རིགས་གྲོལ་གྱི་ཟིན་བྲིས།

ཞི་བདེའི་མེ་ཏོག་དམར་པོ། རྩ་ཐང་སྔོན་མོར་སྣུམ་ཞག་འཁོར་དུས་ཡལ་འདབ་ཞིག་གི་བར་གཏིང་ནས།། པད་མའི་སྡོང་གི་རྒྱན་ཆ་ཞིག་ལྟར་ཁྱོད་ཉིད་ཐོག་མར་འཁྲུངས་པ་ན། བར་སྣང་ཡོངས་སུ་འཇའ་ཚོན་བཀྲ་བོས་མཛེས་སྡུག་དན་རྟགས་ལེགས་བཀོད་ཅིང་།། ས་གཞིར་མཚོན་སྡུག་མེ་ཏོག་མང་པོས་བྲོ་དང་གར་གྱིས་བསུས་སོ་སྐད།།

གོང་ས་མཆོག             ལོ་རྒྱུས་ཤིག་གི་བཞུར་རྒྱུན་ཁྲོད་དུ་མེ་ཏོག་བཞིན་དུ་འཁྲུངས།། ཟེར་བརྒྱ་སྡུག་པོ་ཉིན་བྱེད་རྒྱན་དུ་སྟག་འཚེར་ཡུལ་ནས་འཚེར།། མཛེས་སྡུག་ཅིག་གི་ཁུར་བུ་བསྣམས་ནས་དབུས་སུ་ཕེབས་པའི་དུས།། དཀའ་དང་སྡུག་གི་ལམ་འཕྲང་སྟེང་ནས་སྐུ་ངལ་ཇི་ཙམ་མྱང་།།

སེམས་པ་ཐོགས་པ། སེམས་པ་ལང་ལ་ཤོར་བའི་རྟ་རྒོད་དེ།། གྲོགས་མེད་རི་ལ་འཛེགས་འདྲའི་སྣང་བ་ཡིས།། འཚེར་སྒྲ་དབྱངས་ལ་བསྟིམས་པའི་ལོ་རྒྱུས་དག། ངག་གི་ལྷ་མོར་བཤད་པ་ཉུང་ཉུང་མིན།།

ཉིན་ཐོ། གངས་རིའི་ཉེ་སར་བཅར་བ། ང་རང་རྒྱུན་པར་གངས་རིར་བལྟ་རྒྱུར་དགའ། དྲི་མེད་དྭངས་གཙང་གི་གངས་རིའི་ཁ་དོག་མཐོང་ན་ངའི་སེམས་ལ་དགའ་ཚོར་ཞིག་རང་བཞིན་གྱིས་ཡོང་གི་ཡོད།  འོན་ཀྱང་ལོ་མང་རིང་གངས་རི་དང་ཁ་ཐག་རིང་ས་ན་བསྡད་པས་ཚོར་བ་སྐྱིད་པོ་དེ་མྱོང་སྐལ་མ་བྱུང་།

དཔལ་ལྡན་ལོ་དགོན་བཤད་སྒྲུབ་བསྟན་འཕེལ་གླིང་། གསུམ། (དཔལ་ལྡན་ལོ་དགོན་བཤད་སྒྲུབ་བསྟན་འཕེལ་གླིང་གི་གདན་རབས་རིམ་བྱུང་གིས་རྒྱ་བསྐྱེད་ཇི་ལྟར་བཏང་བའི་ལོ་རྒྱུས་མེས་པོའི་ཞལ་རྒྱུན།) གདན་རབས་དང་པོ། དགེ་བཤེས་སྤྱན་སྔ་པའི་དངོས་སློབ་དོ་མེད་བཞི་ཡི་ཡ་གྱལ། དགེ་བཤེས་བྱ་ཡུལ་བ་གཞོན་ནུ་འོད། འདི་པའི་དུས་སུ་ཁྲོ་བོ་མི་གཡོ་བའི་གྲུབ་ཆུ་དཀྱིལ་དུ་ཡོད་པའི་ཀླུ་འབུམ་ཁང་ཀ་བ་བཅུ་དྲུག་ཅན། སྒོ་འདུ་ཁང་དུ་ཕྱོགས་པ། རྩིག་པ་ནུབ་ངོས་སུ་བསྟན་པ་བཞེངས། ཀླུ་འབུམ་ཁང་ཞེས་པ་ཁ་སྐད་ཡིན་པ་ལས་དེབ་ཐེར་ཁག་ན་གློ་འབུར་ཁང་ཞེས་གསལ།

གྲོགས་མོ་ཞིག་ལ་སྤྲིངས་པ། ཐག་རིང་རྒྱང་གི་གྲོགས་མོ།། བདེ་མོ་སྐྱིད་མོ་ཨེ་ཡིན།། བདག་ཀྱང་རྒྱ་གར་ཡུལ་ན།། ལུས་སེམས་བདེ་བར་འཚོ་ཡོད།།

ཐབ་རྡོ་གསུམ། ངའི་ཁོར་ཡུག་ནི། ཐབ་རྡོ་གསུམ་ལས་གྲུབ་ཡོད། ཐབ་རྡོ་དེ་དག་ལ་མིང་ཚིག་རན་པོ་རེ་ཡོད་ཅིང་། ཁྱད་ཆོས་ཀྱང་མི་འདྲ་བ་རེ་ལྡན་ཡོད། ཨ་མེས་ཚོས་ཟེར་ན།

མེ་ཏོག་གི་བྲོ་གར།                                                           སེམས་པ་ཁེར་འགྲོ་སྤྲིན་པ་བཞིན་དུ་རི་རྩེར་འཁྱུད་ཅིང་ཀླུང་ལ་བཞུར།། བྱ་བྱིའུ་མྱོས་པའི་སྐད་གསང་སྙན་མོས་བུ་རམ་བཞིན་དུ་མྱོས་པར་བྱས།། ཡུད་ཙམ་རིང་ལ་བཟི་བ་ལྟ་བུས་འཇིག་རྟེན་གཞན་གྱི་སྒོ་ཁ་རྡུང་།། གློ་བུར་སྣང་བའི་མཛེས་སྡུག་ཅིག་གིས་འཆར་ཡན་རྨི་ལམ་དེ་མར་དཀྲོགས།། མེ་ཏོག་དམར་སེར་ལག་གདང་སྦྲེལ་ནས་འཛུམ་དམུལ་བྲོ་གར་རྩེ་ལ་བྲེལ།། གཡས་གཡོན་ལྗོན་པའི་ཡལ་འདབ་གཡོ་ཞིང་ཀུན་ལ་འབོད་པའི་ལག་བརྡ་བྱེད།། ལོ་མའི་ཐོག་གི་ཟིལ་པ་རེ་རེ་བདུད་རྩི་བཞིན་དུ་འཐིག་ཅིང་འཐུང་།། བདག་ནི་སླར་ཡང་འཐོམ་པ་ལྟ་བུས་ངོ་མཚར་ལྟད་མོའི་རྒྱ་རུ་ཚུད།། ལྕང་མ་ལྡེམ་ལྡེམ་གཡོ་བའི་འོག་དེར་རླུང་བུ་དལ་བུར་ལྡང་ས་ན།། ཆུ་མོ་འཁྱིལ་བའི་རླབས་ཀྱི་བར་ནས་རྐང་པ་འགུལ་ཙམ་འགུལ་ཙམ་བྱེད།། ཉི་ཟེར་ཅུང་ཟད་འཕྲོ་ས་དེ་ན་དྲོ་གྲང་ཡོངས་སུ་སྙོམས་ས་དེར།། མགོ་བོ་གུག་ཙམ་གུག་ཙམ་བྱེད་ཞོར་འདབ་མའི་རྩེ་ནས་མཆུ་དག་སྦྱོར།། རྒྱུ་སྐར་ལམ་གྱི་སྐར་ཚོགས་དེ་དག་འདི་ན་ས་ཁར་...

