རིགས་གྲོལ་གྱི་ཟིན་བྲིས།

༡) གཞན་ཁ་གསོ་མཁན།                                   རིགས་གྲོལ།     “དཀའ་ལས་སྐྱ་བས་བརྒྱབ། །ལོངས་སྤྱོད་གཟར་བུས་བཏང༌། །”ཞེས་པའི་གནའ་གཏམ་དེ་སེམས་ལ་དྲན་བཞིན་རྡོ་རྗེས་“དམངས་ཁྲོད་ཀྱི་གཏམ་དཔེ་དེ་དག་ངོ་མ་དོན་ལ་གནས་པ་ཞིག་རེད་ཨང་།” ཅེས་ཆིག་ལབ་བྱེད་ཀྱིན་ལག་ཁུག་ནག་པོ་དེ་འཁྱེར་སྟེ་ལས་ཁུངས་ཀྱི་ཕྱོགས་སུ་བསྐྱོད།      རྡོ་རྗེ་ནི་ལས་ཁུངས་དེའི་ལས་བྱེད་ནང་ནས་སློབ་སྦྱོང་ཡག་ཤོས་དང་ཤེས་ཚད་མཐོ་ཤོས། ལས་འགན་གྱི་ཐོག་ལ་ལྷག་བསམ་ཆེ་ཤོས་དང་ཧུར་བརྩོན་ཆེ་ཤོས་ཀྱི་ན་གཞོན་ཞིག་རེད། ཡང་གཅིག་བཤད་ན། ཁོ་པ་ནི་ལས་ཁུངས་དེའི་ཀ་བ་རེད། ཁོ་པ་མེད་ན་ལས་ཁུངས་ཀྱི་གདུང་མ་ཡིན་ཟེར་མཁན་ཚོ་ཡང་དངོས་པོ་ཙམ་རེད། འོན་ཀྱང་དོན་གནད་འདི་ཤེས་མཁན་ང་ཚོའི་ལས་ཁུངས་ནང་ནས་ཀྱང་བསམ་ཤེས་ཅན་འགའ་ཞིག་མ་གཏོགས་མེད།       ཁོ་པ་ལས་ཁུངས་ཀྱི་སྒོ་ཁར་ཐོན་སྐབས་སྒོ་སྲུང་བ་དེས་ “སྐུ་ཞབས། སྐུ་ངོ་ལགས་ཀྱིས་སྔ་པོ་ནས་བཙལ་སོང་། མགྱོགས་པོ་ཁོང...

༦) འདོད་རྔམ་ཅན་གྱི་སེང་གེ།               ཚ་དྲོད་ཤིན་ཏུ་ཆེ་བའི་ཉིན་ཞིག །སེང་གེ་གཅིག་ཧ་ཅང་ལྟོགས་ནས་བསྡད་ཡོད་པ་རེད།        ཁོས་རང་ཉིད་ཀྱི་ཕུག་པ་ལས་ཕྱིར་ཐོན་ཏེ་ས་ཕྱོགས་གང་སར་ཟས་བཙལ་ཡང་། ཡོས་བུ་ཆུང་ཆུང་ཞིག་ལས་མ་རྙེད། ཁོ་པས་ཐེ་ཚོམ་དང་བཅས་ཡོས་དེ་བཟུང་།        སེང་གེ་དེས་“ཡོས་བུ་ཆུང་ཆུང་འདིས་བདག་གི་གྲོད་པ་བརྒྱག་རྒྱུ་མ་རེད་ཨང་།”སྙམ་པ་རེད།        སེང་གེས་ཡོས་དེ་གསོད་གྲབས་བྱེད་སྐབས་ཤྭ་བ་ཞིག་ཕྱོགས་དེ་ནས་རྒྱུགས་ཏེ་སོང་བས་སེང་གེ་དེ་འདོད་རྔམ་ཆེ་རུ་ཕྱིན་ཏེ། “ངས་ཡོས་བུ་ཆུང་ཆུང་འདི་ཟ་བ་ལས། ཤྭ་བ་ཆེན་པོ་དེ་ཟོས་ན་དགའ།”སྙམ།        ཁོས་ཡོས་བུ་དེ་གློད་ནས་ཤྭ་བའི་རྗེས་སུ་རྒྱུགས་ཏེ་ཕྱིན། འོན་ཀྱང་ཤྭ་བ་དེ་ནགས་ཚལ་ཁྲོད་གར་སོང་ཆ་མེད་དུ་གྱུར་བས། ད་གཟོད་སེང་གེ་དེ་ཡོས་གློད་ཟིན་པར་འགྱོད་པ་སྐྱེས་སོ།། ༧) གྲོགས་པོ་གཉིས་དང་དོམ།       ཡེ་ཤེས་དང་ཨོ་རྒྱན་གཉིས་གྲོགས་པོ་རེད། གུང་སེང་ཞིག་གི་སྐབས་ཁོ་གཉ...

