རིགས་གྲོལ་གྱི་ཟིན་བྲིས།

ང་རང་་་་་་་་བོད་མི་ས་ཡ་དྲུག ཁ་རྩང་གི་ཉི་མ་ཁྱོད་ཀྱི་ལག་ན་ཡོད་ཀྱང་ དེ་རིང་གི་ཉི་མ་ང་རང་གི་རེད། ངའི་རྐང་ལག་གཉིས་ལྕགས་སྒྲོག་གིས་བཅིངས་ཤིང་ མགོ་བོ་ས་ཁ་རུ་གཡུགས་ཏེ་ མི་རབས་ནས་མི་རབས་བར་གདུག་རྩུབ་ཀྱིས་མནར་ཡང་ ང་རང་སྟེ་་་་་་ བོད་མི་ཚོའི་རྣམ་ཤེས་འཆི་མེད་ཁར་ བློ་སྟོབས་དང་དཔའ་ངར་ད་དུང་ཡང་འབར་གྱིན་ཡོད། ང་རང་སྟེ་་་་་་ བོད་མི་ས་ཡ་དྲུག ཁ་རྩང་གི་ཉི་མ་ཁྱོད་ཀྱི་ལག་ན་ཡོད་ཀྱང་ དེ་རིང་དང་་་་་་ སང་ཉིན་གྱི་ཉི་མ་ང་རང་གི་རེད།

B RAMAN བྷི་རཱ་མན། ཟི་ཁྲོན་ནུབ་ཁུལ་ནི་རྒྱ་གཞུང་གི་དྲག་གནོན་ཆེ་བའི་གདུག་རྩུབ་ལ་ཞི་རྒོལ་བྱེད་པའི་ལྟེ་གནས་ཤིག་ཆགས་ཡོད། བོད་ནང་ལང་བཞིན་པའི་ཞི་རྒོལ་གྱི་རླབས་མོ་དེ་བཞིན་ཟི་ཁྲོན་གྱི་ནུབ་ཁུལ་དུ་ཁྱབ་ནས། དེའི་འབྲས་བུར་ས་གནས་ ཉེན་རྟོག་པས་མེ་མདའ་བརྒྱབ་སྟེ་ཡང་སྐྱར་བོད་མི་ཞིག་འདས་གྲོངས་སུ་བཏང་ཡོད། ང་རང་གི་གནས་ཚུལ་འབྱུང་ཁུངས་ལ་གཞིག་ན། ༼འདི་ལོའི་༽ཕྱི་ཟླ་ ༡ ནས་༼ རྒྱ་གཞུང་ ༽ཉེན་རྟོག་པས་༼ བོད་མིའི་ཐོག་ ༽ མེ་མདའ་བརྒྱབ་པའི་གནས་ཚུལ་ཐེངས་གསུམ་བྱུང་ཡོད་ཅིང་། སྐབས་དེ་དག་ལ་བོད་མི་ ༡༢ ཙམ་འདས་གྲོངས་སུ་ཕྱིན་ཡོད། འོན་ཀྱང་རྒྱ་ནག་གཞུང་གིས་༼དྲག་གནོན་༽ ཐེངས་གསུམ་གྱི་སྐབས་བོད་མི་ ༣ འདས་གྲོངས་སུ་ཕྱིན་པ་ཁས་ལེན་བྱས་པ་ལས། འཆི་གྲངས་མང་བར་ངོས་ལེན་མ་བྱས་པར་དགག་པ་བརྒྱབ་འདུག། རྒྱ་ནག་ཉེན་རྟོག་པས་ ༼ བོད་མིའི་ཐོག་ ༽མེ་མདའ་བརྒྱབ་པའི་གནས་ཚུལ་གསར་ཤོས་དེ་ རྔ་པ་ཁུལ་གྱི་འཛམ་ཐང་ ( In chinese,Rangtang)   ཞེས་ས་གནས་བར་མ་ཞང་དུ་བྱུང་ཡོད་ཅིང་། ས་གནས་དེར་ཕྱི་ཚེས་ ༢༦ ཉིན་རྒྱ་ནག་ཉེན་རྟོག་པས་མེ་མདའ་བརྒྱབ་སྟེ་བོད་མི་གཞོན་སྐྱེས་གཅིག་བསད་པ་ལས། དེ་ཁུལ་གྱི་བོད་མི་ཚོས་འཛིན་བཟུང་བྱས་པའི་ཐར་པ་དང་། རྒྱ་ནག་ཉེན་རྟོག་པས་རྒྱ...