སེམས་ཀྱི་སྒྲོན་མེ།                                    རིགས་གྲོལ། གངས་རིའི་འདབ་མ་ཕྱང་བའི་ཉེ་འདབས་ཀྱི་གྲོང་ན།། གསེར་གྱི་རྒྱ་ཕིབས་བཞེངས་པའི་ཁང་བཟང་གི་ནང་ན།། མཛེས་སྡུག་འདབ་རྒྱ་རྫོགས་པའི་སྒྲོན་མེ་ཞིག་བཞད་ཡོད།། དེ་ལ་བདག་གི་རེ་བའི་ཡིད་སེམས་དེ་ཐོགས་ཡོད།། དེ་ཡི་འོད་ཀྱི་མེ་ཏོག་མཁའ་དབྱིངས་སུ་འཕྱོ་ཞིང་།། ཞིམ་མངར་ཟིའུ་འབྲུའི་ཟེར་མདངས་ཕྱོགས་བཅུ་རུ་འཐོར་གྱིན།། འདབས་ཁའི་ཟིལ་པ་འཐིག་པའི་བདུད་རྩི་ཡི་དྲི་ངད།། བདག་སེམས་མུན་པ་སེལ་བའི་མགྲོན་པོ་དེ་ཡིན་ནོ།། སྡོང་པོའི་ཚིགས་རྩ་བརྟན་པ་སྲ་མོ་དེའི་ཐོག་ན།། མར་མེའི་ལྕུག་ཕྲན་དག་གིས་མཉེན་འཇམ་གྱིས་ལྡེམ་ཞིང་།། ཟེར་འོད་བཀྲག་མདངས་རྒྱས་པའི་ངོ་མཚར་དེ་མཐོང་ཚེ།། བདག་སེམས་བདེ་བའི་དབྱིངས་ནས་ངལ་གསོ་ཞིག་ཐོབ་བྱུང་།། འཛུམ་པའི་ཞལ་ཁྱིམ་གོར་མོས་མུན་ནག་ཀྱང་སྐྱོམ་ཞིང་།། བྱམས་པའི་ལྕགས་ཀྱུ་རིང་མོས་ཉེ་འཁྲིས་སུ་འདྲེན་པ།། ཉེ་རིང་གཡོ་བ་མེད་པའི་མཆོད་སྡོང་དེའི་དྲུང་ན།། བདག་ཡིད་དད་པའི་ཨ་ལོང་ཅི་སླད་དུ་མི་གུག། སྣང་བ་སྒྱུ་མ་ལྟ་བུའི་ཟློས་གར་ལ་ཆགས་པས།། རེ་དོགས་གཉིས་ཀྱིས་བཙིར་བའི་ཟོར་བ་ཡི་བ...

སེམས་ཀྱི་གླུ། ནམ་ཟླ་དབྱར་ཁ་ཤར་ནས།། མེ་ཏོག་བཞད་ཁ་ཕྱེ་ཡང་།། ང་རང་དུངས་སའི་རྒྱ་སེ།། ཐན་པ་སྐམ་པོས་བཅོམ་འདུག། སྤྲིན་པ་ལང་ལོང་གཡོ་བ།། མིག་གི་ལོངས་སྤྱོད་ཙམ་རེད།། རེ་བའི་སྦྲང་ཆར་བསིལ་མའི།། ཐིགས་པ་བརྒྱག་རྒྱུ་མི་འདུག། འབྲུག་སྒྲ་ངར་ངར་དེ་ཡིས།། མཚན་མོའི་རྨི་ལམ་དཀྲོགས་ཀྱང་།། ས་གཞིར་རླན་གཤེར་སྦྱིན་རྒྱུ།། ཉིན་མོའི་རྨི་ལམ་འདྲ་བྱུང་།། དབང་ཆེན་ཉི་མའི་རྒྱལ་པོ།། ཐུགས་རྗེ་ཆེན་པོས་གཟིགས་ནས།། ཉམ་ཆུང་ང་ཚོའི་མགོ་ལ།། རྡོག་ཐོས་སྐྱོན་པ་མ་གནང་།། མ་གཞི་ཚ་དད་ཆེ་བ།། རོང་པའི་ལུག་གི་གཤིས་ཀྱང་།། སྙན་དབྱངས་འབའ་སྒྲའི་རི་མོ།། མེ་ལ་སྲེག་འདི་སྐྱོ་བ།།                                   2018/06/26 ནུབ་མོ།                              རིགས་གྲོལ།

Some quotes with Tibetan translation Do the difficult things while they are easy and do the great things while they are small. A journey of a thousand miles must begin with a single step.                                   Lao Tzu དཀའ་བའི་ལས་དག་སླ་དུས་དང་།། རླབས་ཆེན་བྱ་བ་ཆུང་ནས་བྱོས།། ལེ་བར་སྟོང་ཕྲག་འགྲུལ་བཞུད་ཀྱང་།། གོམ་པ་རེ་ནས་འགོ་འཛུགས་དགོས།།                                       ལའོ་ཙུ། After climbing a great hill, one only finds that there are many more hills to climb.                    Nelson Mandela གང་གིས་རི་བོ་མཐོ་པོ་ཞིག་འཛེགས་རྗེས། ད་གཟོད་རི་བོ་ཧ་ཅང་མང་པོ་འཛེག་རྒྱུ་ཡོད་པ་ར་འཕྲོད་ཐུབ།                         ནེལ་སོན་མན་དྲ་ལ། Darkness cannot drive out darkness; only ligh...

ཇ་བཤད། རྒྱ་ནག་དྲཱ་ཡི་བྲོ་བ།། ཞིམ་པོ་རང་ད་ཨེ་ཡོད།། དཀར་ཡོལ་འབྲུག་རིས་ཅན་ལ།། སེམས་པ་ཤོར་བས་མིན་ནམ།། བོད་ཇ་རིག་འཛིན་རྡོ་རྗེ།། སྐད་གྲགས་ཆེ་རྒྱུ་མི་འདུག། འབྲི་མོའི་མར་ཁུ་མེད་ན།། ལོ་མ་ཙམ་གྱི་ཁུ་རེད།། རྒྱ་གར་ཅཱ་ཡ་མངར་མོ།། བདུད་རྩི་སྨན་མཆོག་རེད་དོ།། འཐུང་ས་རྫ་ཁོག་ཡིན་ཡང་།། ལུས་ཀྱི་ངལ་བ་སེལ་འགྲོ།།           ༢༠༡༨།༠༦།༡༨ ཉིན། བོད་ཇ། ཇ་དེ་རྒྱ་དྲཱ་མི་དགོས།། ཁ་ཏིག་ཁ་བའི་རྒྱུ་རེད། དབུས་ཀྱི་བསྲུབ་མ་བྱུང་ན།། བྲོ་བ་དེ་གས་འགྲིག་པ།། རྒྱ་གར་མངར་ཇའི་རིགས་ནི།། གཅིན་སྙི་ལྡང་པའི་རྒྱུ་རེད།། ཨ་མདོ་ཚ་མེད་བྱུང་ན།། བྲོ་བ་དེ་གས་འགྲིག་པ།། ནུབ་ཕྱོགས་འཚིག་ཇ་ནག་པོ།། སྙིང་ནད་ལྡང་པའི་རྒྱུ་རེད།། ཁམས་ཀྱི་མར་ཁུ་བྱུང་ན།། བྲོ་བ་དེ་གས་འགྲིག་པ།།         ༢༠༡༨།༠༦།༡༨ ཉིན།

