ཁ་བའི་བུ་མོ།

ཚ་ཟེར་ཆེན་པོས་ལུས་ཟུངས་ལ་བདམས་རྐྱེན་

མགོ་ནས་སྨད་བར་རྔུལ་ཆུ་ཡིས་འཛིར་

ངོ་གདོང་གྱི་སྐྱི་ལྤགས་དག་ངར་གྱིས་འབུར་ཡོང་དུས་

བྱང་ཁོག་ན་འཁྱགས་ཆུས་བླུགས་པའི་ཁྱོད་རང་

བདག་གི་མག་མོག་གི་འཇིག་རྟེན་ན་སླར་ལོག་ཅིང་

བདག་གི་ཡན་ལག་ཡོད་ཚད་ལ་བདེ་བ་ཞིག་བྱིན་ན་འདོད།

ཤ་ཡི་ཁུང་བུར་ཞེན་པ་ཆུང་བས་

འཇམ་བསྟན་གྱི་མལ་བར་དེ་ནས་བུད་ཟིན་དུས་

གྲང་ངར་ཞིག་ལ་སྙེགས་པའི་དུངས་བ་ཟབ་མོ་དེས་

བདག་གི་རྣམ་ཤེས་ལ་སྐུལ་མ་བཏབ་རྐྱེན་

མཉེན་ལྕུགས་ཀྱི་འདབ་མ་དེ་དག་

སླར་ཡང་སྔོན་མའི་མལ་བར་དེ་ནས་རུམ་བྱུང་།

ཚོར་བ་རྐྱེན་པོར་ཕྱི་བལྟས་ཞིག་བྱས་རྗེས་

ཆགས་ཞེན་གྱི་སྙིང་རྩར་འདར་ཞིག་ལངས་

གསང་བ་ཆེན་པོ་ཞིག་ཁོག་ལ་ཉར་ནས་

འཛུམ་དམུལ་ངང་ཁྱོད་ལ་ངོ་བསྟོད་འགའ་བྱས་

རིན་ཐང་ཅི་ཡང་མེད་པའི་བྱུང་བ་དེ་དག

བདག་གི་འདི་ལྟར་སྙན་ངག་གི་རི་མོར་བཀོད།།

   

༢༠༡༢།༠༨།༢༣ ཉིན།