འདི་ན་རིག་པའི་ཕོ་རྒོད་དར་མས་སྨྱུག་རྩེ་པད་མའི་ཅོད་པན་གྱིས།། ཀཱ་ཤིའི་མཁའ་དབྱིངས་བ་དན་སྔོན་མོར་རྒྱལ་ཁའི་རྒྱལ་མཚན་འགྲེངས་མཛད་པར།། མཐའ་ཡངས་མཚོ་མོའི་ཕང་པ་དྲོན་མོར་སྒེག་ཆང་ལངས་འཚོ་འཛིན་བཞུགས་མ།། ལྷ་ཡི་བུ་མོ་འོད་དཀར་ཅན་མས་ཏམ་བུའི་སྒྲ་དབྱངས་མྱུར་དུ་སྒྲོགས།། ལྷག་རླུང་ངར་མས་ཤར་ནས་བདས་ཅིང་མཁའ་ཐར་སྤྲིན་ཕུང་གཏིབས་པ་ཡིས།། མཐོ་སྒང་ཁ་བའི་བུ་ཡུག་བཙན་པས་གངས་ལྷ་སྒེག་མོ་ཁ་འདར་ཤོར།། བོད་ཡུལ་དབུས་ཀྱི་ས་གཞི་ཆེན་པོ་ངུ་སྒྲའི་དབྱངས་ཀྱིས་མནལ་བསླངས་དུས།། ཡམ་ཡུམ་ཟུང་གི་བྱམས་བརྩེ་དྲོན་མོས་ཁྱོད་ལ་ཕུགས་བལྟས་འདི་བྱིན་ངེས།། ཇག་ཚོགས་དམར་པོའི་འདྲེ་ལག་འོག་ནས་ཉམ་ཆུང་འགྲོ་བའི་དཔལ་འཕྲོག་ཀྱང་། གངས་རིའི་འོད་དཀར་ནུབ་ཏུ་བཞུད་པས་འཁོར་ཚོགས་སྐར་མའི་རྗེས་སྙེགས་ཟབ།། ཁྱོད་ཉིད་བྱིས་པའི་ན་ཆུང་དུས་ནས་གཞིས་ཁྱིམ་བསྐྱུར་དགོས་གདུང་བ་ལྕི།། བཟོད་བྲལ་ལས་དབང་ཕྲག་གིས་བླངས་དུས་དཀའ་སྡུག་ཇི་འདྲ་མྱངས་ཡོད་ཨང་།། མཁའ་དབྱིངས་ལྕགས་བྱའི་འཕུར་འགྲོ་ཟབ་ཅིང་སྣུམ་ཟ་ས་ཁར་འགུལ་ཆེ་དུས།། རིག་གསར་སློབ་གྲྭའི་སྐྱེད་ཚལ་ཡངས་མོར་ཤེས་བྱའི་མེ་ཏོག་འཐུ་བ་ཟབ།།

