བརྩེ་དུངས་ཀྱི་ལྟ་གྲུབ

པར་སི་བྷའི་ཤ་ཤེ་ལེ་ཡིས་བརྩམས།

རིགས་གྲོལ་གྱིས་བསྒྱུར།

ཆུ་མིག་དེ་དག་གཙང་ཅུ་དང་འདྲེས་ཤིང་

གཙང་ཆུ་དེ་དག་རྒྱ་མཚོ་དང་འདྲེས་

དག་ཞིང་གི་བསེར་རླུང་དེ་དག་གིས་ཀྱང

གཏན་དུ་འདུ་ཤེས་མཚར་པོ་ཞིག་དང་འབྱར་འདུག

དངོས་པོ་མཐའ་དག་གནམ་བསྐོས་ཁྲིམས་ལུགས་དེས

བླ་སྲོག་གཅིག་ཏུ་འཕྲད་བཅུག་པ་ལྟར་འདྲེས་ཡོད་པས

འཇིག་རྟེན་འདི་ན་གང་ཡང་ཁེར་རྐྱང་དུ་ལུས་མེད

འོན་ཀྱང་། ཅི་ཕྱིར་ང་རང་ཁྱོད་དང་དེ་ལྟར་མ་ཐུབ

ལྟོས་དང རི་བོ་དག་གིས་དག་ཞིང་ལ་མཆུ་སྦྱོར་ཞིང

རྦ་རླབས་དག་གིས་ཕན་ཚུན་ལ་འཐམ་འཁྱུད་བྱེད་ཀྱི

གལ་ཏེ མེ་ཏོག་ཞིག་གིས་ནུ་བོར་བརྙས་བཅོས་བྱས་ན

ཆག་ཡང་ཞིག་ཐོབ་རྒྱུ་མ་རེད་ཨང

དེ་བཞིན་ཉི་འོད་ཀྱིས་ས་གཞིར་འཁྱུད་ཅིང་

ཟླ་འོད་ཀྱིས་རྒྱ་མཚོར་ཁ་སྐྱེལ་འདུག

གལ་ཏེ ཁྱོད་ཀྱིས་བདག་ལ་འོ་ཞིག་མི་བྱེད་ན

མཆུ་སྦྱོར་འདི་དག་ལ་རིན་ཐང་ཅི་ཞིག་ཡོད

པར་སི་བྷའི་ཤ་ཤེ་ལེ་ནི་དུས་རབས་བཅུ་དགུ་པའི་ནང་ཨིན་ཡུལ་གྱི་རྟོགས་བརྗོད་སྙན་ངག་པ་གྲགས་ཅན་ཞིག་རེད། གལ་ཏེ་མ་ཡིག་ལ་གཟིགས་ན་གཤམ་གྱི་དྲ་བྱང་ཐོག་སྣུན་རོགས།

༢༠༡༣།༠༧།༡༦ ཉིན།

རིགས་གྲོལ་གྱི་ཟིན་བྲིས།