             ཞུམ་པ།              ༡ སྐལ་བ་བཟང་དུས། མི་རྣམས་ཀྱིས་ནམ་མཁའ་ལ་ཕུར་འདུག སྐབས་དེ་དུས་གཤོག་པ་མེད་ལ། འཕྲུལ་ཆས་ཀྱང་མེད་པར་ ཁོ་ཚོས་རང་གི་ནུས་པས་ཕུར་ཟེར།                   ༢ ང་ཚོ་ནི་དུས་རབས་ཀྱི་ལྕགས་དྲ་ལ་ཚུད་ཡོད། ལྕགས་སྐུད་བར་ནས་ཕྱི་རོལ་ན། ཅི་ཞིག་འབྱུང་གིན་པ་ཡང་མཐོང་གི་མེད་པས་ དེ་ཚོ་ལ་ཕྱིར་འདང་ཇི་ལྟར་བྱེད་དེ། རྫུན་ཚིག་ཏག་ཏག་ལ་སེམས་ཀྱིན་ཡོད།                 ༣ ང་ཚོ་ནི་རྩེད་ཆས་མི་འདྲ་བ་བཞིན། སུ་ཞིག་སྒོ་རའི་ནང་རྒྱུག་གིན་ཡོད་ལ་ ང་ཚོའི་མགོ་ཐོག་ན་གློག་སྐུད་མང་པོ་ཞིག གཅིག་གིས་ཅིག་ལ་སྦྲེལ་བ་ལྟར། དམར་ལྷེམ་ལྷེམ་འཁྱུག་གིན་འདུག                ༤ ལྕགས་ཀྱི་གཤོག་པ་བཞོན་ནས། རང་ཉིད་མཐོ་ས་ན་འཕུར་བར་སྙམ། དབུགས་ཧལ་ཧལ་བྱེད་པ་ཙམ་ལས་ རང་ཉིད་ཀྱི་ནུས་པ་ཅི་ཡང་མ་བཏོན་པ་མ་ཚོར་རམ།                 ༥ ཁྱེད་ཚོ་ནི་འཕྲུལ་ཆས་ཁོ་ན་སྟེ། གློག་རྒྱུན་གྱིས་གང་ལ་འཁྲིད་...

                ཅི་མི་རུང་། ཉི་གཞོན་མཁའ་ལ་འཕྱོ་བ་མ་མཐོང་གོང་།། རླུང་བུའི་འུར་སྟངས་ཤིག་ཀྱང་མ་བསླེབ་སྔོན།། ཤིང་གི་ཡལ་ག་ལྟ་བུའི་ལུས་བླངས་ནས།། ཚོར་བས་དབེན་པར་བྱས་ན་ཅི་མི་རུང་།། རྩ་རྩེའི་ཟིལ་པ་གོར་མོ་མ་བསྐམ་གོང་།། ཆུ་ཡི་རླབས་ཀྱང་རླངས་པར་མ་འགྱུར་སྔོན།། བྱུ་རུ་མུ་ཏིག་ལྟ་བུའི་ལུས་བླངས་ནས།། ཀུན་ལ་དགའ་བ་བྱིན་ན་ཅི་མི་རུང་།། མཁའ་ལ་ལྕགས་ཀྱི་བྱ་རྒྱལ་མ་འཕུར་གོང་།། ས་ལ་ལྕགས་སྒམ་ནག་མོ་མ་རྒྱུ་སྔོན།། ལམ་གྱི་རྡོ་བ་ལྟ་བུའི་ལུས་བླངས་ནས།། འཇིགས་པས་དབེན་པར་ཉལ་ན་ཅི་མི་རུང་།། ས་ཁར་གྲོག་མ་ཟས་ལ་མ་བརྒྱུག་གོང་།། མི་རྣམས་རྩོད་པའི་ལས་ལ་མ་ཞུགས་སྔོན།། རིན་ཆེན་གསེར་དངུལ་ལྟ་བུའི་ལུས་བླངས་ནས།། ཀུན་གྱི་འདོད་དོན་བསྒྲུབས་ན་ཅི་མི་རུང་།། གྲོང་རྣམས་ཤན་པའི་ལམ་ལ་མ་ཞུགས་གོང་།། ཕྱུགས་རྣམས་གཡོག་པོའི་ལས་ལ་མ་འཐོན་སྔོན།། ཚང་ཚིང་སྟུག་པོ་ལྟ་བུའི་ལུས་བླངས་ནས།། སྙིང་རྗེས་དབེན་པར་ཉལ་ན་ཅི་མི་རུང་།། ས་གཞིའི་ཁ་དོག་ངན་པར་མ་སོང་གོང་།། བར་སྣང་ཡོངས་སུ་ཐལ་བས་མ་བསྒྲིབ་སྔོན།། ཆུ་ཡི་ཐིགས་པ་ལྟ་བུའི་ལུས་བླངས་ནས།། མཛེས་སྡུག་ཞལ་ངོ་བཀྲུས་ན་ཅི་མི་རུང་།། ...

དཔལ་ལྡན་ལོ་དགོན་བཤད་སྒྲུབ་བསྟན་འཕེལ་གླིང་། ལྔ་པ། (ལོ་སེམས་དཔའ་སྐུ་ཕྲེང་བཅུ་བཞི་པ་ཆེན་པོ་སེམས་དཔའ་ཐུབ་བསྟན་བཤད་སྒྲུབ་རྒྱ་མཚོའི་མཛད་པ་ཐོར་བུ།) ལོ་སེམས་དཔའ་སྐུ་ཕྲེང་དགུ་པ་སེམས་དཔའ་རྡོ་རིང་ཅན་ནམ། ཐུབ་བསྟན་ཉིན་བྱེད་གྲགས་པ་རྒྱ་མཚོའི་སྐུ་དུས་སུ་དགོན་པ་ཡོངས་རི་བོ་དགེ་ལྡན་པའི་ལུགས་སུ་བསྒྱུར་གནང་མཛད་ནས། ལོ་བླ་བྲང་དགོན་ཁང་དང་བཅས་པ་གསར་བཞེངས་གནང་རྗེས། བཀའ་བློན་རྡོ་རིང་པའི་བཀའ་ལྟར་བླ་བྲང་དགོན་ཁང་དུ་དོལ་རྒྱལ་ཀྱི་ཐང་ཀ་གསེར་བྲིས་མ་ཞིག་བཞེངས་འདུག  དེ་ནས་སེམས་དཔའ་སྐུ་ཕྲེང་བཅུ་གསུམ་པ་བར་གནས་པར་གྲགས། འོན་ཀྱང་སྐབས་དེ་དུས་ནས་ལོ་དགོན་གྲྭ་ཚང་དོལ་རྒྱལ་དང་འབྲེལ་བ་རྩ་བ་ནས་མི་འདུག

