རིགས་གྲོལ་གྱི་ཟིན་བྲིས།

སྔོན་དུས་རྒྱ་གར་འཕགས་པའི་ཡུལ་དུ་བྱོན་པའི་མཁས་པའི་ཕུད་ལྟ་བུ་དཔལ་ལྡན་འཕགས་པ་ཀླུབ་གྲུབ་ཞབས་ཀྱིས། “ ཐ་སྙད་ལ་ནི་མ་བརྟེན་པར། །དམ་པའི་དོན་ནི་བསྟན་མི་ནུས། །དམ་པའི་དོན་ནི་མ་རྟོགས་པར། །མྱ་ངན་འདས་པ་ཐོབ་མི་འགྱུར།། ” ཞེས་ལེགས་པར་གསུངས་པའི་ཚིག་རྐང་ཐོག་མ་གཉིས་ཀྱིས་བསྟན་པ་བཞིན། འཇིག་རྟེན་འདི་ན་གནས་འདུག་བྱེད་པའི་མི་ཞེས་བྱ་བའི་འགྲོ་བ་དག་གིས་ཕན་ཚུན་འབྲེལ་ལམ་ངག་གམ་སྐད་ཐོག་ནས་བྱ་བའི་འགོ་མོ་ནམ་ཚུགས་པའི་དུས་ཚིགས་དེ་ནས། མི་ཡིས་གྲུབ་པའི་སྤྱི་ཚོགས་ཆེན་པོ་ཞིག་ན་སྐད་བརྡ་དང་། ཐ་སྙད་ནི་ཆེས་མེད་དུ་མི་རུང་བའི་འགྲེལ་ལམ་གྱི་ལྡེ་མིག་ལྟ་བུར་གྱུར། སྐབས་དེ་ནས་མི་ཚོས་གནད་དོན་ཇི་འདྲ་ཞིག་གི་དོན་འགོ་གླེང་ཡང་དེ་ལ་རན་པའི་ཐ་སྙད་དང་མིང་ཚིག་གང་མང་ཞིག་ངང་ངམ་གྱིས་གྲུབ་པའམ། རྩོལ་བས་གསར་བསྐྲུན་བྱེད་དགོས་པ་བྱུང་འདུག །

ཁུ་བྱུག་སྔོན་མོས་ངག་སྙན་སྒྲོག་པ་དང་།། སྲིན་བྱ་འུག་པས་ལྟས་ངན་སྒྲོག་པ་གཉིས།། སེམས་ཀྱི་འགྱུ་བར་ལེགས་ཉེས་ཙམ་ཞིག་ལས།། དོན་དུ་སྐྱབས་སུ་འགྲོ་བའི་རང་བཞིན་གཅིག། གཡག་གིས་ཐལ་མོ་སྦྱར་ནས་མཆོད་པ་དང་།། མ་ཧེ་པུས་མོ་གཙུགས་ནས་མཆོད་པ་གཉིས།། ལུས་དང་སེམས་ཀྱི་ངལ་རྩོལ་ཐ་དད་ལས།། འདི་དང་ཕྱི་མར་རེ་བའི་རང་བཞིན་གཅིག།

