རིགས་གྲོལ་གྱི་ཟིན་བྲིས།

མིག་ཟུང་མདུན་ལ་ཕྱོགས་པའི་རེ་བ་དེས།། སེམས་པའི་ཁ་མདོག་མོག་པོར་བྱས་པ་ཡིས།། རྐང་ལམ་མགོ་རྔ་མེད་པའི་སྒལ་སྟེང་ནས།། རྡོག་ཁྲེས་ཕྲག་ལ་འཁུར་བའི་ངལ་བ་བསྟེན།། མདུན་ལམ་དོག་པོ་ཞིག་ལ་མིག་བ སྲི ངས་ཏེ།། ཡིད་ཀྱི་འདུན་པ་གོང་དུ་འཕེལ་ན་ཡང་།། ལུས་ཀྱི་ངལ་བ་འཁྱོག་པོའི་འགྲོས་ཆུང་དེས།། ཆང་དམ་བཅུ་ཡིས་བཟི་བ་གྲོགས་སུ་བཀུག།

                                                 ཀ་ཡེ་གསན་དང་ཡུལ་གྲོགས་སྤུན་ཟླ་ཚོ།། ཁ་ཙམ་མིན་པར་སེམས་ཀྱི་གཏམ་ཞིག་ཡོད།། ག་ས་གང་དུ་གནས་པའི་ས་ཕྱོགས་ནས།། ང་ཚོའི་ཡུལ་གྱི་མཛེས་སྡུག་མ་བརྗེད་ཨང་།། ཅ་ཅོའི་གཏམ་ངན་ལན་རེ་བཤད་རེས་ཀྱིས།། ཆ་ལུགས་བཟང་པོའི་འདུ་ཤེས་མ་འདོར་རོགས།། ཇ་ཆང་རྩམ་པས་འཚོ་བའི་ལོ་ཡུལ་དུ།། ཉ་ཁྱུ་འཛོམས་པའི་སྨོན་ལམ་འདེབས་རོགས་ཨང་།།

                                  སྨེ་བ་ཅན་ཞིག་ལ་ཀུ་རེ་བྱས་པ། རི་བོ་གཉིས་འགྲན་སྡུར་ལྟར་འགྲེང་པའི་བར་དེ་ན།། སུ་ཞིག་གིས་མིག་ཟུང་ཅེར་ནས་བལྟ་མི་འདོད་དེ།། འབུར་ཚུགས་ཀྱིས་ལྟ་ཐེངས་རེ་རེའི་ཚོར་སྣང་ཞིག་ཀྱང་།། ཤ་སེང་རུས་སེང་ནས་འགུལ་མྱོང་བ་ཉུང་ཉུང་མིན།། མིག་ཟུང་དག་དེ་གཉིས་ལ་བལྟས་ནས་རྒྱལ་མྱོང་ཞིང་།། རེ་འགའ་སྐྱེངས་མྱོང་བའི་ལོ་རྒྱུས་ཀྱང་འདི་ན་མང་།། འོན་ཀྱང་འདོད་པ་ཞིག་གི་སྐུལ་ལྕག་གཅིག་སྟེ།། མངོན་སུམ་དང་སྦར་མོ་བཀབ་ནས་ལྟ་བའི་ཁྱད་དོ།།

མེ་ཏོག་ཅིག་ཞི་རྗེས་ མཛེས་སྡུག་དང་   དྲི་མ་ཞིམ་པོ་དག་ཀྱང་ སུ་ཞིག་གིས་བརྐུས་པ་བཞིན་དེ་ལྟར་ཡལ་སོང་ སླར་ཡང་   མེ་ཏོག་གཞན་ཞིག་གིས་   མཛེས་སྡུག་དང་   སྒྱུ་རྩལ་མང་པོ་ཞིག་བཁྱེར་བཞིན་ སེམས་པའི་སྒོ་ཁ་ནས་བཞད་ཡོང་དུས་ དྲི་ཞིམ་གཞན་ཞིག་དང་ མཛེས་སྡུག་གཞན་ཞིག་གིས་བདག་ལ་བསུས་བྱུང་། ༢༠༡༣།༠༩།༠༩ ཉིན།