དཔལ་ལྡན་ལོ་དགོན་བཤད་སྒྲུབ་བསྟན་འཕེལ་གླིང་། བཞི་པ། (དཔལ་ལྡན་ལོ་དགོན་བཤད་སྒྲུབ་བསྟན་འཕེལ་གླིང་གི་ད་ལྟའི་དགོན་བདག་ལོ་སེམས་དཔའ་སྤྲུལ་སྐུའི་སྐྱེས་རབས་དང་། སྐུ་ཕྲེང་རིམ་བྱོན།) བོད་ཀྱི་སྤྲུལ་སྐུ་རྣམ་གསུམ་དུ་གྲགས་པའི་ཡ་གྱལ་ལོ་སེམས་དཔའ་སྐྲུལ་སྐུའི་སྔར་བྱོན་སྐྱེས་རབས་ཇི་ལྟར་བྱོན་ཚུལ་ནི།  ཐོག་མར་འཕགས་པ་སྤྱན་རས་གཟིགས་ཁ་སར་པ་ཎིའི་སྤྲུལ་པ། དེ་ཡང་འཕགས་མཆོག་སྤྱན་རས་གཟིགས་ཁ་སར་པ་ཎི་བོད་ཁ་བ་གངས་ཅན་གྱི་འགྲོ་དོན་མཛད་ཕྱིར་སྤྲུལ་པ་ཕེབས་པར་གྲགས། གཉིས་པ། བདག་ཅག་གི་སྟོན་པ་བཀའ་དྲིན་ཅན་ཤཱཀྱ་ཐུབ་པའི་སྐུ་དུས་སུ་བྱོན་པའི་རྒྱལ་པོ་བྱང་ཆུབ་སེམས་པ་དྲི་མེད་གྲགས་པ།

དཔལ་ལྡན་ལོ་དགོན་བཤད་སྒྲུབ་བསྟན་འཕེལ་གླིང་། གསུམ་པ། (དཔལ་ལྡན་ལོ་དགོན་བཤད་སྒྲུབ་བསྟན་འཕེལ་གླིང་གི་གདན་རབས་རིམ་བྱུང་གིས་རྒྱ་བསྐྱེད་ཇི་ལྟར་བཏང་བའི་ལོ་རྒྱུས་མེས་པོའི་ཞལ་རྒྱུན།) གདན་རབས་དང་པོ། དགེ་བཤེས་སྤྱན་སྔ་པའི་དངོས་སློབ་དོ་མེད་བཞི་ཡི་ཡ་གྱལ། དགེ་བཤེས་བྱ་ཡུལ་བ་གཞོན་ནུ་འོད། འདི་པའི་དུས་སུ་ཁྲོ་བོ་མི་གཡོ་བའི་གྲུབ་ཆུ་དཀྱིལ་དུ་ཡོད་པའི་ཀླུ་འབུམ་ཁང་ཀ་བ་བཅུ་དྲུག་ཅན། སྒོ་འདུ་ཁང་དུ་ཕྱོགས་པ། རྩིག་པ་ནུབ་ངོས་སུ་བསྟན་པ་བཞེངས། ཀླུ་འབུམ་ཁང་ཞེས་པ་ཁ་སྐད་ཡིན་པ་ལས་དེབ་ཐེར་ཁག་ན་གློ་འབུར་ཁང་ཞེས་གསལ།

དཔལ་ལྡན་ལོ་དགོན་བཤད་སྒྲུབ་བསྟན་འཕེལ་གླིང་། གཉིས་པ། (སྤྱན་སྔ་ཚུལ་ཁྲིམས་འབར་གྱི་ལོ་རྒྱུས་མདོར་བསྡུས།) བཀའ་གདམས་སྐུ་མཆེད་གསུམ་སྟེ། སྤྱན་རས་གཟིགས་ཀྱི་སྤྲུལ་པ་ཕུ་ཆུང་པ་གཞོན་ནུ་རྒྱལ་མཚན།  འཇམ་དབྱངས་སྤྲུལ་པ་པོ་ཏོ་རིན་གསལ། ཕྱག་རྡོར་སྤྲུལ་པ་སྤྱན་སྔ་ཚུལ་ཁྲིམས་འབར་རྣམས་གསུམ་ལས། ཆུང་བ་དགེ་བཤེས་སྤྱན་སྔ་བ་ནི་ཉན་གྱི་སྣང་ར་སྒང་དུ་( སྟག་རྩེ་ལོ་ཕུ་  )ཡབ་ཤཱཀྱ་རྡོ་རྗེ་དང༌། ཡུམ་ལི་མོ་ཡེ་ཤེས་སྒྲོན་གཉིས་ཀྱི་སྲས་སུ་རབ་བྱུང་བཅུ་གཅིག་པའི་ས་སྟག། དུས་རབས་བཅུ་གཅིག་པ། ཕྱི་ལོ་༡༠༣༨ ལོར་འཁྲུངས།  

དཔལ་ལྡན་ལོ་དགོན་བཤད་སྒྲུབ་བསྟན་འཕེལ་གླིང་། དང་པོ། (དགེ་བའི་བཤེས་གཉེན་ཆེན་པོ་སྤྱན་མངའ་ཚུལ་ཁྲིམས་འབར་གྱིས་ལོ་དགོན་བཤད་སྒྲུབ་བསྟན་འཕེལ་གླིང་ཇི་ལྟར་ཕྱག་བཏབ་པའི་ལོ་རྒྱུས་མེས་པོའི་ཞལ་རྒྱུན།) དཔལ་ལྡན་ལོ་དགོན་བཤད་སྒྲུབ་བསྟན་འཕེལ་གླིང་ནི་ད་ལྟའི་སྟག་རྩེ་རྫོང་ཐང་དཀར་ཁོངས་ལོ་ཕུ་གྲོང་ཚོ་བདུན་པའི་ནང་དུ་ཆགས་ཡོད། དགོན་དེ་ནི་བཀའ་གདམས་སྐུ་མཆེད་གསུམ་གྱི་ཡ་གྱལ་སྤྱན་སྔ་ཚུལ་ཁྲིམས་འབར་གྱིས་ཤིང་མོ་ཕག་གི་ལོ་སྟེ། ཕྱི་ལོ་ ༡༠༧༣ ལོར་ཕྱག་འདེབས་འགོ་བརྩམས།