༡) ཤེས་རབ་ལྡན་པའི་སྐྱེས་བུ། མི་རྣམས་ཀྱིས་རྟག་ཏུ་ཤེས་རབ་ལྡན་པའི་སྐྱེས་བུ་ཞིག་གི་དྲུང་དུ་དཀའ་ངལ་གཅིག་ཡང་ཡང་ཞུ་རུ་ཡོང་གི་ཡོད། ཉིན་ཞིག་ཁོང་གིས་མི་རྣམས་ལ་ མཚར་གཏམ་ཞིག་བཤད་པ་ན་ཚང་མས་སྐད་ཤུགས་ཆེན་པོས་བགད་པ་རེད།       ཡང་སྐར་མ་ཁ་ཤས་ཀྱི་རྗེས་སུ། ཁོང་གིས་མཚར་གཏམ་དེ་སླར་ཡང་བཤད་པ་ན་མི་འགའ་ཞིག་གིས་བགད།        ཁོང་གིས་མཚར་གཏམ་དེ་ཚར་གསུམ་པ་བཤད་སྐབས་མི་གཅིག་ཀྱང་དགོད་མཁན་མ་བྱུང་།     ཤེས་རབ་ལྡན་པའི་སྐྱེས་བུ་དེས་འཛུམ་ཙམ་བྱས་རྗེས་“ ཁྱེད་ཚོས་མཚར་གཏམ་གཅིག་གི་ཐོག་ཡང་ཡང་དགོད་མི་ཐུབ་པ་བཞིན།  དཀའ་ངལ་ གཅིག་གི་ཐོག་རྟག་ཏུ་ཅི་ཕྱིར་ངུ་གི་ཡོད་དམ།” ཞེས་བཤད་དོ།། ༢) བོང་བུ་གླེན་པ། ཚྭ་ཚོང་མཁན་ཞིག་གིས་ཉིན་ལྟར་ཚྭའི་སྒྱེ་མོ་རང་ཉིད་ཀྱི་བོང་བུར་བཀལ་ནས་ཁྲོམ་རར་འགྲོ་གི་ཡོད།          ལམ་བར་ཁོ་ཚོས་རྒྱུག་ཆུ་ཞིག་བརྒལ་དགོས། ཉིན་ཞིག་བོང་བུ་དེ་ཆུའི་ནང་འགྱེལ་བས་ཚའི་སྒྱེ་མོ་ཆུའི་ནང་ ལྷུང་པ་རེད། ཚྭ་ཆུའི་ནང་ བཞུས་པས་སྒྱེ་མོ་དེ་ཧ་ཅང་རྒྱུ་ཡང་དུ་ཕྱིན་ཏེ། བོང་བུ་དེ་དགའ་པོ་བྱུང་།    དེ་ནས་བོང་བུ་དེས་གཡོ་བྱ...