The apple doesn’t fall far from the tree. ཀུ་ཤུ་ཤིང་སྡོང་དང་རིང་ས་ནས་ལྷུང་གི་མ་རེད། ཁྱོད་ཀྱིས་ཕྲུ་གུར། བརྙན་འཕྲིན་རྒྱུན་རིང་བལྟ་མི་ཉན། ཕན་ཐོགས་གང་ཡང་མེད་ཁར་མིག་ཟུང་ལ་གནོད་རྒྱུ་རེད་ཟེར་ཡང་། དགོང་མོའི་དུས་ཚོད་དགུ་པར་ཁྱོད་རང་ཉིད་བརྙན་འཕྲིན་ལ་སྦྱར་ནས་རྟ་མཆོག་བརྒྱ་ཡིས་འཐེན་མི་ཐུབ་པ་ལྟ་བུའི་མཚམས་སུ་བསླེབས་ན། ཨ་མ་་་་ ཁྱེད་ཀྱི་སྤྱན་གཉིས་དངོས་པོ་གཞན་ལས་གྲུབ་པ་རེད་དམ། ཞེས་དྲི་ངེས། ཁྱོད་ཀྱིས་ཕྲུ་གུར། རྫུན་མ་ཤོད་ཟེར་ཡང་། ཁ་པར་ཞིག་ཐོན་དུས། ཁྱོད་ཀྱིས་ང་རང་མི་འདུག་ལོབ་ཅེས་བསྐུལ་ན། ཨ་མ་་་་ ལོ་བཅོ་བརྒྱད་ཡོལ་ན་རྫུན་སྨྲ་བའི་གནང་བ་བྱིན་ཡོད་པ་རེད་དམ། ཞེས་དྲི་ངེས། ཁྱོད་ཀྱིས་ཕྲུ་གུར། རྒན་པར་གུས་ཞབས་བྱ་དགོས་ཟེར་ཡང་། ཁྱོད་རང་ཉིད་ཀྱིས་མ་བྱན་ལོ་ན་ལྔ་བཅུ་ཅན་ལ་དབུགས་ཐེངས་ཅིག་གིས་གཤེ་དུས། ཕྲུ་གུ་ཧང་སང་སྟེ་ཁྱོད་ལ་བལྟས་ནས། ཨ་མ་་་་ རྒན་པར་གུས་ཞབས་ཞེས་པ་དབང་ཆ་ཆེ་ཆུང་ལ་གོ་བ་རེད་དམ། ཞེས་དྲི་ངེས།

ངག་རྒྱུན་རྒས་པོའི་སྐད་ཆ་སྙན་མོ་ལ་ཉན་ན།། གཟའ་སྐར་ནང་གི་དྲུག་པ་སྤེན་པ་དང་ཚེས་བཅུ།། མཉམ་དུ་འཕྲད་པའི་དུས་བཟང་འདི་འདྲ་ཞིག་བྱུང་ན།། བྱ་བ་ཐ་དག་ལེགས་ལེགས་ལམ་འགྲོ་ཡིས་གྲུབ་ཟེར།། སྲོལ་རྒྱུན་དེ་ལ་དད་པའི་ཡིད་ཆེས་ཤིག་བཀོད་ནས།། ལྷ་དང་སྲུང་མར་རེ་བའི་སྨོན་ལམ་ཞིག་བཏབ་རྗེས།། འཇིག་རྟེན་མཛེས་མའི་བཞིན་གྱི་སྒེག་ཉམས་དེ་བསམས་ནས།། ཕྱི་ཡུལ་ཕྱོགས་སུ་གོམ་ཁ་དང་པོ་དེ་སྤོས་ཡིན།།

བྱ་ཞིག་བྲག་ཐོག་ཏུ་བབས་ནས་སྐད་ངན་སྒྲོག་གི་ ཁྱི་ཡན་ཞིག་ཀྱང་རྔ་མ་གཡུག་གིན་སྡུག་སྐད་རྒྱག་གི་ མི་བུ་ཐམས་ཅད་བྲེལ་འཚུབ་ཀྱིས་རྒྱུག་གི་ཟེར་ ལོ་རྒྱུས་ཀྱིས་བཏབ་པའི་རྩ་ཐང་དེ་ན་ཅི་ཞིག་བྱུང་བ་ཡིན། སྤྲིན་ནག་དེས་ཟླ་བ་བསྒྲིབས་ནས་ཅི་ཡང་མཐོང་མི་ཐུབ་ཀྱང་ རླུང་བུ་འུར་འུར་དུ་ལྡང་ཐེངས་རེའི་མཚམས་ན་ རྒྱང་རིང་ནས་ངུ་སྒྲ་ཞིག་ལྷང་དུ་གྲག་འོང་ཚུལ་དེས་ དེ་ན་ཡང་རྗེས་པར་དཀའ་བའི་ཇུས་ཉེས་ཤིག་བྱུང་བ་འདྲ། ས་གཞི་རྒས་མོས་ཟུངས་ཁྲག་གིས་ངོ་གདོང་བཀྲུས་ནས་ སུ་ཞིག་ལ་འཁང་ར་བྱེད་པའི་ངང་ཚུལ་སྟོན་གྱིན་ བདག་གི་ལུས་པོ་ཡོངས་རྫོགས་འཐུམ་དགོས་ཟེར་ ས་སྲོད་ཀྱི་རྨི་ལམ་དེས་ཀྱང་བདག་ལ་འཇིགས་སུ་འཇུག་གི། ༢༠༡༣།༠༤།༡༩ ཉིན།