                བཞུགས་རོགས།། གངས་དཀར་པོ་ཤེལ་གྱི་མཆོད་རྟེན་འདྲ།། དབུ་རྩེ་མོ་མ་ཞིག་བརྟན་རོགས་མཛོད།། སེང་དཀར་མོ་ཡོད་རབས་མི་བདེན་ཡང་།། བྱ་རྒོད་པོའི་སེམས་ཀྱི་བརྟེན་ས་ཡིན།། རྫ་སྨུག་པོ་གཡུ་མདོག་བཞིན་བཟང་མ།། མར་མ་ཉིལ་བརྟན་པོར་བཞུགས་རོགས་མཛོད།། ཤིང་མེ་ཏོག་རྒྱས་རབས་མེད་ན་ཡང་།། ང་ཨ་བྲའི་སེམས་ཀྱི་ཉལ་ས་ཡིན།། སྤང་བདེ་མོ་དབྱངས་ཀྱིས་མཆོད་འདྲ་མ།། རྒས་མ་འགྲོ་བརྟན་པོར་བཞུགས་རོགས་མཛོད།། གསེར་རིན་ཆེན་རྒྱན་གྱིས་མ་བཞད་ཀྱང་།། ངེད་གཡག་ཆུང་རོག་པོའི་འཚོ་ས་ཡིན།། ཁམས་དྭངས་བའི་རྒྱུག་ཆུ་དལ་འགྲོ་མ།། ཆད་མ་ཡོང་རེམ་རེམ་བཞུར་རོགས་མཛོད།། རིན་ཆེ་བའི་མུ་ཏིག་མེད་རབས་ཀྱང་།། ངེད་གསེར་ཉའི་ཚོགས་ཀྱི་རྐྱལ་ས་ཡིན།། ཞིང་ཆུང་ཆུང་ནས་སྙེ་འགུལ་ས་མ།། འགྱུར་མ་འགྲོ་བརྟན་པོར་བཞུགས་རོགས་མཛོད།། གློག་ཁྲ་ཁྲའི་འོད་ཟེར་མེད་ན་ཡང་།། ངེད་བྱ་བྱིའུ་ཚོགས་ཀྱི་འཁྲབ་ས་ཡིན།།       ༢༠༡༨།༠༥།༢༢ ཉིན། ཉེ་འཁོར་ལ་ལྟ་བཞིན་ཤར་མར་སྦྱར།  རིགས་གྲོལ།

དེ་རིང་། སྤྲིན་པའི་འཁྲིགས་སྟངས་ཇི་ཡིན་མ་ཤེས་ཀྱང་།། རླུང་བུ་ལྡང་བ་དེ་ཡིས་འཁྱོར་ཙམ་བྱས།། ཡལ་ག་རེ་ཡང་འགུལ་ཙམ་བྱས་ཤུལ་ནས།། བདག་ནི་འཆར་སྣང་ཙམ་གྱིས་བརླན་པར་བྱས།། མི་རྣམས་ས་ཁང་གྲུ་བཞིར་བཏགས་ནས་ཡོད།། འདོགས་བྱེད་གློག་གི་རྒྱུ་བའི་འཁོར་ལོ་འོ།། སྒེའུ་ཁུང་ནང་གི་མེ་ཏོག་དམར་པོ་ཡང་།། ད་ནངས་ཞིག་ནས་སྐྱོ་བའི་ཉམས་ཤིག་ཤར།། འཇིག་རྟེན་ཁེར་པོར་བུད་པའི་ཞོགས་པ་འདིར།། ཁྱོད་རང་རི་མོར་བརྫུས་ནས་ཡོང་ངམ་ཅི།། ཡི་གེའི་ཚིག་འབྲུ་རེ་རེ་ཚིག་ཤུལ་ནས།། བདག་གི་ངོ་གདོང་འདི་ཡང་འབར་བར་བྱས།། སིལ་ཁུའི་ཕོར་པ་མཆུ་ཡིས་འཇིབ་ཞོར་དུ།། ཐང་རིང་ཞིག་ན་བསམ་པའི་མིག་གིས་གཅེར།། མཁའ་དབུགས་གཡོ་འགུལ་རི་མོ་ལང་ལོང་འདིས།། བདག་གི་ལུས་ལ་རེ་བའི་གསོན་ཤུགས་སྦྱིན།། དེ་རིང་མགྲིན་པ་འདི་ཡང་འགག་པ་ལ།། གྲེ་བའི་ནང་ནས་ཡིག་འབྲུས་འཚང་ནས་འོང་།། རྩིག་གྱང་ལྡེབས་ཀྱི་རི་མོ་གཅེར་བུ་མ།། ཁ་བརྡ་ཞིག་གི་མགྲོན་པོ་ཨེ་ཡིན་ནམ།། ཁྱོད་རང་རྫུ་འཕྲུལ་གྱོན་ནས་མ་ཐོན་ན།། བདག་གི་ལུས་ནི་སྔར་ནས་ཞུམ་སོང་ངོ་།། ཐིགས་པ་ཚ་བོ་འདི་ཚོས་ཅི་ཞིག་ཚོས།། དྲི་མ་ངར་མ་འདི་ཚོས་ཅི་ཞིག་རུལ།། སང་ཉིན་ཟེར་བའི་ཐ་སྙད་འཛད་མེད་དེར།། མེ་ཏོག་ཁྲ་ཚོམ་ཤར་བ་...

ཧེ་དྲ་བྷ་ཌའི་སངས་རྒྱས་སྐུ་བཞེངས་མ། ཁ་སང་གཅུང་མོ་ཆུང་བ་གུང་སེང་དང་སྟབས་བསྟུན་ཏི་ལང་ག་ན་མངའ་སྡེའི་ཧེ་དྲ་བྷ་ཌ་ནང་ཡོད་ཨེན་ཌི་ཨར་ལྡུམ་ར་དང་ལུམ་བི་ནི་སྐྱེད་ཚལ་ལ་འཆམ་འཆམ་དང་། ལུམ་བི་ནི་སྐྱེད་ཚལ་ཁོངས་ཧུ་སེན་མཚོ་དཀྱིལ་བཞུགས་པའི་སངས་རྒྱས་སྐུ་བཞེངས་མ་མཇལ་བར་བསྐྱོད། སངས་རྒྱས་ཞལ་བཞུགས་དུས་ལྷོ་ཕྱོགས་འདི་ན་ཞབས་ཀྱིས་བཅགས་ཚུལ་མི་གསལ་ཡང་། མཐོ་ལ་གཟི་བརྗིད་དང་ལྡན་པའི་སྐུ་འདྲ་འདི་མཇལ་དུས་སངས་རྒྱས་དངོས་སུ་ཞལ་བཞུགས་པ་ལྟར་གྱི་ཚོར་བ་ཞིག་གིས་དགའ་བ་ཡོངས་སུ་རྒྱས་པར་བྱེད། སྐུ་འདི་ཧེ་དྲ་བྷ་ཌ་གྲོང་ཁྱེར་གྱི་སྙིང་ལྟ་བུ་ཧུ་སེན་མཚོ་མོའི་དཀྱིལ་དུ་ཡོད་ཅིང་། ལུམ་བི་ནི་སྐྱེད་ཚལ་ནས་གྲུ་ཐོག་སྐར་མ་བཅོ་ལྔ་ཙམ་གྱི་ས་ན་བཞུགས། ལོ་ལྟར་ཕྱོགས་ཁག་ནས་མཇལ་བཅར་བ་ཁྲི་ཕྲག་ཡོང་ཚུལ་ཟེར།            སྐུ་འདྲ་འདི་ཨན་དྲ་མངའ་སྡེའི་(སྔོན་མ་ཏི་ལང་ག་ན་ཨན་དྲའི་མངའ་ཁོངས་ཡིན)བློན་ཆེན་(༡༩༨༣-༨༩) ཨན་ཊི་ར་མ་རའོ་ཡི་དུས་སྐབས་བཞེངས་འདུག །དེ་ཡང་ཁོང་གི་ལས་ཡུན་རིང་ས་གནས་ཀྱི་ཆབ་སྲིད་དང་། ཆོས་ལུགས་ཀྱི་ལོ་རྒྱུས་མི་སྣའི་འདྲ་སྐུ་བཞེངས་ཆེད་འགྲོ་གྲོན་མང་པོ་བཏང་ཡོད། ཐེངས་ཤིག་ཁོང་ནིའུ་ཡོག་ཏུ་ཕེབས་སྐབས་རང་དབང་གི་འདྲ་སྐུ་(Statue of libert...