ཡིག་འབྲུ་རེ་རེ་སེམས་པའི་ཚབ་ཏུ་བཀོད།། ཕན་ཚུན་བར་ལ་རྒྱུས་ལོན་ངོ་ཤེས་བཏང་།། འཇིག་རྟེན་ཆུང་ངུར་འགྱུར་བའི་རང་བཞིན་འདིས།། ང་དང་ཁྱོད་ལ་བར་ཐག་མི་འདུག་ཟེར།། འདྲ་པར་འགའ་ཞིག་རླུང་ལ་བསྐུར་རེས་ཀྱིས།། དགའ་དང་མི་དགའ་རང་རང་འཐད་ཕྱོགས་གླེང་།། ལས་དབང་གཅིག་ཏུ་གྱུར་བའི་ངང་ཚུལ་འདིས།། ང་དང་ཁྱོད་ལ་ཁྱད་པར་མི་འདུག་ཟེར།། ཁྱོད་ཀྱི་ཞལ་ཁྱིམ་མཛེས་སྡུག་མེ་ཏོག་རེད།། བདག་གི་ངོ་གདོང་སྨུག་པོ་ནགས་རྫོབ་ཡིན།། སྐྱེ་ས་ས་རྡོ་ཡིན་པའི་བག་ཆགས་འདིས།། ང་དང་ཁྱོད་ལ་འགལ་བ་མི་འདུག་ཟེར།། ཁྱོད་ཀྱི་གཏམ་རྒྱུད་ཁྲ་ཁྲ་རིང་མོ་དང་།། ང་ཡི་ལོ་རྒྱུས་ནག་པོ་རྡུམ་རྡུམ་གཉིས།། སྐྱིད་སྡུག་འདྲེས་མར་བཀོད་པའི་རི་མོ་འདིས།། ང་དང་ཁྱོད་ལ་དབྱེ་བ་མི་འདུག་ཟེར།། ༢༠༡༣།༠༩།༠༤ ཉིན།

ཕྱི་ལོ ་ ༡༩༠༣ -༡༩༠༤ ལོར་དབྱིན་ ཇིའི་ཡང་ཧས་བྷེན་ཌ་ དམག་བོད་དུ་བསླེབས་སྐབས་ དམག་དཔོན་ཇྷོན་ཁོ་ལོ་ཌ་ཝའི་ཊ་ཡིས་བླངས་ པའི་ འདྲ་པར་ རྙིང་ པ་འགའ་ཞིག ་རྙེད་སོན་བྱུང་ འདུག་ ། པོ་ཏ་ལ། ༡༩༠༣ - ༡༩༠༤

རྩོམ་པ་པོ་མི་གསལ། གྲང་ངར་ཧ་ཅང་ཆེ་བའི་ཉིན་ཞིག་ང་རང་ཁྱིམ་དུ་ལོག་སྐབས་ལམ་བར་ནས་གཞན་གྱི་བོར་བརླག་སོང་བའི་ཁུག་མ་ཞིག་ལ་རྡོག་ཐོ་ཐེབས་སོང་། ངས་ ཡར་བླངས་ཏེ་ངོ་སྤྲོད་འདྲ་ཡོད་ན་ཕྱིར་སློག་ཐུབ་ངེས་སྙམ་ཞིང་ནང་ལ་བལྟས། འོན་ཀྱང་ཁུག་མ་དེའི་ནང་ཨ་སྒོར་གསུམ་དང་། ལོ་མང་སྔོན་ནས་བྲིས་པ་འདྲ་བའི་ཡི་གེ་ཧྲལ་པོ་ཞིག་ལས་གཞན་ཅི་ཡང་མི་འདུག།           ཡིག་སྐོགས་ཟད་ནས་དེའི་ཐོག་མཐོང་ཐུབ་པ་ནི་གཏོང་མཁན་གྱི་ཁ་བྱང་གཅིག་པུ་རེད། ངས་ཡི་གེ་དེའི་ནང་ནས་ཁུངས་རྟགས་ཤིག་རྙེད་རྒྱུར་རེ་ཞིང་ཁ་ཕྱེ་འགོ་བརྩམས། དེ་རྗེས་ངས་མཐོང་བ་ནི་ཕྱི་ལོ་ ༡༩༢༤ འཁོད་པའི་ཚེས་གྲངས་དེ་རེད། ཡི་གེ་དེ་ཕལ་ཆེར་ལོ་ངོ་ ༦༠ གོང་དུ་བྲིས་པ་ཞིག་ རེད་འདུག །           མཐིང་ཚོན་གྱིས་བྲིས་པའི་བུད་མེད་ཀྱི་ཡིག་གཟུགས་ཤིག་གི་ཐོག་གཡོན་ཕྱོགས་སུ་མེ་ཏོག་ཆུང་ཆུང་ཞིག་ཀྱང་ སྦྱར་འདུག། (བརྩེ་བའི་ཇྷོན་)ཟེར་བ་ལྟ་བུའི་མཛའ་ཡིག་ཅིག་ཡིན་པ་ལས་གཏོང་ཡུལ་ཤེས་སུ་བཅུག་སོང་། གང་གི་མིང་མའི་ཁེལ་ཡིན་ པ་དང་། སྐབས་དེར་ཡི་གེ་འབྲི་མཁན་ལ་མ་ཡུམ་གྱིས་བཀག་འགོག ་ཆེན་པོ ་ཡོད་རྐྱེན་ཁོ་པ་མཐོང་མི་ཐུབ་ པར་ ...

