རིགས་གྲོལ་གྱི་ཟིན་བྲིས།

སྔོ་ལྗང་གང་གཱའི་མཐའ་ལ།། སྣ་ཚོགས་མེ་ཏོག་བཞད་ཀྱང་།། བུ་ཆུང་ང་ཡི་སེམས་པ།། གངས་རིའི་ཕྱོགས་སུ་ཤོར་སོང་། མཛེས་སྡུག་ཨུཏ་པལ་སྔོན་པོ།། ལུས་ཀྱི་སྨན་མཆོག་ཡིན་ཡང་།། སེམས་ཀྱི་ན་ཚ་གསོ་མཁན།། གངས་ལྷ་མེ་ཏོག་ཁྱེད་ཡིན།།

ད་ལྟའི ་དུས་སུ་ རང་རེའི་སྤྱི་ཚོགས་ཁྲོད་ན་མཁས་པ་ལས་རྩོམ་པ་པོ་མང་ཞིང་། རྩོམ་པ་པོ་ལས་སྒྱུར་པ་པོ་མང་། ཕལ་ཆེར་ལག་ཡོད་ཚད་རྩོམ་པ་པོ་དང་། ཁ་ཡོད་ཚད་སྒྱུར་པ་པོའི་ཚོད་དུ་བསླེབས་སོང་། དེ་ལ་བསམས་ན་བོད་ཡིག་བཀོལ་པོ་མང་བས་བོད་སྐད་བོད་ཡིག་འདི་འཇིག་རྟེན་འདི་བཞག་ནས་ད་ལྟ་རང་འགྲོ་དགོས་རྒྱུ་མ་རེད་ཨང་སྙམ་ནས་དགའ་འོས་པ་ཞིག་ཏུ་གྱུར་སོང་ཡང་། དུས་རྒྱུན་དུ་དངངས་སྐྲག་དང་བཀའ་མོལ་མང་ཤོས་ཡོང་ས་དེ་ཡང་བོད་ཡིག་བོད་སྐད་རང་སྲུང་དགོས་པ་དེ་རེད་སོང་།། དེ་ལ་སེམས་ཁྲལ་ཆེ་ཤོས་བྱེད་པོ་ནི་ཤེས་ཡོན་པའི་སྡེ་ཡིན་ཅིང་།  ཁོ་ཚོས་རྒྱུན་དུ་ནས་བོད་ཡིག་བཀོལ་སྤྱོད་དགོས་པ་དང་བོད་ཡིག་སྲུང་སྐྱོབ་དགོས་པའི་སྐོར་གཏམ་བཤད་དང་། རྩོམ་ཡིག་སྤེལ་བ། ཚོགས་འདུ་སྐོང་བ་སོགས་ལས་འགུལ་མང་པོ་བྱས་སོང་། བདག་གིས་བསམས་ན་བོད་སྐད་བོད་ཡིག་ཉམས་ཆག་གཏོང་མཁན་གཙོ་བོ་དེ་ཡང་ད་ལྟའི་ཆར་ཤེས་ཡོན་པའི་སྐོར་རེད་འདོད། གང་ཡིན་ཞེ་ན་ད་ལྟ་གོ་ལ་འདིའི་ཐོག་ན་ཚན་རྩལ་གྱི་གྲུབ་རྟགས་ལས་ཆོས་དངོས་གསར་པ་མང་པོ་ཞིག་ཐོན་འོང་ཞིང་། དེ་དག་ལ་མིང་བརྡ་དང་ཐ་སྙད་གསར་པ་མང་པོ་ཞིག་རྒྱལ་ཁབ་དང་ཡུལ་ལུང་གཞན་གྱི་སྐད་ཐོག་ནས་ཡོང་བཞིན་པ་ལྟར། རང་རེའི་ཤེས་ཡོན་པའི་སྐོར་གྱིས་ཤེས་ཤེས་དང་འཇོན་འཇོན་གྱི་འོག་ནས་རང་རང་གི་ས...