གླེང་སློང་། ༄༅། །དེ་ཡང་སྤྱིར་བསྟན་བཅོས་ཆུང་ངུ་ཞིག་བྱེད་པར་ཡང་དམའ་མཐར་རིག་པའི་གནས་ཆུང་བ་ལྔར་བྱང་ཆུབ་པ་ཞིག་དགོས། གལ་ཏེ་དེ་ལྟར་མ་བྱུང་ན་ཡང་བླ་མ་དང་སློབ་དཔོན་སོགས་ཐོས་བསམ་གྱིས་ཕྱུག་པ་ཞིག་གི་ཞབས་ལ་བཏུག་ནས་རང་ཉིད་ཐོས་པ་རྒྱས་པ་ཞིག་དགོས་ཀྱང་། ལྷ་ཆོས་ལ་ཁྲེལ་ཞིང་མི་ཆོས་ལ་དུངས་པའི་མི་ངན་བདག་འདྲ་བས་དེ་འདྲ་ཞིག་ཐུབ་རྒྱུ་ནི།   མོ་གཤམ་ལ་སྐྱེ་རྒྱུའི་བུ་དེའི་མདུན་མར་འགྱུར་བར་ངེས་པ་རེད། འོན་ཀྱང་བགྲང་བྱ་མང་པོ་ཞིག་དེབ་ཐེར་མང་པོ་ཞིག་དང་འདྲིས་ཤིང་། སྤྱིར་རང་ཉིད་དེ་དག་ལ་སྤྲོ་བ་ཆེ་བའི་རྒྱུ་མཚན་དང་། རྒྱལ་ཁམས་རིག་པས་བསྐོར་བའི་མཁས་པ་ཆེན་པོ་དགེ་འདུན་ཆོས་འཕེལ་ལགས་ཀྱིས་སྐྱེ་བོ་རང་འགའ་བ་རེ་རེའི་ཁོང་ན་མི་མཐུན་པའི་ཚད་གྲུབ་རེ་ཡོད་ཅིང་། ཚད་གྲུབ་རེ་རེ་ལ་རྒྱབ་རྟེན་ལྟ་བུ་རྡོ་རྗེ་བཀའ་ལུང་ཡོད་ཚུལ་གསུངས་པ་ལྟར། བདག་གིས་ཀྱང་བརྟག་དཔྱད་མེད་པའི་ཐག་གཅོད་ནི་ཟན་ཁུག་འོག་ནས་ལངས་རྒྱུ་མ་བྱུང་བའི་བླ་རྒན་ཞིག་གིས་བུད་མེད་ཀྱི་བྷ་གར་རེག་པའི་ཡོན་ཏན་དག་འབྲེལ་བརྗོད་བྱེད་པའི་དཔེ་རུ་འགྲོ་ རྒྱུ ་རེད་སྙམ་ཡོད། དེར་རྟེན་རྒྱན་གྱི་བསྟན་བཅོས་ལས་དཔེ་རྒྱན་ཁག་ཅིག་ལ་དཔྱད་བསྡུར་ཅུང་ཙམ་རེ་བྱ་བ་ འདོད །       ...