དཔེ་དེབ་ལྗིད་མོ་ལག་འགོར་བཟུང་དུས་སྦྱོང་བ་བྱེད་པའི་བར་བར་ནས།། འུ་གཉིས་ཕན་ཚུན་སྙིང་གཏམ་བཤད་ཀྱིན་བརྩེ་བ་ཞིག་གི་རྒྱ་རུ་ཚུད།། བློ་སྙིང་མཆིན་གསུམ་སྦྲེལ་བ་ལྟ་བུའི་མཛའ་བརྩེའི་གཏམ་རྒྱུད་འདི་ན་བཞག། དལ་གྱིས་རང་རང་ལམ་བུ་ཞིག་ནས་སོ་སོ་ཟེར་བའི་ཚིག་ཁ་བདམས།། ལོ་ཟླ་མྱུར་གྱིས་འགྲོས་པའི་མཚམས་ནས་ང་རང་གནས་འདིའི་སྒོ་ཁར་ཐོགས།། སྔོ་ལྗང་ཚོན་གྱིས་བྲིས་པ་ལྟ་བུའི་དྲན་པའི་ངོགས་ཀྱི་སྤང་ལྗོངས་འདིར།། འུ་གཉིས་བརྩེ་བའི་རྗེས་རིས་ཨེ་ཡོད་ཡར་མར་ཀུན་ལ་ཞིབ་ཀྱིས་བལྟས།། ཆུ་འམ་ཅི་ཡིས་གཤེར་བ་ལྟ་བུས་འདི་ནས་ཕྱེས་ཏེ་བསུབས་སམ་སྙམ།།

དགའ་གྲོགས་མར་བྲིས། ཐོག་མར་འུ་གཉིས་ཀྱིས་ངོ་ཤེས་དུས་ངོ་མ་ཆུང་ཆུང་རེད། ཁྱོད་ཀྱིས་ཉམ་ཆུང་བའི་རང་གཤིས་དེའི་འོག་ནས་མིག་ཟུང་གིས་ང་ལ་ཅེར་ཞིང་། ཅི་ཞིག་སྨྲ་འདོད་པ་ལྟར་འཛུམ་ཐེངས་རེར་བདག་གི་སེམས་པ་རྩད་ནས་བྲུས་རྐྱེན། བདག་གིས་ཀྱང་རང་ཚུགས་ཤོར་བ་ལྟར་ཁྱོད་ལ་ཅི་ཞིག་བཤད་རྒྱུ་བཙལ་མྱོང་། འོན་ཀྱང་ཆེས་ཐོག་མའི་སྐད་ཆ་དེས་བདག་གི་མགོ་བོ་རྨོངས་སུ་བཅུག་པ་ནི་ཁྱོད་ཀྱི་བླུ་འདྲིད་ཅིག་མིན་ནམ།             ཟུར་ཁྲིད་ཅེས་པའི་ཐ་སྙད་དེས་འུ་གཉིས་ཀྱི་ཁོར་ཡུག་ཆུང་ཆུང་ཞིག་ཏུ་བཏང་། ཉིན་ལྟར་དཔེ་དེབ་རེ་ལག་ཏུ་བཟུང་ཡང་གླེང་རྒྱུ་ཡོད་ཚད་དགའ་ཕྱོགས་དང་ཉེས་ཕྱོགས་ཡིན། སྐབས་དེ་ནས་ཁྱོད་རང་གླུ་དབྱངས་ལ་དགའ་བ་བདག་གིས་རྟོགས་ཡོད་ལ། ང་རང་སྙན་ངག་ལ་དགའ་བ་ཡང་ཁྱོད་ཀྱིས་ཤེས་ཡོད། སེམས་པ་ཆུང་ཆུང་དེ་གཉིས་དལ་གྱིས་མཉམ་དུ་སྦྲེལ་བས། ཁྱོད་ཀྱིས་སྙན་ངག་བྲིས་པ་བདག་གི་ཆེད་དང་། བདག་གིས་གླུ་དབྱངས་བླངས་པ་ཡང་ཁྱོད་ཀྱི་ཆེད་དུ་གྱུར།

རྒྱ་གར་རང་བཙན་དུས་ཆེན་ཉིན་གྱི་ཚོར་བ། ཆུ་ཐིག་འགའ་ཡིས་ས་གཞིར་དག་འཁྲུས་ཤིག་བྱས་ཤིང་།། སྤྲིན་དཀར་ཆུན་པོས་མཁའ་དབྱིངས་དར་གོས་ཀྱིས་འཕྱང་འདུག། གཉུག་མའི་གྲོང་དེ་ར་རོའི་གླུ་དབྱངས་ཀྱིས་བཟི་ཚུལ།། དར་ཚོན་ལྷབ་ལྷུབ་དགུང་ལ་འཕྱོ་བ་དེས་ལོས་བྱས།།

