དེ་རིང་གི་ང་རང་།

ཤ་ཁྱི་སྒོ་ཁར་བཏགས་ན་སྟག་མཆོང་མཆོང་།།

ལ་ཁར་རྔོན་ལ་བཏང་ན་ཝ་ངུ་ངུ་།།

མི་བུ་ཁྱིམ་དུ་བསྐྱངས་ན་དཔའ་ངོམ་ངོམ།།

སྒོ་ཕྱིར་ལས་ལ་བསྐུལ་ན་ངུ་ཤོར་ཤོར།།

སྤྲ་རྒན་རིགས་དང་ཕྲད་ན་གཟིག་ངར་ངར།།

གཅན་གཟན་གུང་དང་ཐུག་ན་ཡོས་བྲོས་བྲོས།།

མི་རྒན་ནང་མོལ་བྱེད་སར་སྤུ་ལོང་ལོང་།།

གཡུལ་སར་དམག་གྲལ་སྒྲིག་དུས་འདར་སིག་སིག།

གཡག་ངན་སྤང་ལ་བཞག་ན་འབྲོང་ཤོར་ཤོར།།

ཞིང་ལ་རྨོ་དོ་སྒྲིག་དུས་བ་ཆད་ཆད།།

མི་ངན་དལ་གྱིས་བཞག་ན་སྟོབས་ཆེ་ཆེ།།

ཁྱིམ་གྱི་བྱ་བ་བཀལ་ན་ཉམ་ཆུང་ཆུང་།།

                                                ༢༠༡༣།༠༢།༢༡ ཉིན།