གཞས་ཚིག

གཞས་ཚིག
(གསུམ་བཅུའི་དུས་དྲན།)

 

གཅིག་དགུ་ང་དགུའི་ལོ་ལ།།

བོད་ཁམས་ཀུན་ནས་ལངས་སོང་།།

རང་དབང་མདའ་ཁར་ལྷུང་ཡང་།།

ཉི་མར་ཕེབས་སྐྱེལ་ཞུས་སོང་།།

 

གཅིག་དགུ་ང་དགུའི་ལོ་ལ།།

བོད་ཁམས་ཀུན་ནས་ལངས་སོང་།།

རྫས་ཀྱི་ལུས་པོ་བཀས་ཀྱང་།།

ཕོ་བྲང་སེམས་པས་བསྲུངས་སོང་།།

 

གཅིག་དགུ་ང་དགུའི་ལོ་ལ།།

བོད་ཁམས་ཀུན་ནས་ལངས་སོང་།།

མགོ་བོའི་ཐོག་ཀྱང་བཏོར་ཡང་།།

རང་ཡུལ་རྡོག་པས་བསྲུངས་སོང་།།

 

གཅིག་དགུ་ང་དགུའི་ལོ་ལ།།

བོད་ཁམས་ཀུན་ནས་ལངས་སོང་།།

པ་ཕ་ཕྱི་མར་བརྫངས་ཀྱང་།།

ཁྱིམ་སྒོ་བུ་ཡིས་བསྲུངས་སོང་།།

 

གཅིག་དགུ་ང་དགུའི་ལོ་ལ།།

བོད་ཁམས་ཀུན་ནས་ལངས་སོང་།།

ཨ་མ་བཙན་འཁྲིད་བྱས་ཀྱང་།།

བུ་མོས་ཡར་ལ་ལངས་སོང་།།

 

གཅིག་དགུ་ང་དགུའི་ལོ་ལ།།

བོད་ཁམས་ཀུན་ནས་ལངས་སོང་།།

ཡུལ་ལུང་ཁྲག་གིས་ཚོས་ཀྱང་།།

དཔའ་དང་ངར་གྱིས་ལངས་སོང་།

      2014/03/09 ཉིན།