         ཇྷོར་ཇ་སོནཌརས། སི་ར་ཁྱུ་ས་གཙུག་ལག་སློབ་གཉེར་ཁང་།        བསླབ་པ་མཐར་སོན་མཛད་སྒོའི་གཏམ་བཤད། ཇྷོར་ཇ་སོནཌརས ་ནི་ཕྱི་ལོ་ ༡༩༥༨ ལོར་སྐྱེས་པའི་ཨ་རིའི་རྩོམ་པ་པོ་ཞིག་ཡིན་ཞིང་། ཁོང་གི་བརྩམས་ཆོས་ལས་སྒྲུང་ཐུང་དང་། རྩོམ་ཐུང་། སྒྲུང་རིང་། ཕྲུ་གུའི་དཔེ་དེབ་སོགས་ནིའུ་ཡོག་གི་ཚོང་འགྲེམས་ལེགས་ཤོས་གྲས་ཡིན། ཕྱི་ལོ་ ༢༠༠༨ བར་རེས་གཟའ་སྤེན་པའི་གྷ་ཌེ་ཡན་གྱི་རྩོམ་སྒྲིག་ལས་ཁུར་བྱས་འདུག །ད་ལྟའི་ཆར་ སི་ར་ཁྱུ་ས་གཙུག་ལག་སློབ་གཉེར་ཁང་ གི་སློབ་དཔོན་ཆེན་པོ་ཡིན། ཁོང་ལ་ཕྱི་ལོ ༡༩༩༦ ནས་ ༢༠༠༤ བར་རྒྱལ་ནང་བརྙན་དེབ་ཀྱི་རྟོག་འཆར་རྩོམ་རིག་བྱ་དགའ་ཐོབ་པ་དང་། དེ་མིན་སྨྱུ་གུ་དང་། འཛམ་གླིང་འཆར་སྣང་རྩོམ་རིག་བྱ་དགའ་སོགས་བྱ་དགའ་མང་པོ་ཐོབ་འདུག། ལོ་རབས་ཀྱི་བརྒྱུད་རིམ་ཁྲོད་དུ། སྲོལ་རྒྱུན་གྱིས་གཏམ་བཤད་འདི་ལྟ་བུར་གོ་རིམ་ངེས་ཅན་ཞིག་བསྐྲུན་ཡོད། དེ་ཡང་མི་ཚེའི་ཁ་ཕྱོགས་ཡོད་ཚད་ནས་ཞེད་སྣང་སྐྱེ་དགོས་པའི་ནོར་འཁྲུལ་མང་པོ་བཟོས་མྱོང་བའི་མི་ངན་རྒས་པོ་འགས། ( འདི་ང་ཡིན་ངེས། ) རང་ཉིད་ཀྱི་ལོ་ཟླ་ལེགས་ཤོས་དེ་དག་རྒྱབ་ཏུ་བསྐྱུར་ཟིན་རྗེས། ད་གཟོད་ནུས་ཤུགས་རྒྱས་བཞིན། རང་རང་གི་མི་ཚ...

རེ་བ་བཟང་ས་ཞིག་གི་སྣེ་མོ་ལ་འཇུས་ཏེ། ལྗིད་ཏིག་གི་ཁུར་པོ་དེ་ལྟར་ཕྲག་ཏུ་བླངས་པའི་ཁྱོད། ཉི ན ་ གྲངས་རེ་རེ་བཞིན་ཐོ་ཡིག་ཏུ་འགོད་ཀྱིན། རྐང་ཐང་མར་མདུན་དུ་སྐྱོད་དུས། དགའ་སྡུག་གི་སེམས་གཏམ་རེ་རེ་བཞིན་དྲ་ངོས་སུ་བཤད་མྱོང་།

སྦྲང་ཆར་ཟམ་ཟིམ་ཙམ་ཞིག་བབས་རྗེས་སུ།། འདབ་གཤོག་ཅན་འགས་གླུ་ཆུང་ལེན་ལ་བྲེལ།། དགོན་པའི་གསེར་གཡབ་འོག་གི་སྐད་སྒམ་དེས།། ལྔ་སྡེའི་ཚོགས་ལ་འབོད་པའི་སྐད་བརྡ་སྙན།།