འདྲེ་ལ་རྒོལ་བ།                                              རིགས་གྲོལ། རྒྱབ་ནས་ཆོས་སྒར་དྲག་པོས་གཏོར་བཞིན།། མདུན་ནས་དབང་ཆེན་བཙན་གྱིས་སྐུལ་བ།། སྒེར་བདག་ཅན་གྱི་སྲིད་དབང་དེ་ཡིས།། ང་ཚོའི་སེམས་པ་འབར་དུ་འཇུག་གི། མེས་པོའི་ཁྲག་དང་རྣག་གིས་བཞེངས་པའི།། བཤད་གྲྭ་ཆེན་མོ་ཐང་ལ་སྙིལ་གྱིན།། དབང་ཐང་མེད་པར་དབང་ཆེན་སྐུལ་བ།། འུ་ཚོའི་མགོ་ལ་གཞུ་བའི་རྡོ་རེད།། དད་པ་བྱེད་ས་མར་མར་སློག་གིན།། མི་དད་ས་ན་དད་དུ་འཇུག་པ།། བཙན་དབང་ཅན་གྱི་བརྙས་ཆོས་འདི་ཀོ།། འུ་ཚོའི་སེམས་པ་གསོད་པའི་མདའ་རེད།། ཆོས་པ་ངོ་མའི་བླ་མཁར་འཇོམས་གྱིན།། ཆོས་གཟུགས་ཅན་ལ་ཁྲི་འཕང་རྩེག་པ།། སུན་གཙེར་ཆེ་བའི་བྱ་སྤྱོད་འདི་དག། འུ་ཚོའི་སྙིང་ལ་འཛུགས་པའི་ཁབ་རེད།། བྱིན་རླབས་ལྡན་པའི་འདྲ་སྐུ་བཤིག་གིན།། བྱིན་རླབས་མེད་པར་གུས་སུ་འཇུག་པ།། དབང་ཆེན་དཔོན་པོའི་གདུག་རྩུབ་ཆེན་པོ།། འུ་ཚོའི་དང་བ་གཅོད་པའི་གྲི་རེད།། ཕར་ངོགས་དེ་ནས་ལྷ་ཁང་རྡལ་གྱིན།། ཚུར་ངོགས་འདི་ནས་དད་པ་གླེང་བ།། གཡོ་རྫུན་ཅན་གྱི་བྱ་ངན་འདི་དག། འུ་ཚོའི་ཁ་ལ་གཞུ་བའི་ལྕག་རེད།། ནང་ན་དྲག་པོའི་མཚོན་གྱིས་འབྲེག་གྱིན།།...

ཆུ་བོ་ཐུར་རྒྱུག  །ཆུ་རགས་གྱེན་བརྩིགས། ( གྲགས་ཅན་སྙན་ངག་པ་ཞིག་གིས་གང་ཟག་གཞན་གྱི་སྙན་ངག་ལ་དཔྱད་གླེང་བྱས་པ་ཞིག་བཀླགས་རྗེས་ཀྱི་ཚོར་སྣང་།) ཆུ་བོ་ཞིག་མཛེས་སྡུག་ངང་ཤང་ཤང་རྒྱུག་བཞིན་འདུག། རྐྱལ་འདོད་ཅན་ཐག་རིང་ནས་ཧུར་ཧུར་བལྟས་ནས་འདུག། རྐང་འགོ་ཙམ་ཆུ་ནང་དུ་གཞུག་རྒྱུར་མ་བཟོད་ན།། གཏིང་ཚད་ལ་འོལ་ཚོད་ཀྱིས་འཇལ་བ་ངོ་མཚར་རོ།། ཉ་མོ་ཡིས་ཆུ་ནང་དུ་རྩེ་བ་དོན་དངོས་འདིར།། ཉ་པ་ཡིས་འཕྲུལ་སྣང་གིས་འཛིན་པའི་ལྟད་མོ་རྒོད།། ཉ་འཛིན་གྱི་ལྕགས་ཀྱུ་ཙམ་ལག་པས་མ་འཇུས་པར།། ཉ་གཤོག་གི་མཉེན་མཐུག་སྐོར་གླེང་འདི་ཡ་མཚན་ཨང་།། རུས་སྦལ་ལ་རྐང་ལག་ཀྱང་ཡོད་པ་མ་ཤེས་པས།། རུས་སྐོགས་ཀྱིས་ཆུ་བོ་ལ་འཇུག་པ་མིན་ནམ་སྙམ།། རུས་ཚིགས་ལ་མཛུབ་མོ་ཡིས་བསྟན་ནས་བཟང་ངོ་ཞེས།། རུས་གོང་ལ་རེ་བ་ཙམ་བྱེད་པ་ཐབས་ཆག་གོ།། རླུང་བུ་ཡིས་རླབས་རིས་སུ་བྲིས་པ་མ་རྟོགས་ནས།། ཆུ་བོ་ལ་གཉེར་མ་ཡང་ལྡན་ཞེས་འུར་སྟངས་འདི།། གཏམ་རྒྱུད་ལྟར་བཤད་ཡམ་དུ་གྱུར་བའི་ངག་འཁྱལ་སྟེ།། སུ་ཞིག་གི་རྣ་བུག་ལ་འཇམ་པ་ཡོད་ན་ཐང་།། མཁའ་དབྱིངས་ནས་བྱ་བྱིའུ་ཡིས་རྩེན་པའི་རྒྱུ་མཚན་ནི།། འབུ་སྲིན་ལ་ཟ་འདོད་ཀྱིས་འཁོར་བ་ཨེ་ཡིན་ནམ།། ཞི་བ་དང་འཇམ་པ་ཡིས་བརྒྱན་པའི་ངོ་མཚར་ལ།། རྩེ་འདོད་དང་དགའ་བ་ཡིས་ཆགས་པ...