གདོད་ནས་སྲིད་ཞིའི་ཕ་མཐར་གཤེགས་ཀྱང་སྙིགས་དུས་བསྟན་པའི་སྲོག་ཤིང་ཆེད།། ལྷ་འཕོས་མི་ཡི་ངང་ཚུལ་འཛིན་པའི་རྒྱལ་མཆོག་བདུད་རྩིའི་ཆུ་རྒྱུན་ཆེའི།། མཛད་རྣམ་རྒྱ་མཚོའི་ཆ་རིས་ཙམ་ཡང་སྨྱུ་གུའི་གྲུ་ཡིས་འཇལ་བ་ལ།། མཚོ་བྱུང་སྒེག་མའི་མཉན་གྲོགས་མེད་ན་བློ་དམན་བདག་འདྲས་ནུས་མ་ཡིན།། ‘ ངོ་མཚར་མི་ཡི་དགའ་ཚལ་འདི་ན་ལུགས་གཉིས་ཆོས་ཀྱི་ས་བོན་བཏབ།། ངོ་མཚར་ཛམྦུའི་ལྟོ་བ་འདི་ནས་མདོ་སྔགས་ཅན་དན་དྲི་བསུང་འཐུལ།། ངོ་མཚར་ཆོས་ཀྱི་ཚོགས་སྡེ་ཆེན་པོ་ས་ཁར་སྣ་ཚོགས་མེ་ཏོག་བཞད།། ངོ་མཚར་ ’ འཕྲུལ་གྱི་ཞིང་ས་ཆེ་འདིར་བདེན་པའི་བ་བདེན་ཕྱོགས་བཅུར་རྒྱས།། ཀ་ཤི་དགེ་ལེགས་འདབ་སྟོང་རྒྱས་པའི་སར།། ཁ་བའི་ལྗོངས་ཀྱི་མཆོག་གི་སྤྲུལ་སྐུ་ཆེ།། ག་དུས་ཞབས་ཀྱི་པདྨོ་འཁྲུངས་ན་ཡང་།། ང་ཅག་བུང་བའི་ཚོགས་ཀྱིས་ཅིས་མི་བསུ།།

ཁ་བ་་་་་ ངའི་སེམས་ཁོངས་སུ་བཞུར་བའི་ལྷ་ཆབ་དཀར་མོ། ཁ་བ་་་་་ ངའི་སྙིང་ཁམས་ན་བཞད་པའི་མེ་ཏོག་དཀར་མོ། ཁ་བ་་་་་ ངའི་ལུས་ཐོག་ན་གྱོན་པའི་ལྭ་བ་དཀར་མོ། ཁ་བ་་་་་ ངའི་ལམ་རྒྱག་ཏུ་སྤྱོད་པའི་ནས་རྩམ་དཀར་མོ། ཁ་བ་་་་་ ངའི་གནས་ཚང་གི་བྱིན་པའི་རུམ་གདན་དཀར་མོ། ཁ་བ་་་་་ ངའི་རྒྱང་རིང་དུ་འགྲོད་པའི་ཆོས་གྲོགས་དཀར་མོ།

ཞི་བདེ་དང་ རང་དབང་ དྲང་བདེན་ ཇི་འདྲའི་བབས་ཆགས་ཤིང་ གསོན་ཉམས་ཀྱིས་ཕྱུག་པའི་བཀོད་པ་ཨང་། ཆེས་གདོད་མའི་ནགས་གསེབ་ནས་འཚོ་མྱོང་བའི་སྤྲ་རྒན་ཚོས། ཤ་ཁྲག་རུས་བཅས་ཀྱིས་གྲུབ་པའི་ཕུང་པོ་རེ་རེར་ རང་བཞིན་གྱིས་བཙད་པའི་གོ་ས་བྱིན་པའི་ལྟེས་དབང་ལས། རང་རེ་སྟེ། སྨྲ་ཤེས་དོན་གོ་བའི་མི་བུ་དག་བྱུང་ཡོད་ཚོད། འོན་ཀྱང་་་་་་་ ལོ་ནག་འདི་དག་གི་རིང་ གངས་རི་འདིའི་ཕར་རྒྱབ་ནས་འཚོ་བའི་ངའི་སྤུན་ཟླ་ཚོ། ལྕགས་ནགས་ཀྱིས་བཏབ་པའི་སྦུ་གུའི་ནང་ན་ དངངས་སྐྲག་གི་མཆི་མ་བཞུར་ཞིང་ ན་ཟུག་གིས་སྨྲེ་སྔགས་འཆོར་གྱིན་པའི་ངོ་གདོང་རེ་རེ་ ཁྱོད་ཀྱིས་མཐོང་ཨེ་བྱུང་།