སྤྱིར་སློབ་གསོ་ཞེས་པ་ནི་མིའི་སེམས་ཁམས་ལ་ཤན་ཤུགས་དང་། མི་བུ་གསོ་སྐྱོང་གི་ནུས་པ་ལྡན་པའི་སྤྱི་ཚོགས་ཀྱི་བྱ་འགུལ་ལམ་ལག་ཆ་གལ་ཆེན་ཞིག་རེད། འགྲོ་བ་མིའི་རིགས་འདི་ཐོག་མར་འཛམ་གླེང་འདིར་བསླེབས་ཉིན་ནས་སློབ་གསོ་ནི་མིའི་སྤྱི་ཚོགས་སུ་བྱུང་མྱོང་ཞིང་། དེ་ནས་ད་ལྟ་ཕྱི་རྩིས་ ༢༠༡༣ བར་སློབ་གསོ་རིག་པས་མིའི་འདུ་སྡོད་བྱ་ཡུལ་མཐའ་དག་ལ་ཞབས་འདེགས་མི་དམན་པ་རེ་ བསྒྲུབས་ ཡོད། འོནཀྱང་སློབ་གསོ་ནི་མིའི་རིགས་འདུ་སྡོད་བྱེད་སའི་སྤྱི་ཚོགས ་ རེ་རེའི་སྣང་བརྙན་གསལ་བྱེད་ལྟ་བུ་ཡིན་པས་དེ་ཐོག་མ་ནས་ད་བར་གཅིག་པ་ཡིན་མི་སྲིད་ཅིང་། འགྲོ་བ་མིའི་སྤྱི་ཚོགས་དག་ལ་འགྱུར་བ་ནམ་བྱུང་གི་མཚམས་ནས་དེ་ལ་ཡང་འགྱུར་བ་རེ་ཕྱིན་ཡོད། དུས་རབས་ཀྱི་ཀྱོག་མཚམས་ལ་ལར་མིའི་རིགས་ཀྱིས་དངོས་ཤུགས་བརྒྱུད་གསུམ་ནས་སློབ་གསོའི་ཁ་ཕྱོགས་དང་། ཉིང་དོན་སོགས་ལ་བཅོས་སྒྱུར་མང་པོ་བྱས་མྱོང་བ་རེད། མིའི་འདུ་སྡོད་བྱ་བའི་སྤྱི་ཚོགས་དང་རྒྱལ་ཁབ་སོགས་མི་འདྲ་བ་མང་དུ་བྱུང་བ་བཞིན་དུ་སློབ་གསོ་ཡང་གནའ་རབས་ནས་ད་བར་མིའི་སྤྱི་ཚོགས་སོ་སོར་མི་འདྲ་བ་ཡིན།

རྩོམ་པ་པོ་མི་གསལ། རིགས་གྲོལ་གྱིས་བསྒྱུར། བྱམས་ལྡན་གྱི་མ་ལགས། ང་རང་ཆུང་དུས་ནས། ཆེས་སྤྱིར་བཏང་གི་བུ་མོ་ཞིག་ལྟར་གཉེན་སྒྲིག་རྒྱུར་རྔམ་ཡོད་ཅིང་། (སྐབས་དེ་དག་ལ་)མཛེས་སྡུག་ལྡན་པའི་སྲས་ཞིག་དང་ལྷན་དུ་འཚོ་བའི་དུས་ཚོད་འདིའི་རྒྱབ་ལྗོངས་ལ་བསམ་བློ་ཞིག་བཏང་མྱོང་མེད། འོན་ཀྱང་། ད་ཆ་གཉེན་བསྒྲིགས་རྗེས། གཉེན་སྒྲིག་ནི་རྒྱ་སེ་མེ་ཏོག་འདྲ་བའི་མཛེས་སྡུག་ལྡན་པ་ཞིག་མིན་པ་ཤེས་སོང། འདི་ནི་བྱམས་ཀྱིས་བསྐྱངས་བའི་མ་ཁྱེད་དང་ལྷན་དུས་སྟོན་ལ་རོལ་བ་ལྟ་བུ་ཞིག་མིན་པར། འདི་ན་མང་པོ་མང་པོ་ཞིག་བྱ་དགོས། འདི་ན་ཡང་ཐོབ་སྐལ་ལྟ་བུའི་འགན་འཁུར་དང་། འོས་འགན། བློས་གཏོང་། བསམ་ཤེས་དགོས་པ་སོགས་མང་པོ་ཞིག་མཆིས།