  ཀ་བཤད་དྲི་མ་ཅན།                              རིགས་གྲོལ། ཀ་ཁའི་དབྱངས་ལ་འཐིམ་པའི་མི་རིགས་ཤིག། ཁ་བའི་རི་ནས་ཇི་ལྟར་རྒུང་སོང་ཨང་།། ག་ཙམ་མུན་པའི་རུམ་དུ་བཞུད་སོང་བ།། ང་དང་ཁྱོད་ཀྱིས་འདི་ལྟར་ཅི་ཕྱིར་དྲན།། ཅ་ཆའི་རི་མོར་དུང་བའི་མཐོ་སྒང་པ།། ཆ་རྒྱུས་མེད་པའི་ས་མཐར་ཐོར་སོང་ངམ།། ཇ་ཆང་རྩམ་པའི་བྲོ་བ་བརླགས་སོང་བ།། ཉ་མོ་མཚོ་བྲལ་འདི་ཡིས་ཇི་ཙམ་སྐྱོ།། ཏ་ཐའི་སྒྲ་ལ་བྱང་བའི་མ་ནི་བ།། ཐ་ཆད་འཚོ་བ་འདི་ཡིས་བཅུར་སོང་ངོ་།། ད་དུང་དྲན་པའི་ཞགས་པ་ལྷོད་སོང་ན།། ན་ཁ་ནོར་གྱིས་སྟོང་ན་ཅི་ལྟར་བྱ།། པ་ཕའི་ཚིག་ལ་བཏགས་པའི་ཕོ་རྒོད་ཚོ།། ཕ་གཞིས་སྐྱོང་བའི་ནུས་པ་ཟད་སོང་ངམ།། བ་གླང་ནང་རྡུང་རྒྱག་པ་མང་སོང་བ།། མ་ལོའི་བྲང་ཁ་དམར་པོ་ཇི་ཙམ་གཤགས།། ཙ་ཚ་ཁ་ལ་གོམས་པའི་ཐུ་བྷོད་པ།། ཚ་ཁུལ་ལུས་ལ་གྱོན་པ་མང་སོང་ངམ།། ཛ་ཡའི་ཚིག་འབྲུའི་མཛེས་སྡུག་ཤོར་སོང་ཡང་།། ཝ་རྒན་ལྟ་བུས་ནང་འཁྲུག་ཇི་ཙམ་བསླངས།། ཞ་ཟའི་གཟུགས་ལ་དགའ་བའི་མི་རིགས་འདིས།། ཟ་རི་ཟི་རི་ཅི་ཙམ་བསྒྲུབས་སོང་ཨང་།། འ་རེ་འུ་རེའི་ཁྱི་སྐད་གྲགས་སོང་བ།། ཡ་བཏགས་དང་པོར...

དགེ་རྒན་ཉིན་མོ།། དགེ་བ་ཅི་བསགས་སོ་སོས་མི་ཤེས་བཞིན།། དགེ་རྒན་ཟེར་བའི་མིང་ཚིག་ལྗིད་མོ་དེ།། དགེ་སློང་དག་གིས་གཞན་དོན་སྒྲུབ་པ་ལྟར།། དགེ་མིན་རིགས་ཀྱི་ཆེད་དུ་འཁུར་ནས་ཡོད།། དགེ་རྒན་དམ་པ་རྣམས་ཀྱི་འོད་ཟེར་བརྒྱ།། བདག་སེམས་ས་གཞིའི་སྟེང་དུ་འཕྲོས་པ་ལས།། བདག་གིས་སྤོབས་པའི་གོན་པ་གྱོན་བྱས་ནས།། མ་ནུས་ན་ཡང་འགན་འཁྲི་སྒྲུབ་པ་ཙམ།། ཕྱི་ནས་རྒྱབ་སྐྱོར་མེད་པའི་སྨག་རུམ་དང་།། ནང་དུ་འཐབ་རྩོད་ལྟ་བུའི་ངལ་བ་ཡིས།། སྐབས་རེ་ཡིད་ཀྱི་དང་ག་འགགས་ན་ཡང་།། བཟོད་པའི་ཞགས་པས་བཅིངས་ནས་ལོ་གསུམ་འགོར།། ལན་རེར་དགའ་བའི་རྒྱུ་ཙམ་མཐོང་བ་ལས།། མ་འོངས་འོད་ཟེར་འཕྲོ་ཞེས་འུར་སྟངས་ཀྱིས།། རང་སེམས་རང་གིས་གསོ་བ་བྱིས་པའི་བློ།། རང་རིག་རིགས་པས་དཔྱད་ན་དགོད་རེ་བྲོ།། སྐབས་རེ་རང་གཤིས་ངན་པའི་དུག་རླངས་ཀྱིས།། ཁྲལ་ཙམ་འཇལ་ན་སྙམ་པའི་བློ་ཤར་བ།། ཁྱོད་ཀྱིས་བཅོས་མ་ལྟ་བུའི་གུས་ལུགས་འདིས།། ཇི་ཙམ་ནུས་མེད་བཏང་བ་ཨེ་དྲན་ལགས།། ཁ་བཏགས་དཀར་པོ་ཙམ་གྱི་འོད་ཟེར་དེས།། བདག་ལ་བདེ་བའི་ཚོར་བ་སྦྱིན་བྱེད་ན།། བདག་གིས་བཟང་པོའི་ཕྱོགས་སུ་ལམ་སྟོན་པ།། ཁྱོད་ཀྱིས་འབད་པས་བསྒྲུབ་ན་ཅི་ལྟ་ཨང་།། བདག་གིས་ཁྱོད་ལ་བཅངས་པའི་རེ་བ་ནི།། ...