ཀ་དག་སྒྱུ་མའི་ཞིང་ས་ཆེན་པོའི་འོ་མཚོ་རྒྱས་པའི་ཕང་པ་རུ།།  ཀཱ་ཤིའི་གོས་ཀྱིས་ལེགས་པར་བརྒྱན་ཞིང་སོར་རྩེ་ཏམ་བུའི་གཟུགས་ཀྱིས་བརྒྱན།། མཛེས་སྡུག་སྒྲ་ཡི་བྱེད་པོར་གྲགས་པའི་སྙིང་སྡུག་དབྱངས་ཀྱི་ལྷ་མོ་ཁྱོད།། དེ་རིང་བདག་གི་གྲོགས་སུ་བྱོན་ལ་སྙིང་གི་སྒྲ་འདི་དཀྲོལ་རོགས་མཛོད།།  གངས་ལྗོངས་ཨ་མའི་ལྟོ་ལས་སྐྱེས་ཀྱང་ཨ་མའི་པང་དུ་ཉལ་དབང་བཅད།།  ཤ་མར་རྩམ་པའི་དྲིན་གྱིས་གསོས་ཀྱང་དྲིན་ཅན་མིག་གིས་རིག་དབང་བཀག།  བལ་དང་སློག་པའི་དྲོད་ཀྱིས་བསྐྱངས་ཀྱང་དྲོད་དེ་ལུས་ལ་སྦྱར་དབང་འཕྲོག།  ས་མཐའི་ཁྱར་ཁྱོར་འཚོ་བ་སྐྱུར་མོར་རྟོག་པ་སད་པའི་སྙན་ངག་བྲི།།  ཨ་མའི་བྱང་གི་གློ་སྙིང་བྲུས་ཏེ་ཕྱི་ནས་ལྷན་པ་རྒྱག་དང་གཅིག།  གྲོགས་དང་ན་ཟླའི་ཟུངས་ཁྲག་བཏུངས་ནས་དུག་ཆུ་ཁོག་ལ་བཅུག་དང་གཉིས།།  ས་ཁའི་རང་བྱུང་རྩ་ཐང་བསློག་ནས་འགྱིག་གི་མེ་ཏོག་བཏབ་དང་གསུམ།།  དེ་དག་མིག་གིས་མཐོང་ཐེངས་རེ་རེར་མཆི་མའི་བཞུར་རྒྱུན་འགོག་ཐབས་བྲལ།།

གནའ་སྔ་མོ་སྔ་མོའི་དུས་ཞིག་ལ།།  བོད་ཆོལ་གསུམ་གཅིག་ཏུ་མ་བསྒྲིལ་གོང།།  རྗེ་ཟིང་པོ་རྗེ་ཡི་རྒྱལ་ཁབ་ལ།།  ཡུལ་ངས་པོ་ཞེས་ནི་འབོད་ཅེས་ཟེར།། ཡབ་རྣམ་རི་སྲོང་བཙན་སྐུ་ངོ་མས།།  ཡུལ་ངས་པོ་དབང་དུ་བསྡུས་རྗེས་སུ།། རྗེ་བང་སུམ་མངའ་ཁོངས་ཡོངས་ཪྫོགས་སུ།། མིང་འཕན་པོ་ཞེས་ནི་བཏགས་སོ་ཟེར།།  དེ་ཤེས་སམ་མི་ཤེས་དགེ་རྒན་ལགས།། དེ་ཤེས་ན་མིང་འགོ་འཕན་ཞེས་པ།།  དེ་མཚོན་པའི་དོན་དུ་བཀོད་པ་ཡིན།།  དེ་མ་ཤེས་དེབ་ཐེར་གཟིགས་རོགས་མཛོད།།

ཀ་ཁའི་དབྱངས་འགུག་མ་ཤེས།།  ཁ་ཞེ་གཡུག་བཟོ་དོད་པ།།  ག་ཡིན་འདི་ཡིན་མེད་པར།།  ང་དང་ཁྱོད་ཅེས་རྩོད་ཀྱིས།།  ཅ་སིང་རྩེད་འཇོར་གཡེང་ནས།།  ཆ་ལུགས་ལས་ལ་མི་བརྩོན།། ཇ་ཆང་ཤ་ལ་དགའ་དེས།།  ཉ་དང་རུས་སྦལ་ཟ་གིས།།  ཏ་ཐཱ་ག་ཐའི་བསླབ་ཟུང་།། ཐ་ན་ཚིག་ཅིག་མ་ཤེས།།  ད་དུང་མཁས་མདོག་སྟོན་དེར།།  ན་ཟླ་གད་མོ་འཆོར་གྱིས།།