སྙན་ངག་པ། ང་རང་ཁྱོད་ཀྱི་པང་དུ་ལོག་ན་འདོད།

ལས་དབང་དང་བརྙས་བཅོས་ཅི་ཡིན་མི་ཤེས་ཀྱང་།

འཇིག་རྟེན་འདིའི་སེང་རས་ཡོད་ཚད་ནས་

འགུལ་མི་ཐུབ་པའི་ཁུར་པོ་ཞིག་བྱིན་རྐྱེན་

ང་རང་ ཁྱོད་ཀྱིས་བསྟན་པའི་ལམ་བུ་ནས་དེ་ལྟར་གྱེས་དགོས་བྱུང་།

བགྲང་བྱ་དེ་དག་གི་དུར་རླུང་དབུས་ནས་

ངས་ཁྱོད་ཀྱི་སྟངས་སྟབས་རེ་རེ་མཛེས་སྡུག་དུ་བསམ་སྟེ་

དྲན་འཆར་རེ་རེ་སེམས་ཁོང་དུ་རུམ་རྐྱེན་

ཁོག་ན་བཤད་མི་ཤེས་པའི་ན་ཟུག་ལྕི་མོ་ཞིག་གིས་མནར་ཞིང་

བྱ་བ་ཐ་དག་ལ་ཞེན་ཁ་ཡལ་བའི་འདུ་སློང་དེ་དག་

ཁྱོད་ཀྱིས་ང་ལ་བྱིན་པའི་རིན་ཐང་ཞིག་ཡིན་ན་འདོད་

སེམས་འགྱུ་ངར་མ་འདིས་

ང་རང་སླར་ཡང་ཁྱོད་ཀྱི་པང་དུ་ལོག་ན་འདོད་

སེམས་ཁམས་ཀྱི་གཡོ་བ་རེ་རེ་དང་

གོམ་སྟབས་ཀྱི་འགུལ་མོ་རེ་རེས་

ཁྱོད་ཀྱི་པང་དུ་ལོག་ན་འདོད།

                                                                        ༢༠༡༡།༠༩།༢༥ ཉིན་བྲིས།