་ངོ་གདོང་རེ་རེ་ལ།། འགྱུ་བ་རེ་རེས་སྐུལ་མ་བྱས་ནས་ཡོད།། ཤིང་ལོ་དེ་དག་ས་ལ་མ་ལྷུང་ན།། ནམ་དུས་དེ་ལ་ངོ་ཚ་ཨེ་ཡོད་དམ།། སྨྱུ་གུ་འགུལ་བ་ངོ་མ་ཡིན་ངེས་ཀྱང་།། སྣག་ཚ་གསལ་མིན་འདི་ཡིས་ཅི་ཞིག་ཤེས།། ཇ་མ་ཚ་དམ་ཅན་པོ་ཕེབས་སོང་ན།། མངར་ཇ་ཞིག་ལ་ལོངས་སུ་སྤྱོད་རྒྱུ་ཡོད།། དྲིས་ཚིག་དེ་དག་ལྕགས་ཀྱི་སྒོ་ཟ་སྟེ།། ལྡེ་མིག་མེད་ན་འབྱེད་རྒྱུ་མི་འདུག་གོ།། མགར་བ་བཟང་ཕོ་ཞིག་གི་ཆས་ཡོད་ན།། རི་མོ་ཙམ་ཞིག་འབྲི་བ་སྲིད་ན་ཐང་།། གདོང་པའི་མར་ཁུ་འཁོལ་བ་ཇེ་ཚ་འདིས།། ཚོར་བ་སྡུག་ལ་སྦྱར་བ་ཤེས་ན་ཡང་།། ཉི་མ་ཡ་གིར་སྙིང་རྗེ་མེད་པ་དེས།། འདི་ན་མི་ཡི་འོབས་ལ་འབར་ནས་ཡོད།། ཡི་གེའི་རི་མོ་ཆུ་ལྟར་བཞུར་བ་དག།། སེམས་ཀྱི་གཏིང་ནས་ཐོན་པ་ཡིན་ན་ཐང་།། མཇིང་པ་གཡས་གཡོན་གཉིས་ལ་མ་གཅུས་ན།། མདུན་གྱི་ཤོག་བུ་དཀར་གཙང་ཡིན་པར་ངེས།། ངོ་ལ་བལྟས་ནས་འཛུམ་དམུལ་བྱེད་ཚུལ་ལ།། རེ་བའི་བརྡ་མོ་གང་མང་ཡོད་ན་ཡང་།། ཡ་གིའི་སྟེང་དུ་དཀོན་མཆོག་ཡོད་ངེས་པས།། ཕ...