དཀར་དམར་ལྷུ་མཚམས་བསྒྲིགས་པའི་ཞལ་གྱི་དབུས་།། དཀྱུས་རིང་མིག་ཟུང་ཡང་ཡང་རྩེན་འདིའི་དཔལ།། མེ་ཏོག་ཕྲེང་མཛེས་རབ་འབར་སྐྱེད་ཚལ་ན།། ར་ཡིག་གཉིས་པ་མྱོས་པའི་གར་བཞིན་མཚར།། ཞལ་དེའི་མཐའ་ནས་རབ་འགྱིང་སྒྲ་འཛིན་ཟུང་།། རིན་ཆེན་ནོར་བུའི་རྒྱན་གྱིས་ལེགས་སྤུད་པ།། འབྲས་ལྡན་འཁྲི་ཤིང་ལོ་མའི་རྩེ་མོ་ནས།། ཆུ་ཡི་ཞེའུ་འབྲུ་གསར་པ་འཁྲུངས་པ་བཞིན།། སོས་ཀའི་མཁའ་ལམ་རླུང་བུས་རབ་གཡོ་བའི།། ཆུ་འཛིན་གསར་པ་ལང་ལོང་རྒྱུ་བ་ནི།། བརྒྱད་གཉིས་བགྲང་བྱ་མྱོང་བའི་བྲང་གི་ངོགས།། ལང་ལིང་གཡོ་བའི་ལང་ཚོའི་མཚན་མར་འཁུ།། དེ་ཡི་སྟེང་ན་ཕྱེད་གཡོགས་སྐྲ་ལོ་ཡིས།། ཁྱུ་མཆོག་རྒྱལ་མཚན་རལ་པའི་དཔལ་འཕྲོག་ཅིང་།། སྣུམ་ཞིང་དམར་བའི་མགྲིན་སྔོན་རལ་པ་ཡིས།། སྨིན་ལེགས་ཁྱོད་ཀྱི་མགོ་སྐྱེས་གྲོགས་སུ་འགུག།

ཁྱོད་བཞུགས་པའི་ལོ་ཟླ་ན། གནས་འདི་ནི། ཇི་འདྲའི་མཚར་ཞིང་ཇི་འདྲའི་མཛེས། ཇི་འདྲའི་འཆོར་ཞིང་ཇི་འདྲའི་རྒྱས། དེ་འདྲའི་བཙན་ཞིང་དེ་འདྲའི་འཕྱོ། དེ་འདྲའི་མཐོ་ཞིང་དེ་འདྲའི་གཟར། ཡིན་ན་ཡང་་་ སྐབས་དེ་ནས་ཁྱོད་དེ་ལྟར་བཞུད་པས། འདི་ན་སྨག་རུམ་གྱིས་བཀླུབས་ཤིང་མུན་ནག་གིས་ཁྱབ། དངངས་སྐྲག་གིས་རྒྱན་ཞིང་། ངུ་ངག་གིས་གྱེར། ད་དུང་ཡང་་་ འཇིག་སྐུལ་དང་བཙན་གནོན། དབང་ཤུགས་དང་དམའ་འབེབས།

ཚ་ཟེར་ཆེན་པོས་ལུས་ཟུངས་ལ་བདམས་རྐྱེན་ མགོ་ནས་སྨད་བར་རྔུལ་ཆུ་ཡིས་འཛིར་ ངོ་གདོང་གྱི་སྐྱི་ལྤགས་དག་ངར་གྱིས་འབུར་ཡོང་དུས་ བྱང་ཁོག་ན་འཁྱགས་ཆུས་བླུགས་པའི་ཁྱོད་རང་ བདག་གི་མག་མོག་གི་འཇིག་རྟེན་ན་སླར་ལོག་ཅིང་ བདག་གི་ཡན་ལག་ཡོད་ཚད་ལ་བདེ་བ་ཞིག་བྱིན་ན་འདོད།

དཔྱིད་ཟླ་ འདི་ ཤར་རྗེས་་་   བསིལ་རླུང་དངས་མོ་ཞིག་ལྡང་རྒྱུ་ན་ ལྗོན་ཤིང་དག་གི ས་བྲོ་གར་ལ་རྩེན་ངེས་ལ་ ཁུ་བྱུག་གཞོན་ནུས་ གླུ་དབྱངས་ ལེན་ངེས་ འོན་ཀྱང་་་་་ འདི་ན་འདི་ལོར་ཡང་ཚ་བ་སླེབ་ཀྱི། མཚམས་མཚམས་སུ་ སྐར་ཚོམ་སྤངས་ལ་བཞད་འདྲའི་ནོར་ལུག་ཁྲོད་ཀྱི་ ཟླ་གཞོན་ཐང་ལ་བབས་འདྲའི་ལུག་རྫི་བུ་མོའི་ངག་གླུ་སྙན་མོ་ བདག་གི་རྣ་བའི་བུ་ཁར་ཡང་ཡང་འཆར་ཞིང་ བྱིས་དུས་ཀྱི་འཚོ་བ་སྐྱིད་མོར་དྲན་གསོ་རེ་སྟེར་དུས་ སེམས་ཆུང་ན་མེ་ལྕེ་ཇེ་འབར་ལས་ཞི་མི་ཐུབ་