ལམ་བུ། གཡུ་མདོག་ནགས་ཀྱི་ལྗོན་པའི་དབུས་ན་དཀྱུས་རིང་ལམ་ཟུང་གྱེས་ནས་ཡོད།། གཉིས་ཀ་ལས་ལ་བསྐོས་པ་མེད་ན་ངེས་པར་གཅིག་ནི་འགྲིམ་དགོས་ཨང་།། གཅིག་ཐོག་གོམ་ཁ་དལ་གྱིས་སྤོས་ན་གཞན་དེ་སེམས་ཀྱི་འགྲུལ་བཞུད་དེ།། འདི་ནས་གང་དུ་ལྷགས་པ་ཡིན་རུང་དོན་དུ་ཕྱི་ལ་འཁོར་རམ་ཅི།། གཡས་གཡོན་མེ་ཏོག་གཞོན་ནུའི་ཚོགས་ཀྱིས་དགའ་བའི་འཛུམ་གྱིས་བསུ་བ་འམ།། ཡང་ན་མགོ་བོ་འཕྲེད་ལ་གཡུག་ནས་མ་འགྲོ་མ་འགྲོ་ཟེར་བ་ལྟ།། འོན་ཀྱང་ཅི་ནས་མདུན་སྐྱོད་དགོས་པས་དབུགས་རིང་ཤུགས་ཀྱིས་ལན་ཤས་རྔུབས།། གཡས་ན་རེ་བའི་མིག་ཞགས་འཕེན་བཞིན་གཡོན་ལ་གོམ་པའི་འདེགས་འཇོག་བྱས།། བྱ་བྱིའུ་སྐད་ཀྱི་སྙན་ཆ་འདི་ཀོས་བདག་གི་རྣ་བ་ལན་བརྒྱར་འཕྲོག། འདི་ན་འཚོ་བའི་སྣང་ཞེན་འདུག་སྙམ་དགའ་བའི་འཛུམ་ནི་ལན་བརྒྱར་ཤོར།། སྐྱི་བསེར་རླུང་གི་གཡུག་ཕྱོགས་ཤིག་གིས་སེམས་པའི་རི་མོ་ཕྱི་ལ་བཤོལ།། ལམ་བུ་གཞན་དེར་ལན་ཆགས་ཤིག་གམ་ཡིད་ནི་ཕྱི་ལ་ལན་བརྒྱར་ཤོར།། མགོ་ཐོག་ཤིང་གི་ཡལ་གའི་བར་དེར་ནགས་བྱི་གཉིས་ཀྱིས་རྩེ་བཞིན་དུ།། ཁོང་གཉིས་གསང་བ་ཤོར་སོང་སྙམ་མམ་བདག་ལ་ཁྲོ་མིག་སྟོན་བཞིན་འདུག། སྡོང་རྩར་གྲོག་མ་མིག་མེད་མང་པོས་ཟས་སྣ་སྡུད་ལ་བྲེལ་བ་འདིས།། ངེས་མེད་འབྱུང་བའི་ཆགས་སྒོ་ངན་པ་ཉེ་སར་ཡོང་བའི་བརྡ་ཨེ་ཡིན།། ...

འབྲོག་མོ། སྐྲ་ལོའི་ཉག་མ་ཅུང་ཙམ་ཟིང་པ་ཞིག། སྨིན་མ་ནག་པོ་གཞུ་ལྟར་གུག་པ་ཞིག། ཡ་ཐོད་འོད་ཞགས་འཁྱུག་པའི་ནང་རོལ་དེར།། འབྲོག་མོ་ངོ་མའི་སེམས་ཀྱི་རི་མོ་ཡོད།། མཛེས་སྡུག་མཁུར་ཚོས་དམར་མདངས་རྒྱས་པ་ཞིག། སྣ་རྩེ་རི་བོ་འདྲ་དེ་ཉག་ཙམ་ཞིག།། མིག་ཟུང་མདུན་ལ་ཅེར་བའི་རྒྱབ་རོལ་ན།། འབྲོག་མོ་ངོ་མའི་ཕུགས་ཀྱི་གཏད་ས་ཡོད།། འགྲམ་པ་གཡས་གཡོན་དབྱིབས་གཟུགས་ལེགས་པ་ཞིག། མ་ལེ་མཛེས་ཤིང་ཞེང་ཚད་ཆེ་བ་ཞིག། མཆུ་རྩེེ་སྨུག་མདངས་ཅན་དེའི་བར་དཀྱིལ་ན།། འབྲོག་མོ་ངོ་མའི་དུང་བའི་སེམས་གཏམ་ཡོད།། མཇིང་ཤ་ངོ་མ་ཅུང་ཟད་མངོན་པ་ཞིག། རྒྱན་ཆ་ཡོད་མེད་དོགས་པས་བཅིངས་པ་ཞིག། ཡོངས་རྫོགས་སློག་པས་གཡོགས་པའི་འོག་རོལ་ན།། འབྲོག་མོ་ངོ་མའི་དྭངས་གཙང་ལུས་ཁམས་ཡོད།། ལག་གཡས་ལྕི་བའི་དྲི་ཡིས་ནག་ཙམ་ཞིག། གཡོན་ལ་བརྩེ་བའི་སོར་གདུབ་སྤྲས་པ་ཞིག། གཡུ་ཡི་འཕྲེང་བ་བགྲང་བའི་རྗེས་དཔག་ན།། འབྲོག་མོ་ངོ་མའི་བྱམས་པའི་མཚོ་མོ་ཡོད།།                 2018/01/21 ཉིན། རིགས་གྲོལ།

བྱམས་བརྩེའི་ནུས་སྟོབས།                       བྱམས་བརྩེ་སེམས་གཏིང་ན་འཁྱིལ་བའི།།      དྲིན་ཆེན་ཕ་མ་ཡི་དུང་བ།། གཙང་པོའི་གཏིང་མཐའ་ནས་བཞུར་བ།། རླབས་སྒྲ་ལྷོ་མཐའ་ནས་ལྡིར་བྱུང་།། དྲི་མེད་འོད་ཞགས་ཀྱི་བརྩེ་བ།། ཕ་མའི་དུང་སེམས་ལྟར་གྱུར་ན།། ལྷོ་མཐའ་བྱང་མཐའ་ལ་ཉུལ་ཡང་།    གདུང་བའི་ན་ཟུག་ཀྱང་མི་འདུག། གངས་ཆུ་རྫ་ཆུ་ཡི་བཞུར་རྒྱུན།། མཐའ་མེད་རྒྱ་མཚོ་ལ་འདྲེས་པ།། བྱམས་བརྩེའི་འོད་ཞགས་སུ་གྱུར་ན།། བདེ་སྐྱིད་ཉིན་མོ་དེ་ལོས་ཤར།། དྲིན་ལན་རྫོགས་མཐའ་དེ་མེད་ཀྱང་།། འཇལ་འདོད་སེམས་པ་ཞིག་ཡོད་ན།།        ང་ཚོའི་སེམས་གཏིང་ན་རུམ་པའི།། འོད་ཟེར་ཕྱོགས་མཐའ་རུ་འབར་ངེས།།   ཕུགས་བསམ་བདེ་ཆེན་ལ་བཅོལ་བའི།། འགྲོ་དྲུག་སེམས་ཅན་གྱི་དོན་དུ།།    ཐབས་ཤེས་ཡབ་ཡུམ་ལ་བརྟེན་པའི།། བྱམས་བརྩེའི་འོད་སྣང་ཞིག་སྦར་དགོས།།