ཡུ་ཧི་ཇི་ཊ་བ་ཊ་ཅར་ཇི ། རིགས་གྲོལ་གྱིས་བསྒྱུར། སྐད་ཡིག་གཅིག་ཁོ་ན་སྨྲ་མཁན་ལས་སྐད་ཡིག་གཉིས་སྨྲ་མཁན་ཚོ་གོ་ལ་ཡོངས་གཅིག་ཏུ་འགྱུར་བཞིན་པའི་དུས་ཚོད་འདིར་ལག་ལེན་དངོས་ཀྱི་ཐོག་ནས་ཁེ་ཕན་ཆེ་བ་ཡོད་པ་མངོན་གསལ་རེད། འོན་ཀྱང་། ལོ་ཤས་ནང་ཚན་རིག་པ་ཚོས་སྐད་གཉིས་རིང་ལུགས་པ་ཚོའི་ཁེ་ཕན་ནི་རྒྱ་ཆེའི་མི་རིགས་ལྷན་གཏམ་གླེང་ཐུབ་རྒྱུ་ཙམ་ལས་གཞི་རྒྱ་ཆེ་བ་ཡོད་ཚུལ་སྟོན་འགོ་བཙུགས་ཡོད། སྐད་གཉིས་སྨྲ་བ་ཞིག་ཡིན་པའི་ཆ་ནས། ཁྱེད་རང་སྤྱང་གྲུང་འཛོམས་དུ་འགྲོ་གི་ཡོད། དེ་ཡང་ཁྱེད་རང་གི་ཀླད་པའི་ནང་སྐད་ཡིག་དང་འབྲེལ་བ་མེད་པའི་འཆར་ཡན་གྱི་སྒྱུ་རྩལ་དག་ཡར་རྒྱས་འགྲོ་བ་དང་། ལོ་ན་རྒས་རྗེས་སེམས་ཁམས་མི་བདེ་བ་སོགས་ཀྱི་དཀའ་ངལ་ལས་གཡོལ་ཐབས་ཀྱི་ནུས་པ་གཏིང་ཚུགས་པ་ཞིག་ཐོན་གྱི་ཡོད།

སྤྱིར་མཁྲིས་རྡོའི་དཀའ་ངལ་དེ་མི་ཁ་ཤས་ལ་མ་གཏོགས་མེད་པ་ལྟ་བུར་སྣང་ཡང་། དོན་དངོས་སུ་ང་ཚོ་ཚང་མར་ཆེ་ཆུང་དང་། མང་ཉུང་ལ་མ་ལྟོས་པའི་མཁྲིས་རྡོ་ཡོད། མཁྲིས་རྡོས་ཀྱང་སྐྲན་ནད་འཁྲིད་ཡོང་གི་ཡོད། མཁྲིས་རྡོའི་ནད་རྟགས་ལ་ལྟོ་ཆས་མང་པོ་ཟོས་རྗེས་ཁོག་པ་སྦོས་ཡོང་བ་དང་། ཟས་འཇུ་མི་ཐུབ་པ་ལྟ་བུའི་ཚོར་སྣང་ཡོང་གི་ཡོད། དེ་ཚབས་ཆེ་རུ་ཕྱིན་ན་མཆིན་པའི་གཡས་གཡོན་དུ་ཟུག་གཟེར་ཡང་ལང་གི་ཡོད།

                           པར་སི་བྷའི་ཤ་ཤེ་ལེ་ཡིས་བརྩམས།                                                      རིགས་གྲོལ་གྱིས་བསྒྱུར། ཆུ་མིག་དེ་དག་གཙང་ཅུ་དང་འདྲེས་ཤིང་ གཙང་ཆུ་དེ་དག་རྒྱ་མཚོ་དང་འདྲེས་ དག་ཞིང་གི་ བསེར་ རླུང་དེ་དག་ གིས་ཀྱང གཏན་དུ་འདུ་ཤེས་མཚར་པོ་ཞིག་ དང ་ འབྱར་འདུག དངོས་པོ་མཐའ་དག་ གནམ་བསྐོས་ཁྲིམས་ལུགས་དེས བླ་སྲོག་གཅིག་ཏུ་ འཕྲད་བཅུག་པ་ལྟར་འདྲེས་ཡོད་པས འཇིག་རྟེན་འདི་ ན་གང་ ཡང་ཁེར་རྐྱང་དུ་ལུས་མེད འོན་ཀྱང་། ཅི་ཕྱིར་ང་རང་ཁྱོད་དང་དེ་ལྟར་མ་ཐུབ

ཁ་བའི་འདབ་མ་ལྷབ་ལྷུབ་བབས་རྗེས་སུ།། ཅེ་སྤྱང་སྨུག་པོས་ཁྲག་གིས་རྗེས་ཤུལ་བཀོད།། རྐང་ཐང་འགྲིམ་པའི་ཉམ་ཆུང་གཡག་རྫི་ཞིག། གྲང་དང་འཇིགས་པས་བཟུང་ནས་དྲན་མེད་རྒྱལ།།

སྤྱིར་དགོན་པ་ཞིག་གི་ལས་བྱེད་པ་ཡིན་ན་རྒྱུན་དུ་དགོན་པའི་ཉིན་རེའི་བྱེད་སྒོ་སྟེ། ཆོས་ཕྱོགས་ཀྱི་བྱ་བ་དག་དང་འབྲེལ་བས། རྒྱུན་དུ་མཐོང་ཐོས་སུ་ཡོད་པ་ནི་ཞབས་བརྟན་དང་། ཁ་འདོན། འཕྲིན་བཅོལ། རྐང་གསོལ། མཆོད་མེ། ད་དུང་ཡང་སྟོངས་ཚོགས་དང་། འབུམ་ཚོགས་སོགས་རེད། ང་རང་ཡང་དགོན་པ་ཞིག་ལ་ལས་ཀ་ལས་བཞིན་ཡོད། དེར་བརྟེན་རྒྱུན་དུ་དེ་དག་དང་དེ་དག་ལ་འདྲིས་ནས་བསྡད་ཡོད། (བདག་ཡོད་སའི་དགོན་པར་བཤད་གྲྭ་མེད་པས་བཤད་གྲྭའི་སྐོར་མི་བཤད།) བདག་གི་ལས་བྱ་གཙོ་བོ་དགོན་པ་དེའི་ཡིག་འབྲིའི་རིགས་སྤྱི་དང་། ད་དུང་རྒྱ་གར་བ་དང་། ཕྱི་རྒྱལ་བ་དགོན་མཇལ་ཡོང་མཁན་ཁག་ལ་འབྲེལ་འདྲིས་བྱ་རྒྱུ་དང་། དེ་མིན་དགོན་པའི་ལས་དོན་གཞན་ཁག་ཅིག་རྒྱུན་སྐྱོང་བྱ་དགོས།  དགོན་མཇལ་བ་ཚོར་རྒྱུན་དུ་དྲི་རྒྱུ་ཁ་ཤས་ཡོད་པ་ནི་སྐྱེ་བ་སྔ་ཕྱིའི་སྐོར་དང་། ལས་རྒྱུ་འབྲས། ཞབས་བརྟན་ཁག་གི་ཕན་ཡོན། མཆོད་མེ་ཕུལ་བའི་དགེ་མཚན། ད་དུང་སྐུ་འདྲ་དང་། ལྡེབས་བྲིས་སོགས་ཀྱི་སྐོར་རེད། དེ་དག་གི་འབྲེལ་བཤད་ཐུང་ངུ་རེ་ལ་ང་རང་བྱང་ནས་ཡོད་པས་རྒྱུན་དུ་དཀའ་ངལ་ཞིག་ཕྲད་མྱོང་མེད། སྐབས་འདིའི་གཟའ་ཉི་མའི་ཉིན་ (འདིར་དགོན་པའི་ལས་བྱེད་པར་གཟའ་ཉི་མ་གུང་སེང་མེད་པ་རེད།) ང་རང་རྒྱུན་ལྡན་བཞིན་ལས་ཁུངས་ན་ཡིག་འབྲི་ཞིག་ལ་བྲེལ་ནས་ཡ...

ས་གཞི་མཐའ་དག་འཁྱག་གིས་བསྡམས་དུས ཁྱོད་ཀྱི་བྱམས་བརྩེ་ཡིས་དྲོད་འཁོལ་སྦྱིན འཇིག་རྟེན་གོར་མོ་སྨག་གིས་བཀླུབས་དུས ཁྱོད་ཀྱི་ཟེར་འོད་ཀྱིས་མུན་པ་སེལ ཉི་མ་ལགས   ཁྱོད་བདེ་བར་སྨོན

རྒྱལ་སྤྱའི་ཚོང་ལས་དུས་བབ་ཟེར་བའི་ཐོག་གནས་ཚུལ་སྤེལ་གསལ་ལྟར་ན། ཨ་རིའི་རྒྱལ་ཡོངས་མཁའ་སྐྱོད་བཟོ་སྐྲུན་རིག་རྩལ་དང་བར་སྣང་ཁམས་ཀྱི་འཛིན་སྐྱོང་བསྟི་གནས་ཁང་ NASA ཟེར་བའི་བར་སྣང་རྒྱང་ཤེལ་གྱིས་རྒྱུ་སྐར་ཞིག་གསར་བརྙེས་བྱུང་ཡོད་འདུག དེ་ཡང་ NASA ཡིས་ རེས་གཟའ་ཕུར་བུའི་ཉིན་ གསལ་བསྒྲགས་ སྤེལ་བའི་ནང་། རྒྱུ་སྐར་དེ་སྐར་མ་ནས་བར་ཐག་ལོ་ངོ་དུང་ཕྱུར་ ༧་༥ ས་ནས་འགྲུབ་བཞིན་ཡོད་པ་དང་། ང་ཚོའི་འཛམ་གླིང་ནས་བར་ཐག་འོད་ལོ་ light-year ༡༧༦ ས་ན་ཆགས་ཤིང་། འཛམ་གླིང་ལས་བོང་ཚོད་ལྡབ ་ ༢༨ ཀྱིས་ཆེ་བ་ཡོད་ཚུལ་དང་། རྒྱུ་སྐར་དེའི་རྒྱ་ཁྱོན་ལ་ཕལ་ཆེར་ལེ་བར་ཁྲག་ཁྲིག་ billion ༤༨ ཡོད་པ་དང་། ཉི་མ་ནས་བར་ཐག་རིང་ཤོས་ཀྱི་རྒྱུ་སྐར་གསར་པ་ཞིག་ཆགས་ཀྱི་ཡོད་ཅེས་བཀོད་འདུག།