ལང་ཚོ་དར་བབ་ཀྱི་འཕྲོད་བསྟེན་སྐོར་ཟབ་སྦྱོང་སྐབས་ཀྱི་ཚོར་སྣང་།། ཉིན་དང་པོ།  ༢༠༡༧།༡༢།༢༤ བྱིས་པ་སེམས་མེད་ཨེ་ཡིན་ནམ།། དུས་ཀྱི་འགྱུར་བ་ཡིན་པ་འོ།། རྒས་པོའི་སྤྱོད་ལ་རོལ་བ་དག། སུ་ཡི་མིག་ལ་མཛེས་སོང་ཨང་།། ཁྱོད་ཀྱི་འཚར་ལོངས་མཛེས་པོ་དེར།། སྤྲིན་པའི་ཡོལ་བ་མཐུག་དོན་ཅི།། དགོས་མཁོ་ཞེས་པའི་བར་སྣང་ན།། ལམ་སྟོན་ཆར་པ་བབ་དོན་ཅི།། ལྗང་དུས་ལྡེམ་ལྡེམ་གཡོ་བ་དེ།། རླུང་བུའི་གཡོ་ཕྱོགས་ཡིན་པར་ངེས།། དོན་གྱི་ཞིང་ས་རལ་པོ་དེར།། སུ་ཡི་ཡིག་འབྲུའི་ལོ་ཏོག་ཡོད།། ཉིན་གཉིས་པ།   ༡༢།༢༥ རི་མོ་བྲིས་པ་མཛེས་སོང་བ།། ཤོག་བུ་དཀར་བས་ཡིན་ནམ་ཀྱེ།། འགུལ་བའི་སྨྱུ་གུ་མེད་སོང་ན།། བྱེད་པོ་ཞེས་པ་སུ་ཞིག་རེད།། ཤོག་བུ་དཀར་བ་རྒྱུ་ཙམ་ལ།། རི་མོ་མཛེས་རྒྱུ་ཅི་ལ་ངེས།། སྒྱུ་རྩལ་ཟེར་བའི་ཁ་དོག་དེ།། ཇི་ཙམ་འགུལ་བ་དེ་ཙམ་མོ།། ནམ་མཁའ་ཞེས་པའི་རྒས་མོ་དེ།། ཇི་ཙམ་མཐོ་བ་མི་ཤེས་ཀྱང་།། སྤྲིན་པོ་ནག་པོ་འཁོར་བ་དེ།། བདག་གི་མིག་ལ་གཟན་ཙམ་བྱུང་།། དུས་ཀྱི་ཡོལ་བ་ནག་པོ་དེར།། ལམ་སྟོན་ཇེམ་ཙེ་མཛེས་བྱུང་ཨང་།། སྤྲིན་པ་ནག་པོས་ཆར་བབས་རྗེས།། སངས་པ་ཞེས་བྱ་མཐོང་ཙམ་བྱུང་།། ཉིན་གསུམ་པ།       ༡༢།༢༦ མཐོ་བ་ནམ་མཁར་དམ...

སེམས་ཀྱི་དབྱངས། ནམ་མཁའི་མཐའ་ན་ཟུག་པའི།། འཇའ་ཚོན་མིག་ལ་མཛེས་པོ།། ཞག་གསུམ་སེམས་ལ་ཤར་ཡང་།། འདུན་མ་ཡོང་ས་མ་རེད།། ཁ་དོག་མཚར་ལ་བསམས་ནས།། སེམས་པའི་ཞགས་པ་བཏབ་ཀྱང་།། རླུང་བུའི་གཡུག་ཕྱོགས་ཤིག་གིས།། སྤྲིན་པའི་དཀྱིལ་ནས་ཡལ་སོང་།། ཁྱེད་ནི་སེམས་ཀྱི་མེ་ཏོག། མཛེས་སྡུག་དབྱིངས་ལ་བཞུད་སོང་།། གཡུ་སྦྲང་བུང་བ་ང་ཡང་།། དྲན་པའི་ཀློང་ནས་ཉལ་ཡོད།། དམ་བཅའི་རི་མོ་རེ་རེ།། ཡིག་འབྲུའི་ཚུལ་དུ་བྲིས་ཀྱང་།། འགྱུར་བ་ཆུ་ཡིས་བཤལ་བ།། སེམས་ཀྱི་ན་ཟུག་མིན་ནམ།། དང་པོ་འཛུམ་ཞལ་རྒོད་པ།། བདུད་རྩི་སྨན་མཆོག་འདྲ་ཡང་།། མཐའ་མ་ལེ་ལན་མང་བ།། བསམ་པའི་དུག་ཏུ་གྱུར་སོང་།། ལས་འཕྲོ་ལས་འཕྲོ་ཟེར་ནས། མ་ཎི་འདོན་འདོན་བྱས་ཀྱང་།། ཚེ་འདིའི་ལས་ལ་མེད་ན།། ཕྱི་མར་རེ་བ་མི་འདུག།  ༢༠༡༧།༡༡།༣༠ དགོང་དྲོ། རིགས་གྲོལ།

ཇོ་བོ་རྗེའི་གསོལ་འདེབས། བྷང་གལ་རྒྱལ་པོའི་སྲས་སུ་བལྟམས་ན་ཡང་།། རྒྱུ་ནོར་འདོད་པའི་འདམ་ལྟར་ལེགས་གཟིགས་ནས།། ལྷ་གཅིག་རྗེ་བཙུན་སྒྲོལ་མས་བསྐུལ་བ་བཞིན།། ཆགས་མེད་དབྱིངས་ལ་བཞུགས་དེར་གསོལ་བ་འདེབས། གཞོན་ནུའི་དུས་ནས་སྒྲ་ཚད་གསོ་རིག་དང་།། ནང་དོན་སྙན་ངག་ལ་སོགས་ལེགས་སྦྱངས་ཤིང་།། ལྷག་པར་བཅོ་ལྔར་ཕེབས་ཚེ་རིག་བྱེད་པའི།། རྟོག་གེ་ཕམ་པར་མཛད་ལ་གསོལ་བ་འདེབས།། ན་ལེན་དྲར་ཕེབས་མཁས་པ་མང་བསྟེན་ཏེ།། ལམ་རིམ་དབུ་མའི་གཞུང་སོགས་ལེགས་སྦྱངས་མཐར།། བླ་མ་ཨ་ཝ་དྷུ་ཏིའི་བཀའ་དགོངས་ལྟར།། སྲིད་ཀྱི་མེ་ལྕེ་བཏང་ལ་གསོལ་བ་འདེབས།། རི་ནག་གཙུག་ལག་ཁང་དུ་བྱོན་མཛད་ཅིང་།། ར་ཧུལ་གུབ་ཏའི་ཞབས་ཀྱི་པད་དྲུང་ནས།། ཀྱེེ་རྡོར་དབང་ལུང་ཡོངས་སུ་ཞུས་ཙ་ན།། གསང་བའི་རྡོ་རྗེ་ཞེས་བྱར་གསོལ་བ་བདེབས།། དཔལ་ལྡན་རྡོ་རྗེ་གདན་གྱི་འདུལ་འཛིན་པ།། ཤཱི་ལ་རཀྴི་ཏ་ཡི་ཞབས་དྲུང་ནས།། ཁྱིམ་ནས་ཁྱིམ་མེད་རབ་ཏུ་བྱུང་བ་ན།། དཱི་པམ་ཀ་ར་ཞེས་བྱར་གསོལ་བ་འདེབས།། ཁྱད་པར་བླ་མ་དྷརྨ་རཀྴི་ཏར།། འདུལ་བ་ལུང་བཞི་བྱེ་བྲག་བཤད་པ་ཆེ།། ལེགས་པར་གསན་མཐར་སྡེ་པ་བཅོ་བརྒྱད་ཀྱི།། གཙུག་གི་ནོར་བུར་གྱུར་དེར་གསོལ་བ་འདེབས།། འཁོར་དུ་སློབ་ཚོགས་སྤྲིན་ལྟར་སྟུག་ན་ཡང་།། རྒྱ་མཚོར་བཞུགས་ནས་...