གཞི་རིམ་ དང་འབྲིང་རིམ་ སློབ་གྲྭ་ཁག་ཏུ་གནའ་དེང་ཟུང་འབྲེལ་གྱི་སློབ་སྦྱོང་སྤྲོད་ལེན་ཐུབ་རྒྱུ་གལ་ཆེའི་རང་བཞིན་ཡིན། __________ཁ་བྱང་གི་འགྲེལ་བཤད། སྔོན་གླེང་། སྤྱིར་ཤེས་ཡོན་གྱི་དོན་ལ་སྔོན་དང་ད་ལྟའི་དུས་ཀྱི་མཁས་པ་སོ་སོས་རང་རང་གི་ཁོར་ཡུག་དང་ཤེས་ཡོན་གནས་བབས་ལ་ལྟོས་ནས་འགྲེལ་བཤད་མང་པོ་ཞིག་མཛད་ཡོད་ཀྱང་། ཤེས་ཡོན་ཞེས་པ་ཕྱིའི་ཡུལ་ལ་གོ་རྒྱ་གཅོད་པ་དང་། ནང་གི་ཤེས་པའི་ནུས་པ་སད་སྨིན་ཪྫོགས་གསུམ་བྱེད་པའི་མིའི་ཤེས་རྒྱུད་ཀྱི་ཡོན་ཏན་ཞིག་ལ་ངོས་འཛིན་བྱ་རྒྱུ། 1 ཞེས་པ་དེ་ཡིན། དེ་ལྟར་ན་ཕྱིའི་དངོས་པོ་ཐ་དག་གི་གནས་ལུགས་ཤེས་རྒྱུ་དང་། ནང་སེམས་ཀྱི་གོ་རྟོགས་ཇི་ཆེ་དང་། བསམ་བློ་གཏོང་བའི་ནུས་པ་ལྡན་པ། བསམ་བློའི་གནས་ཚད་མཐར་ཕྱིན་པ་བཅས་ཤེས་ཡོན་གྱི་དོན་ལ་བཞག་ཡོད། དེ་ནི་གནའ་དེང་ཟུང་འབྲེལ་གྱིས་གྲུབ་པའི་ཤེས་ཡོན་གྱི་དོན་ལ་འཇུག་ཅིང་། བསླབ་བྱ་དང་། སློབ་བྱེད། བསླབ་ཡུལ། ལྷག་པར་དུ་སློབ་ཐབས་གཙོ་བོར་ཟུང་བའི་སྒོ་ནས་འགྱུར་བ་ཆེན་པོ་ཞིག་འགྲོ་བཞིན་ཡོད། འཛམ་གླིང་ནང་སློབ་གྲྭ་བཙུགས་ནས་ཤེས་སྤྲོད་ལེན་བྱེད་ཚུལ་དེ་བཞིན་ཕྱི་ལོའི་སྔོན་གྱི་ལོ་ ༤༠༠༠ ཡས་མས་ནས་རོ་མན་དང་གྷི་རིག་ཁུལ་དུ་ཐོག་མར་དར་བར་གྲགས་ལ། རང་རེ་བོད་ཀྱི་ཡུལ་དུ་བླ་མས་སློབ་མར་སློབ་འ...

                                  ____ རང་ལ་བྲིས་པ། སྙན་ངག་འབྲི་དུས་ལྷ་སྒྲུང་སྙན་མོ་ཅི ་ ཕྱིར་དྲན་གྱིན་ཡོད།། སྙན་ངག་འབྲི་དུས་རྟོགས་བརྗོད་རིང་མོ་ཅི་ཕྱིར་སྐྱོང་གིན་ཡོད།། སྙན་ངག་འབྲི་དུས་དད་པ་དྭངས་མོ་ཅི་ཕྱིར་གླེང་གིན་ཡོད།། སྙན་ངག་འབྲི་དུས་གསང་བ་ཆེན་པོ་ཅི་ཕྱིར་སྦེད་ཀྱིན་ཡོད།། སྙན་ངག་འབྲི་དུས་ཡབ་མེས་བཙན་པོ་ཅི་ཕྱིར་དྲན་གྱིན་ཡོད།། སྙན་ངག་འབྲི་དུས་ལ་རྒྱ་ཅན་དག་ཅི་ཕྱིར་འཚོལ་གྱིན་ཡོད།། སྙན་ངག་འབྲི་དུས་ལོ་རྒྱུས་རིང་མོ་ཅི་ཕྱིར ་ གླེང་གིན་ཡོད།། སྙན་ངག་འབྲི་དུས་ཞེན་ཆགས་དྲགས་པོ་ཅི་ཕྱིར་སྐྱེ་གིན་ཡོད།།